الندىٰ

✿ قبل يومين كنت أراجع في كتب الحنابلة مسألة (حكم النظر لوجه المرأة للحاجة كدراسة، أو معاملة بيع وشراء، ونحوها مما يشق معه صرف البصر عن المتحدث) .. وبين زحمة الأقوال والتعليلات لا أدري ما الذي قادني إلى مراجعة الفروع لابن مفلح .. وابن مفلح هذا (لمن لايعرفه) أحد دواهي الفقه الاسلامي .. وكان محل تعظيم من شيوخه وأقرانه ومن بعدهم .. وقد كان ابن تيمية –وهو أحد شيوخه- يقول عنه (أنت لست ابن مفلح، بل أنت المفلح) .. وكان ابن القيم –وهو أحد أقرانه- يقول عنه (ما تحت قبة الفلك أعلم بمذهب أحمد من ابن مفلح) .. وكان ابن القيم يراجع ابن مفلح لمعرفة اختيارات ابن تيمية حيث كان أضبط الناس لها. وكان ابن حجر يقول عنه (أورد ابن مفلح في كتابه الفروع ما أبهر العلماء) .. وكل من عانى تحرير اختيارات ابن تيمية علم أن الناس فيها عالة على ابن مفلح، حتى أمثال ابن القيم والبعلي والمرداوي فضلاً عمن بعدهم. المهم أن ابن مفلح هذا .. حين انتهى من عرض الاتجاهات وحصيلة الروايات عن أحمد، عقَّب –على غير عادته- بجملة أخلاقية واحدة استحوذت على كل أحاسيسي.. لله أبوه كيف استطاع أن يلخص كل هذه الفكرة الأخلاقية في جملة واحدة .. والله إنني منذ يومين أكتشف نفسي بين فينة وأخرى أهمس بعبارته طرباً بعبقريتها .. وأتمنى أن أجد أي شخص بجانبي لأعيد له شرح مشاعري تجاه هذه العبارة ! صحيح أن اللذائذ والأهواء عموماً، ولذة النظر المحرم خصوصاً، لاتحتاج إلى (معلومات) بقدر ماتحتاج إلى (شظية إيمانية) تسترد لك مراقبة الله .. لكن الوعي أحياناً بحقيقة وتفاهة اللذائذ المادية ذاتها .. وإدراك شئ من زيف ظاهرها الخلاب .. يمنحك قوة مضاعفة في مواجهة الفتنة .. وهذا هو سر الشئ المدهش في عبارة ابن مفلح .. فبدلاً من أن يقدم موعظة خالصة .. عمد إلى تفتيت وهج الفتنة ذاتها.. حيث يقول ابن مفلح في عبارته المركزة: «وليحذر العاقل إطلاق البصر، فإن العين ترى غير المقدور عليه على غير ما هو عليه»!! لا إله إلا الله .. والله العظيم لقد صدق .. كم من وجه خلاب للمارة .. لا يراه من حل له إلا دون ذلك ! ولذلك .. اصرف بصرك وتأكد أن الموضوع أقل بكثير مما تتصور .. لكنها هالة البعيد والوهج الزائف لغير المقدور عليه .... أعوذ بالله من الشيطان الرجيم: ﴿ قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ﴾. إبراهيم السكران - فك الله أسره

الإنصاف خصوصًا بعد انتهاء العلاقات عزيز. مش شرط أبدًا تقنع نفسك إن الطرف التاني كان سيء وفيه العبر علشان تحس بالانتصار إنك تركته، ولا تتجنب اللوم على تقصيرك في حقه، ولا تسكّن ضميرك بعيش دور الضحية المظلوم! اخرجوا من العلاقات بنفسية سوية، واحفظوا للناس حقهم وقدرهم، وتغاضوا عن سيئهم. في يوم قُلتم عليهم حبايبكم، وف يوم صنعتوا معاهم ذكريات، وف يوم متخيلتوش حياتكم من غيرهم شكلها ازاي، وف يوم كانوا هما كل حاجة بالنسبالكم. الإنصاف عزيز، كل علاقة مرت في حياة الإنسان عزيزة، كل شخص أدخلته حياتك كان في يوم عزيز، لا تغدر ولا تفجر بعد الفراق، فارقوا وفقط، بكل بساطة وبكل أدب. كل علاقة اتبنت بوعي وانتهت بوعي هي مؤسس لجزء في شخصيتك، قلّ هذا الجزء أو كثر، كل إنسان في حياتنا بيعلمنا دروس كتير، بيغير فينا أكتر مما نتخيل( إذا كنا ناس واعية). مهما كان الأذى اللي اتعرضتله من الشخص اللي سابك فهو بقصد أو بدون قصد علّمك، دروس وخبرات أخدت من قلبك أيوا، لكن هتفرق في باقي حياتك وعلاقاتك لو أنت إنسان واعي وناضج. مش بنلقح بعد انتهاء العلاقات، ولا بنحاول نثبت(بالكذب) إننا مبسوطين ونفسيتنا عادي متأثرتش، عيشوا آلامكم وخدوا وقتكم واتأثروا بفراق حبايبكم( أو كانوا ف يوم حبايبكم)، والدنيا مش مضمونة بحال، لربما رجع ليك حبايبك ف يوم، على الأقل تكون حامل بعض ود تجاههم. متنبذوش الناس لمجرد إنهم تركوكم، حق كل إنسان يسيب المكان اللي مش مريحه، وأنتم مش مكسب لأي حد وأي حد يسيبكم هو الخسران وكلام الميديا دا، ممكن يكون كسبان عادي، وأنت اللي شخص معمي عن عيوبه وعايش جنون العظمة.. ركزوا على أنفسكم بعد الترك وراجعوها كويس وصلحوا عيوبكم علشان علاقاتكم الجاية تكون أفضل. وأي حد مش مرتاح مع حد أو لقى بديل عنه، عيب تسيبوا الناس قلبها وعقلها ياكلها من التفكير هما اتسابوا لي؟ غلطتهم كانت إي؟ من حق الناس تعرف على الأقل هي لي اتفرط فيها بهذه السهولة واللامبالاة! عيب تسيبوا حبايبكم بسهولة، على الأقل سيبوهم بنهاية يستحقوها. العلاقات عزيزة، أعز شيء في حياة الناس، من فضلكم اعملوا بآدابها في البداية والنهاية. الناس مش مسؤولين عن الأذى اللي عرضوك ليه، فحتى لو حد سابك من غير أسباب ولا نهاية مناسبة، أنزل نفسك أنت منزلتها، ولا تتذلل له لإبداء ما لم يبده وهو مسؤول عنه، اقفل الباب وارفق بنفسك من ألم التساؤلات وفرط التفكير وشعور ال"لي؟".. والله يعين كل إنسان بيحارب عمومًا. هاجر محمد جمعة

" يوم جميل بكل تفاصيله " الحَمدلله على لُطف الله المُختبىء في تفاصيل أيامنا،الحَمدلله حُبًا وشُكرًا. 🩵 ٢٠٢٤/٩/١٤

صَبَـاح الخَيْـر 🌿✨️ لم يحدث أبدًا على مدى الزمن أن انحلت مشكلة ،أو تحققت أمنية بالهمّ والغمّ والتنكيد على النفس، بل جميع المشاكل كان حلّها بالصبر والرضا والتسليم لقدر الله، ثم العمل قدر الإمكان بالأسباب المشروعة والقلب مطمئن وراضٍ بالله. استشعر ذلك، وتوقّف عن الجزع والتسخّط، واستشعر أيضًا بعمق أن كل شيء على ربنا سبحانه هيّن وهو قادر على إجابة جميع دعواتك.. لكن سيأتيك مافيه خير لك، في وقته المقدر له. • عبدالله القاسم - بتصرّف يسير.

هذه ليلةٌ ونيسة.. خفف عنك أحمالك من الهم، والذنب، وخذ البشرى بالفتح والبركات، وكل طيِّب من الرزق تطيب بطيبٍ لطيف، هذا أوان طيب روحك، ونفسك، وأيامك أيضا ما عليك إلا أن تصلي وتسلم على النبي صلّى الله عليه وسلم اللهم صلِ وسلم على نبينا محمد وعلى آله وصحبه أجمعين.

مش هتاخد خطوة حقيقية في حياتك طول ما أنت خايف من الفشل وشايفه إنه وصمة عار لو اتعرضت لـده! وإنه لازم كل حاجة تطلع بيرفيكت من المرة الأولى زي ما إنت مخطط لـ ده! وإنك بتقارن بداية خطواتك بنهاية خطوات غيرك من غير ما تشوف مرحلة الكواليس كان فيها تعب وفشـل وتضحيات إزاي ! مش هتاخد خطوة طول ما إنت شايف نفسك قليل ، طول ما بتقلل من إنجازاتك البسيطة ، لأن أفعالك البسيطة هي دي اللي مع الاستمرارية هتوصلك لإنجازات أكبر .. ولا وإنت قاعد على الكنبة بتتمنى وبس من غير ما تبذل مجهود . الحياة مش سهلة، ولا مليانة حظوظ .. إنت محتاج تستغل وقتك صح علشان تستعد للفرصة المناسبة اللي ربنا هيبعتهالك في الوقت المناسب .. #مريم_المنشاوي

_ مش بتحفظ السورة في القرآن من مرة أو اتنين ولو حصل فـ بتحتاج تراجع علشان الحفظ يثبت معاك ومتنساش .. _ أول و تاني و تالت فيديو مش كفيل يخلي الناس تعرفك وتعرف محتواك «لأنك محتاج استمرارية» .. _ أول شهر في تعلم اللغة غير تاني و تالت شهر «العامل هو الاستمرارية» .. اعرف شخص نسي ولسانه تقل شويه في اللغة لما كان في فترة الجيش ولكن لما خرج رجع للي كان بيعمله تاني وبقى أفضل. _ حركة إيدك في الرسم، التلوين أو حتى الكتابة في الأول غير بعد فترة الاستمرارية.. _ خوفك أول مرة وانت بتتعلم سواقة ومش عارف تتمكن من حركاتك غير لما خرجت وروحت الشغل بعربيتك واتعاملت كام مرة .. _ الحروف الأبجدية اللي يحفظها الطفل في أول مرة غير لما يكررها وبعدين تلاقي حافظها عن ظهر قلب ▪️إنت مش عايز تقضي وقت في تعلم مهارة، ولا تسهر ولا تذاكر بشكل كافي وكويس وبتدور على السهل اللي يطلعك بسرعة؛ مستصعب طلوع السلم وممكن تتأفف كمان من ضغطة الزرار للاسانسير علشان يجي دورك .. كل مرحلة محتاج وقت وصبر وجهد واستمرارية وبس كده، النتيجة بره حساباتك كده كده 🎀 والسلام لكَ ولقلبكَ. #مريم_المنشاوي

https://youtu.be/BHN92rVsvIU?si=gBU54hFGHZEP3O4c أن تعرف شيء عن كل شيء، وكل شيء عن شيء، أن لا يحدك شيء، ولا توقفك عقبة، ولا يمنعك مانع، وأن تفكر وتسير وتبذل ما شاء الله أن تفعل.

- ده مبادرة عاملاها د.ميسم مجدي مؤسسة أكاديمية ابن سينا للتدريب، المبادرة للنساء بالأساس، فيها خير عظيم عظيم، للي عايزة تشتغل من البيت، أو شغل إضافي part time، لا تفوتكم✨... لينك المبادرة 🌟 https://youtube.com/playlist?list=PLAyz1BGUqcHycmDqmM5oTEmxBvntbW-PQ&si=jUyg-A0RTK6CfW31