Andijon viloyati bojxona boshqarmasining rasmiy axborot kanali

#Солиқ_имтиёзлари ✳️ Қонунчиликка кўра, умумий қуввати 100 кВтгача бўлган қайта тикланувчи энергия манбалари қурилмаларини ўрнатган ва улардан фойдаланувчи шахслар, улар фойдаланишга топширилган кундан эътиборан 3 йил муддатга, қуйидаги солиқларни тўлашдан озод этилиши белгиланган: 🔹ушбу қурилмалар бўйича — юридик шахсларнинг мол-мулкига солинадиган солиқни, алоҳида турувчи қурилмалар билан банд бўлган ер участкалари бўйича — юридик шахслардан олинадиган ер солиғини, электр энергиясини умумий тармоққа сотишдан олинган фойда бўйича — фойда солиғини; 🔹уй-жой фондининг кўчмас мулк объектлари бўйича жисмоний шахслардан олинадиган мол-мулк солиғи ва жисмоний шахслардан олинадиган ер солиғини. ⚠️ Агар қурилмалар ўрнатилаётган қуёш панеллари қувватининг 25 фоизидан кам бўлмаган қувватни ташкил этадиган электр энергиясини сақлаш тизими билан ўрнатилган бўлса, юқоридаги солиқ имтиёзлари улар фойдаланишга топширилган кундан бошлаб 10 йил муддатга қўлланилади. Каналга уланиш👇👇👇 https://t.me/huquqiyaxborot

#donolar_bisotidan #kun_hikmati Донолар бисотидан Агар яхши тасарруф қилинса, ҳамиша етарлича вақт топиш мумкин. Гёте

Шаҳардаги енгил автоуловлар ва автобуслар учун мўлжалланган чегара ўтказиш пунктида эса кунига 130-140 минг нафар жисмоний шахслар ҳамда 12 мингдан зиёд автотранспорт воситаларининг божхона назорати амалга оширилади. Бунда замонавий техник қурилмалар билан жиҳозлаш ҳамда тартиботларни рақамлаштириш ҳисобига постнинг ўтказувчанлик салоҳиятини оширишга эришилган. Асосан йўловчилар харкати ва Global Trevel махсус халқаро дастурига аъзо енгил автоуловларни ўтказиш учун мўлжалланган чегара божхона пости ҳам энг замонавий қурилмалар билан жиҳозланган. АҚШ чегара ва божхона назорати хизмати ўзида давлатнинг бир нечта идоралари фаолиятини бирлаштиргани ҳисобига такрорловчи функциялар қисқартирилган, фуқаролар ва автоуловларнинг ўтказиш самарадорлиги ҳамда хавфсизлик юқори даражага кўтарилишига эришилган. Товарларнинг асосий қисми автоматик равишда (инсон омилисиз) эркин муомалага чиқариб юборилади. Текширилиши лозим бўлган обьектлар эса таргетлаш маркази инструментлари орқали аниқланади. Таргетлаш марказида АҚШнинг 12 та давлат идоралари вакиллари билан бир қаторда 16 та давлатнинг божхона вакиллари ҳам доимий равишда ҳамкорликда хизмат олиб бориши эътиборни тортди. Таргетлаш марказида АҚШнинг турли идоравий ахборот тизимлари ўзаро интеграция қилинган. Таъкидлаш жоизки, Ўзбекистонда ҳам 2023 йилдан эътиборан Божхона қўмитасининг Таргетлаш ва хавфларни бошқариш маркази ўз фаолиятини бошлаган. Марказда тезкор тузилмалар томонидан божхонанинг 50 дан зиёд, Жаҳон божхона ташкилотининг 3 та ахборот дастури, 30 дан ортиқ идоралар, 25 та авиакомпания ва 9 та хорижий давлатлар божхона хизматларининг маълумотлари таҳлил қилиниб, хавф-хатарлар баҳоланади ва барча божхона постлари фаолияти масофадан бошқарилади. Бир сўз билан айтганда АҚШга амалга оширилган ташриф Ўзбекистонда божхона соҳасини рақамлаштириш борасида олиб борилаётган жадал ислоҳотлар дунёнинг илғор давлатлари билан хамоҳанг тарзда кечаётганини кўрсатиш баробарида эришилган натижалар билан кифояланмасдан, бу йўналишдаги ишларни янги босқичга кўтаришга ундайди.

Навбатдаги манзил Техасдаги АҚШ-Мексика чегарасида Халқаро божхона порти бўлди. Бу ерда бир вақтнинг ўзида пиёдалар, енгил ва юк автотранспорт воситалари ҳамда темир йўл поездлари ҳаракатланади ҳамда уларнинг ҳар бири учун алоҳида божхона постлари ташкил қилинган. Ларедо шаҳридаги “Жаҳон савдо кўприги” минтақадаги муҳим логистик иншоот ҳисобланади. Бу ерда фаоилят юритаётган божхона пости орқали кунига 16 мингга яқин юк автотранспорт воситалари божхона назоратидан ўтказилади. Лоредодаги темир йўл чегара постида эса бир кунда ўртача 1000 дан ортиқ вагон ва контейнерлар кўздан кечирилади. Диққатга сазовор жиҳати шундаки, 95 фоиз юклар импортёрлар томонидан тақдим этилган дастлабки декларациялар асосида шу ернинг ўзидан эркин муомалага чиқариб юборилади.

Аввал хабар берганимиздек, Божхона қўмитаси делегациясининг АҚШга амалий ташрифи доирасида мамлакатнинг бир қатор муҳим божхона объектлари фаолияти яқиндан ўрганилди. Техас штатидаги Сан-Антонио хақалро аэропорти 83 йиллик тарихга эга. Кунига 200 дан ошиқ парвозлар амалга ошириладиган аэропорт йилига ўртача 11 млн. нафар йўловчига хизмат кўрсатади. Бундай шароитда божхона назорати ва расмийлаштирувини тезкорлик билан амалга ошириш учун соддалаштирилган божхона йўлаги жорий қилинган. Делегация аъзолари мазкур йўлак тартиботлари, api/pnr маьлумотлари билан ишлаш ҳамда таргетлаш йўналишидаги тажриба билан яқиндан танишишди. Шунингдек, бу борада Ўзбекистон тажрибаси юзасидан ҳам мезбонларга маълумотлар берилди. Эслатиб ўтамиз, 2022 йилдан мамлакатизмининг барча халқаро аэропортларида учиб кетишда соддалаштирилган масофавий (божхоначисиз) божхона назорати йўлга қўйилган.

Андижонда “Ходимлар орасида салбий иллатларнинг содир этилиши, турли хил номақбул ишларга аралашиб қолишни олдини олиш”га қаратилган профилактик йиғилиши бўлиб ўтди.  Йиғилишда Андижон вилояти божхона бошқармаси бошлиғи ва шахсий таркиби, вилоят прокурорининг катта ёрдамчиси ҳамда Андижон шаҳар “Шахидтепа” масжиди имом хатиби иштирок этиб нутқ сўзладилар. Дастлаб, бошқарма бошлиғи томонидан жамиятда коррупция ва унга имкон бераётган омилларни вақтида аниқлаш ва чек қўйиш давлат ва жамият ҳаётининг барча соҳаларидаги долзарб вазифа ҳисобланиши, коррупцияга қарши курашишда ҳар бир божхона ходими энг аввало ҳалоллик иммунитетини ошириб, бу иллатнинг ҳар қандай кўринишига нисбатан муросасиз бўлиши талаб этилиши, бунда ходимларнинг хар бир хатти-ҳаракатлари тезкор тузилмаларнинг назорати ва кузатуви остидалиги, қолаверса ота-онага ғамхўрлик, фарзандлар тарбияси ҳамда уларнинг илм олишлари учун шароитларни яратиш энг афзал ибодатлар қаторида эканлиги тушунтирилди.      Шундан сўнг, “Шахидтепа” масжиди имом хатиби сўз олиб муқаддас ислом динида ватанни қўриқлаш, ватанга хизмат қилиш, нафс, ризқ, ҳалол ва ҳаром луқма, ота-онанинг фарзанди олдидаги ва фарзанднинг ота-она олдидаги мажбуриятларига алоҳида урғу берилди, шунингдек ватан остонасини ва манфаатларини, миллатини ҳимоясига киришган хар бир ходим учун муқаддас ислом динида берилиши ваъда қилинган савоблар ҳақида саҳиҳ ҳадислар мисолида етказилди. Йиғилишда сўз олган вилоят прокурорининг катта ёрдамчиси божхона тизимида хизмат қилиш давомида ходимларнинг қонун ҳужжатлари доирасида иш ташкил этишлари ҳамда фуқаро ва тадбиркорларнинг қонун билан муҳофаза этиладиган ҳуқуқ ва манфаатларини бузмаслик талабларига қатъий риоя этишлари талаб этилиши юзасидан ўзининг кўрсатмаларини бериб ўтди. Ўтказилган йиғилиш якунида бошқарманинг Шахсий хавфсизлик шуъба ходимлари томонидан божхона органларида хизмат олиб борган ва ҳозирда ҳуқуқий таъсис чоралари қўлланилганлиги натижасида божхона органлари хизматидан бўшатилган ходимларнинг хатти-ҳаракатлари билан таништириб, келгусида бундай салбий оқибатларга олиб келиши мумкин бўлган қилмишларни содир этмасликлари ҳақида огоҳлантирдилар.

The United States and Uzbekistan have signed a Customs Mutual Assistance Agreement (CMAA), boosting collaboration on security and trade. This agreement enhances law enforcement cooperation, facilitates efficient trade, and strengthens border security between our two nations.

#qonunchilikdagi_yangiliklar “Ўзбекистон Республикаси Президентининг солиқ ва божхона имтиёзларини беришни назарда тутувчи айрим ҳужжатларига ўзгартиришлар ва қўшимча киритиш, шунингдек, баъзиларини ўз кучини йўқотган деб ҳисоблаш тўғрисида”ги Президент Фармони (ПФ-140-сон, 18.09.2024 й.) қабул қилинди. Ҳужжатга кўра, Иқтисодиёт ва молия вазирлиги Солиқ қўмитаси ва Божхона қўмитаси билан биргаликда 2025 йил 1 январдан бошлаб молия йили давомида қабул қилинган ва бюджет даромадларини камайтиришни, солиқ ва божхона имтиёзларини беришни ҳамда солиқсиз тушумлардан бюджетга ажратмаларни камайтиришни назарда тутувчи нормаларни кейинги молия йилидан бошлаб амалга киритиш тартибини ўрнатиш бўйича қонун лойиҳасини Вазирлар Маҳкамасига киритади. Фармон билан Ўзбекистон Республикаси Президентининг айрим ҳужжатлари ўзгартириш ва қўшимчалар киритилди, айрим фармонлар эса ўз кучини йўқотган деб эътироф этилмоқда. Жумладан: 2025 йил 1 январга қадар товарларни олиб киришда божхона божининг ноль ставкаси белгиланадиган товарлар рўйхатидан сирка ёки сирка кислотаси қўшилмаган ҳолда тайёрланган, консерваланган ёки музлатилган (музлатилмаган) сабзавотлар (ТИФ ТН коди: 2004 ва 2005) чиқарилди. 2025 йил 1 январга қадар импорт қилишда божхона божининг ноль ставкаси қўлланиладиган қурилиш материаллари ва хом ашёлар рўхатидан эса иссиқлик билан полировкаланган шиша ва юзаси шлифовкаланган ёки полировкаланган шиша (ТИФ ТН коди: 7005 29 25 00, 7005 29 35 00, 7005 29 80 00) чиқарилди.

#donolar_bisotidan #kun_hikmati Донолар бисотидан Тарбия таълимдан устун туради. Инсонни тарбия вояга етказади. Г.Спенсер