Venue

ያማረውን የምመኝላችሁ ሰላም ለልባችሁ! 🙏🙏🙏 : @Venuee13 @Venuee13

...... በፍጥረተ ዓለሙ ከሰው ልጆች ሁሉ ብቻውን የቀረ ይመስላል። ፀጥ ረጭ ባለው ቦታ ከፊቱ ተራራው በግርማው ተኮፍሶ ሲመለከተው አየ። ፈገግ ብሎ። « አትኮፈስ አለቃህ ኡሁድ ነው። እንደ ኡሁድ እንደተወደድክ አልተገለፀልህም። ግዝፈትህ ለኔ ግርማ የለውም! » ሲል ተራራው ላይ ተሳለቀበት። ተራራው አንደበት ኖሮት ይህን ሲለው የተሰማውን ቢነግረው ተመኘ። ያሳዘነው፣ አንዳች ክፉ ነገር የተናገረውም መሰለው። « በንግግሬ አትዘን ላንተም የተመረጠልህ አለ።  አላህ ምድርን እንደ ችካል እንድትይዝ መርጦሀል። ይህቺን ታላቁ ሰው ኖረውባት የነበረውን ምድር! » ተራራውን ያስደሰተው ሲመስለው ከፊቱ ላይ ፈገግታ ታየ።.... [ አብዱልሀኪም ሰፋ ] : #ዮል... #Loading... እያሰባችሁበት 😊 : @Venuee13 @Venuee13

« አንቱ ሰው ስለምን እያሰቡ ፈገግ አሉ? » « የተውበት በር ዝግ ስላልሆነ ነው ፈገግ ያልኩት! » « እንዴት? » « የኔ ልጅ የተውበት በር እስካልተዘጋ ድረስ ተስፋ አለ። ተስፋዎችን እውን የሚያደርገው ደግሞ ጌታዬ ነው። ይህ ነው ፈገግ ያስድገኝ። » « አንቱ ሰው እወዶታለሁ! » « ወደ ጌታህ እንዳትመለስ ከሚያግዱህ እንቅፋቶች ጌታዬ ይጠብቅህ! » [ አብዱልሀኪም ሰፋ ] : @Venuee13 @Venuee13

« ሰውነት ትልቅ ምስጢር ነው። ገላ ትልቅ ምስጢር ነው። ስለህይወትሽ ምንም ሳትሰጊ፣ ሳትሳቀቂ ከባለቤትሽ አጠገብ መተኛት ትልቅ ምስጢር ነው። ከማንም ጋር ብትፈፅመው ወንጀል የሚሆንን ከባለቤትህ ጋር ብቻ የተፈቀደልህን ማድረግ ትልቅ ምስጢር ነው። ለማንም የተከለከሉ ምስጢሮቻችሁን ተካፍላችሁ ምነው ልብ ለልብ ለመግጠም ከበዳችሁ? ስለህይወታችሁ ሳትሰጉ ወደ ትንሿ ሞት በነፃነት ማምራትን ችላችሁበት በተከበረው ትዳር የተጣመራችሁትን ሰው መውደድ እንደምን ከበዳችሁ? ምስጢር በንግግር ብቻ አይገለፅም። በአይን ይወራል፣ በስሜት ይገለፃል፣ በንክኪ ይነገራል። ገላዎቻችን ምስጢሮቻችን ናቸው። ትውልድ ለመቀጠል ሰበብ በሚሆነን ትዳር ላይ ለምንጣመረው ለተገባን ሰው ብቻ የምናሳየው። በትክክለኛው መንገድ ማየቱን ከተፈቀደለት ሰው በቀር ገላ ለማንም በዘፈቀደ እንዳይገለጥ የተከለከለ ትልቅ ምስጢር ነው። ታድያ ይህን ምስጢራችንን በትክክለኛው መንገድ ከተያየነው ሰው ጋር ለምን ልባችን አልገጥምም ይላል? » [ አብዱልሀኪም ሰፋ ] : @Venuee13 @Venuee13

ሰላም ለልባችሁ! 🙏🙏🙏 : @Venuee13 @Venuee13

.......... « በተሳሳተ መንገድ የከጀልኳትን በትክለኛው መንገድ ላይ ከቀደሬ እንድትገጥም ሰርክ ለጌታዬ ብማፀነው ጥፋት ይሆንብኝ ይሆን? » ያልቀዘቀዘ የፍቅር ወላፈኑን ወበቅ አስመታቸው። በዱዓው ስለሚጠቃቅሰው ፍቅር ሹክ አላቸው። « ጌታህ የሚመርጥልህን እንድታፈቅር መጠየቅህ አንተ የምትሻውን እንድታገኝ ከመጠየቅ በላጭ ይሆንልሀል። » ንግግራቸውን እንደሰማ ዝምታ ዋጠው።.... [ አብዱልሀኪም ሰፋ ] : #ዮል... #Loading... እያሰባችሁበት 😊 : @Venuee13 @Venuee13

« አንቱ ሰው ከሳቋ ቁጣዋ፣ ከፍላጎቷ ሽሽቷ ይጎላብኛል። የማውቃትን እሷን አልመስልህ አለችኝ። » « የምታውቀውን አንተ ነህ? » « እንዴት? » « የምንወዳቸው ስለመቀየራቸው እንጂ ለመቀየራቸው ሰበብ የሆንነው እኛ እንሆን ወይ ብለን መጠየቅ ይኖርብናል። የኔ ልጅ ልብ የሚወደውን ደጋግሞ ታግሶ ፍሬ ሲያጣ እራሱን ያጣል። ሰው መውደድ ከመቻሉ  ጋር ደካማ ፍጡር ነው። በሚወደው ሰው ላይ ደግሞ ድክመቱ ይበልጥ ይጎላል። « ምን ላድርግ? » « እንደ ትውውቅ ጊዜያት ትጋላት። አብሮነት እንደሚናፈቅባቸው ጊዜያት ፍቅርህን አሳያት። እንዳታጣት ትተናነስላት እንደነበሩት ጊዜያት አክብራት። የኔ ልጅ ልብ በፍቅር ስትዳበስ ቅያሜዋን በፈገግታ ትጥላለች። » « አንቱ ሰው እወዶታለሁ! » « የሚወደውን ማስወደድ የሚያውቅበት ጌታዬ ይጠብቅህ! » [ አብዱልሀኪም ሰፋ ] : @Venuee13 @Venuee13

« እንባዋ የፈሰሰው ልፍስፍስ ስለሆነች ብቻ አይደለም። እጅጉን ስለተበደለች እንጂ። እንባዋን ስታሳይህ ከቃል በላይ የከበደ ልናገረው የከበደኝ ህመም አለኝ እያለች ነው። እንባ የድክመት መገለጫ አይደለም። እንባ የናፈቃትስ እንዴት ህመሟ የጠለቀ እንደሆነ ዐስበኸዋል? እንባ ናፍቆ ለማንባት አለመቻልን ጥልቅ ህመሙን እንባ የገራላቸው አይረዱትም። እንባ የገራላቸው እንባ ካጡት የበለጠ የእንባን ጸጋ አይረዱትም። ሰላም ለእነዝያ እንባ ለገራላቸው ልቦች! ሰላም ለእነዝያ እንባ ለናፈቃቸው ልቦች። » [ አብዱልሀኪም ሰፋ ] : @Venuee13 @Venuee13

« ህይወት ብዙ ከፍታ እና ዝቅታ ይኖረዋል። አንዳንዴ ጭራሽ ፈገግ ማለት ትዝ ላይለን ይችላል። ብዙውን እየታገልን አይደል። እና ዛሬ ሁላችሁም ውብ የሆነ ፈገግታ እንዳላችሁ እንዳትረሱ ነው ፈገግ እንድትሉ የሞከርኩት። እንግዲህ ትንሽም ቢሆን ፈገግ እንዳላችሁ ተስፋ አደርጋለሁ። ሳቅ አንዱ የህይወት ማጣፈጫ ቅመም ነው። ፈገግታ ሱና ከመሆኑም ጋር ፈገግ ማለት፣ ለሌሎችም ፈገግታ ሰበብ መሆን ይወደዳል። ውቡን ፈገግታችሁ እየተጠቀማችሁበት። ሁላችሁም በያላችሁበት ሰላም ለልባችሁ ይሁን! » 🙏🙏🙏 [ አብዱልሀኪም ሰፋ ] : @Venuee13 @Venuee13

ፈገግ እንድትሉ ስሞክር እናንተ እየተመለከታችሁኝ ያለበት ሁኔታ ነው የመሰለኝ (እስቲ አትዘባርቅ አይነት) ወገን ፈገግ አትሉም ወይ? እየጠበቅኳችሁ ነው። ባይሆን እስቲ ደስ ስለተሰኛችሁባቸው አጋጣሚዎች ወይም ጊዜያቶች አውጉን። እዚሁ comment ስር ወይም @Venuee13bot ላይ 👇👇👇👇