قال النبي ﷺ

‏قال الشيخ ابن عثيمين رحمه الله ‏الدعاء بنزع الرياء من القلب من أفضل الدعاء؛ لأنك إذا سألت الله تعالى أن ينزع من قلبك الرياء فكأنك سألت الله عز وجل أن يعيذك من الشرك، فالرياء نوع من الشرك، وقد جاء في الحديث: "اللهم إني أعوذ أن أشرك بك وأنا أعلم، وأستغفرك لما لا أعلم" ‏. ‏(فتاوى سؤال على الهاتف / ج1 / ص23).

هااام جدا اخواتى احب ان انبه عن حاجة ركزوا معى الله يبارك فيكم السلام عليكم ورحمه الله وبركاته 💝. في موضوع كده غريب شويه طالع الفتره دي ! تلاقي واحده مُنتقبه و عينيها ملاينه ألوان ايشادو و ايلاينر و ماسكرا و و و واحده منتقبه و رجليها باينه واحده منتقبه و تلاقيها مشمره ايديها و كأنها لابسه تلت كُم ! والاسوء أن تلاقي منتقبه لابسه النقاب بدون خِمار و العبايه أو اللي لابساه مجسم عليها ومبين مفاتنها ! متخيلين اللي وصلناله؟؟ يعني ايه بجد تبقي منتقبه و مش لابسه خمار ؟ طب ايه الفايده عرفيني؟؟ خلينا مُتفقين ان الخمار فرض . طب والدليل؟ اقرأي كده.. ﴿وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ﴾ شوفي كده ربنا قال ايه؟؟ قال و ليضربن بخمرهن علي جيوبهن . بمعني ارتداء الخمار و تغطيه الصدر بأكمله ، واخدين بالكم ! طب و ربنا قال ايه تاني؟ ربنا قال :﴿وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا ﴾ يعني ايه؟؟ يعني مينفعش تخرجي بمكياچ و الرجال الأجانب يشوفوكي ، نقول تاني مينفعش تبقي نازله حاطه ميييكب و رجال اجانب عنك يشوفوكي . مينفعش برضو تنزلي و تحطي "برفيوم" وكل اللي رايح وجاي يشم ريحتك ، لأنك كده هتبقي زانيه . تخيلي انتي بقي تبقي بتصلي وبتصومي و بتطلعي صدقات و رشه برفيوم تخليكي زانيه . و كل اللي بقوله ده يعتبر "تبرج" ، والتبرج يجلب اللعن والطرد من رحمه الله . راجعي نفسك قبل ما تنزلي من بيتك ، الجنه تستاهل . علشان كده لازم نلتزم بحجابنا صح لاننا قدوة لغيرنا فيه هذه الحالات من تبرج المنتقبات التى انتشرت على السوشيال ميديا وعلى ارض الواقع فى المدارس والجامعات والاسواق وفى الافراح حدث ولاحرج تكون المنتقبة اكثر فتنة من غير المنتقبة