Abditory🖤

THE BOHEMIAN SERIES - ፪ [ አንድ ስለልቤ ~ "ልቤ ግራ አትግባኝ !" ] ሰው የሰበረውን ፥ ሰው ይጠግነዋል ሰይጣን የጣለውን ፥ አምላክ ያነሳዋል የአምናውን መከራ ፥ ዘንድሮ ያስረሳል ግን ከልብ ተኳርፎ ፥ ወዴት ይደረሳል? "ኖርኩኝ" ይላል እንጂ ፥ ግዑዝ ሥጋው ባይሞት ችሎ እንዴት ይኖራል ፥ ሰው ልቡ አስቀይሞት? ፨ ሆድማ ሞኝ ነው ፥ ደለልነው በጎመን ቢታመም ፈወስነው ፥ የእንግሊዝ ጨው ቅመን ስንቱን ደዌ እንዳልሻርን ፥ በጥበብ አክመን አሁን መላ ጠፋን ፥ እኔም ልቤም ታመን! ፨ አይታለል ነገር ፥ በሸማና በሀር የልብን ስለሚያውቅ ፥ ልብም እንደ እግዚሀር "ሰምቶ ይመልሳል" ፥ ብዬ እንኳን ባላምነው "ልቤ ግራ አትግባኝ" ፥ ብዬ ልለምነው! ልቤ ግራ አትግባኝ ! ቀን ፊቱን አዞረ ፥ ተገላበጠብኝ አናቅፎኝ ብወድቅ ፥ ሁሉ አላገጠብኝ ዛሬ ሊወግረኝ ነው ፥ ትላንት ያመለከኝ የእናቴ አንቀልባ እንኳን ፥ ቢያረጅ አሾለከኝ በሁሉም ስሰ`ለች ፥ አንተ ግን አትታክተኝ የገነት ደጆችን ፥ ፍኖት አመላክተኝ! ልቤ ግራ አትግባኝ ! ተጋዳሊ አይደለሁ ፥ ወይ ከሃሊ-ኩሉ ገረድ ፊት የምክድ ፥ እምነተ-ስንኩሉ ሦስቴ የምከዳህ ፥ ጴጥሮስ ነኝ ችኩሉ መልሰኝ እንደአውራው ፥ ብለህ አኩኩሉ አብርድልኝ እንጂ ፥ የክደት ቁጣዬን ከይሁዳ ወገን ፥ አትጣፈው እጣዬን! ልቤ ግራ አትግባኝ ! ሲፍረከረክ አቅሜ ፥ ዓይኔ ሲስለመለም ፊቷ ሲጠቁርብኝ ፥ ስትከፋብኝ ዓለም ሲላቀቅ አንደበት፣ ጣትም ሲጠቋቆም ጉልበት አቅም ሲያንሰው ፥ ዳኛ ፊት ለመቆም ተሟገት ከአምላኬ ፥ ሁንልኝ ዕምባቆም! ልቤ ግራ አትግባኝ ! ጠባቂ መልአክ ፥ ሆነህ ከጎኔ ቁም ከከንፈር መጣጭ ጋር ፥ ጣትህን አትጠቁም ዓቃቢ እንደመሆን ፥ አንተም አትክሰሰኝ ጠበቃ አጣኹ እንጂ ፥ ከሳሽ መች አነሰኝ? ልቤ ግራ አትግባኝ ! ልቤ ሆይ ልብህን ፥ ስለልቤ አባባት ሁነኝ የቅርቤ ሰው ፥ ሁነኝ እናት አባት ሰው ሁሉ ሲገፋኝ ፥ አንተ ተቀበለኝ እንደልጅነቴ ፥ "እሹሩሩ" በለኝ! ልቤ ግራ አትግባኝ ! መንፈሴ ሲታወር ፥ ሥጋዬም ሲረክስ ጆሮዬ አልሰማ ሲል ፥ የሕሊናዬን ክስ በሲኦል መንገድ ላይ ፥ በክደት ሳነክስ የ`ሳት ሰይፍ ሁንና ፥ ከኩብለላ አግደኝ ሸምግለኝ ከአምላኬ ፥ ከፈጣሪ አማልደኝ እግዜር አንተን ወዷል ፥ አንተ እኔን ውደደኝ! ልቤ ግራ አትግባኝ ! የኔ ያልከው ወዳጅ ፥ ሲሸሽህ ቀስ በቀስ ስለሂያጁ ጥፋት ፥ እራስን በመውቀስ ያንተ ያልነበረን ፥ አጣሁ ብሎ ማልቀስ ከማን ተምረህ ነው ፥ የምታሳምመኝ? ምን ባጠፋሁ ባንተ ፥ መታቀፍ የምመኝ? በሰው ታምሜአለሁ ፥ በፍቅርህ አክመኝ! ልቤ ግራ አትግባኝ ! የራስህን ስንጥቅ ፥ በገዛ እጅህ ጠግን አንዳንዴም አሳየኝ ፥ ሰው የመሆን ወግን ከጠላትህ ሳይሆን ፥ ከእኔ ጋራ ወግ'ን! እስራቴን በጥስ ፥ ሆነህ የእሳት ላንቃ ለሥጋዬ ሞቼ ፥ ልቤ ላንተ ልንቃ! ልቤ ግራ አትግባኝ ! እምባህ ልሁን አምባኝ ፥ ሳቅህ ልሁን ሳቀኝ ምነው እንደ ባዳ ፥ አንተም የምትርቀኝ? ተው ብዙ አይቻለሁ ፥ ዓለም ፍዳ አጥግባኝ የሕይወት ይበቃል ፥ ልቤ ግራ አትግባኝ! ፨ ፨ ፨

መቼ ልንኖር?

🖤

በህመሙ መድረስ እየቻላችሁ ለቀብሩ መሮጥ ትርፍ የለውም! እጆቻችሁ መዘርጋት እየቻሉ አትሰስቱ... መድረስ ከምትችሉበት አትቅሩ....Many want help and someone to lean on till it all passes. You never know ማን ህመሙን ተሸክሞ እንደሚዞር spreading out kindness and a helping hand won't hurt!

@youadan teddy

Hello Everyone if anyone wants to work as a remote personal assistant and can fulfil the following job descriptions Dm me @chesed_29 Job Title: Personal Assistant, Remote Responsibilities: - Manage a list of tasks, ideas and routines - Organize, prioritize and schedule these tasks - Check-in and supervise the status of scheduled tasks - Rearrange schedules and priorities based on performance - Remind them of the next task and keep them accountable every hour Requirements: - Be available for contact (telegram) at least once an hour ☀️

መልክ እንደወረስን ሁሉ we carry so much of the toxic behaviours of our parents and we take so much as a baggage from the way we grew up የማያሳድጋችሁንና ሁልጊዜ እንደ ሰንሰለት እግራችሁ ላይ ታስሮ ወደ ትላንትናችሁ የሚጎትታችሁን ምንም ያክል ቢያማችሁ እየጣላችሁ ተራመዱ!