Гулжаҳон Мардон қизи

Кўнгил бекатида КЎНГИЛ Чархи дуннинг чархпалаги айланса тинмай, Не умрлар йиғлайверса ғамларга кўнмай. Орзулар ҳам қанотидан айрилса, ўнмай. Нима қилсин, умид бўлиб туғилган кўнгил. Бу дунёнинг жўмардлари кўзин ёшласа, Номардлари юрагингга тошлар ташласа. Қадамларинг фақат хазон сари бошласа, Нима қилсин, ҳасратларга тўкилган кўнгил. Ҳар юракда оловдайин ёнган муҳаббат, Ёниб-ёниб, сўнг ўзидан тонган муҳаббат. Охир армон эшигига энган муҳаббат, Нима қилсин, эртак бўлиб тўқилган кўнгил. Сўз тополмам, ғийбатларнинг дояларига Бош ургим бор илинжнинг зўр қояларига. Бошин эгиб энди ўкинч сояларига, Нима қилсин, ҳукм бўлиб ўқилган кўнгил. Бошим узра тирикликнинг саси елади, Яшаш нима, кўнгилсизлар балки билади. Фақат, фақат сенга менинг раҳмим келади, Хор кўчанинг ўртасига йиқилган кўнгил.

Умр ўтаётир гоҳ маҳзун, гоҳ шод, Баъзан мард, номардга элтмоқда бу йўл. Аммо яшамоқ бу буюк иноят, Тириклик муборак, офтобдай кул дил. Кунингиз хайрли бўлсин, қадрдоним! Гарчи сатрларим содда, аммо самимий. Мени қадрлаган азизларим, сатрларимни шу тобда ўқиётган қадри баландларим, сизга меҳрим осмон қадар, доим эъзозимдасиз!

GAZETA O'QISH-MA'NAVIYAT Farzandingiz  faqat telefon titkilamasdan  k i t o b o‘qishi uchun  xonadoningizga doim  g a z e t a  "borsin". Bir sidra  nashr sahifalarini ko‘zdan kechirishni  hech qachon kanda qilmang.  Shunda "Qush uyasida ko‘rganini qiladi" degan maqol  mohiyatini  oila a'zolaringiz misolida ko‘rasiz. Demoqchimizki,  gasetaga bir yillik obuna rasmiylashtirish orqali  farzandingizning mutolaa madaniyatini to‘la shakllantirasiz. "Past Darg‘om haqiqati" gazetasiga 2025-yil uchun obuna boshlandi. Gazetaning bir yillik obuna narxi-370 ming so‘m (yetkazib berish  xizmati bilan). Obunani tahririyatdan rasmiylashtirsangiz, mablagʻni tejaysiz! Ishonavering! Murojaat uchun telefonlar: 993309141.   932338687. 📍 Bizni kuzating 👉 @pdhuz facebook 👉 https://www.facebook.com/pdhuzadmin Web-sayt 👉 http://pdh.uz/

ДИЛИМГА Умр фақат бугунмас, Эртасини кут дилим. Фарёди кўп кунларнинг, Гуноҳидан ўт дилим. Тўлиб кетсанг гоҳида Йиғла майли, тўйгунча. Хато менда, тинмадим Сени дардга қўйгунча. Сенга қанча узрим бор, Қабул айла сўзимни. Бахтлиман деб кулмасанг, Кечирмайман ўзимни.

Руҳият бекати БИР КУН Бир кун яхши бўлар дейсиз, кўнаман, Ғамлар орасидан гулдек ўнаман. Таскин қалбга малҳам берар, биламан, Лекин қанча умрим қолди, азизим? Суянч деб, суянчсиз кунлар ўтяпти, Оҳлардан қорайиб тунлар ўтяпи. Ох, юракни тирнаб мунглар ўтяпти, Ахир, қанча умрим қолди, азизим? Афсуснинг борлиги асли ёлғондай, Юрак минг йил кутиб чарчаб қолгандай. Атрофга боқаман, ҳамма шодондай, Ахир, қанча умрим колди, азизим? Болам дедим, бўйим ташвиш-ла ўсди, Йўлимни гумроҳлар аямай кесди. Кўкайимда не-не гумонлар эсди, Ахир, қанча умрим қолди, азизим? Сезмайсиз, қалбимда йиғлаган зорни, Кездингиз турфа хил боғ-у гулзорни. Ўтирибман қучиб тақдир азални, Билмам, қанча умрим қолди, азизим?...

ОҚИБАТЛАР БИСЁР... Кўнгил маҳзанида меҳр бор, нур бор, Оқибатлар бисёр жигарга, дўстга. Енгдим дея қўшиқ куйлама ағёр, Асир бўлганим йўқ ҳали кам-кўстга. Тушун, менинг йўлим бошқа, сенда йўл бўлак, Қалб жангида қанча ғолиб кулганман. Синовларга тикка бормоқда умр, Чуни "куйиб асл қуёш" бўлганман.