ዲጂታል አዲስ መረጃ (Digital new info.)

🔎 ቀልጣፋ እና ስኬታማ ከጎግል መረጃ የመፈለጊያ ስልቶች 🔍 ~~~~~~~~~~~~~ ✍ የዘወትር የመረጃ መፈለጊያ የሆነው የጎግል ፍለጋችን ስኬታማ እንዲሆን የሚረዱ ስልቶችን ልንጠቁማችሁ ወደናል። 1⃣. ትክክለኛውን ቃል ለመፈለግ ቃሉን በትምህርተ ጥቅስ ውስጥ ማስገባት ለምሳሌ፡- “Android” በማለት ጎግል ብናደርግ ከዚሁ ጉዳይ ጋር ብቻ የተገናኙ መረጃዎችን በሰፊው እናገኛለን። 2⃣. ተመሳሳይ ይዘት ያላቸውን ድረ ገጾች ለመፈለግ በቅርጽም ሆነ በይዘት ተቀራራቢነት ያላቸውን ድረ ገጾች ለማግኘት ወይም እንደ እከሌ አይነቱን ድረ ገጽ ፈልግልኝ ለማለት related: የሚለውን አስቀድመን የድረ ገጹን አድራሻ እናስከትላለን፤ ለምሳሌ፡- ጎግልን related:amazon.com ብለን ብንጠይቀው ከአማዞን ጋር ተመሳሳይ ይዘት ያላቸውን ድረ ገጾች ውጤት ይሰጠናል። 3⃣. ጎግል የምንፈልገውን ብቻ እንዲፈልግልን ደግሞ ከቃላቱ በፊት የሰረዝ ምልክትን መጠቀም አለብን። ይህም በተለይ በርካታ ትርጉም ያላቸውን ነገሮች ስንፈልግ የማንፈልገውን ለይቶ በቀላሉ የምንፈልገውን ጉዳይ ማግኘት ያስችላል። ለምሳሌ፡- terminator –movie ብለን ብንፈልግ የፍለጋ ውጤታችን ቴርሚኔተር ላይ ብቻ ያተኮረ እና ተርሚኔተር ስለተባለው ፊልም ፈጽሞ ያላካተተ ይሆናል። 4⃣. ድረ ገጾች ስለ አንድ ጉዳይ ከዚህ ቀደም የሰሩትን በቀላሉ ለመፈለግ አንድ ደረ ገጽ ስለሆነ ነገር ከዚህ በፊት የሰራቸውን ለመመልከት የምፈልገውን ቃል ከጻፍን በኃላ ክፍት ቦታ ሰጥተን site: ብለን በመጻፍ የምንጎበኘውን ድረ ገጽ አድራሻ በማስከተል መፈለግ፤ ለምሳሌ፡- barrack obama. Site: bbc.com ብለን ብንፈልግ ቢቢሲ ፕሬዚዳንት ባራክ ኦባማን በተመለከተ በድረ ገጹ ላይ ያወጣቸውን ዘገባዎች ለመመልከት እንችላለን። 5⃣. ትርጓሜዎችን ለመፈለግ የፊደላትን ትርጓሜ ለማወቅ እና ተመሳሳይ ፍቺዎችን ለመፈለግ define: አስቀድመን ቃሉን መጻፍና መፈለግ የተሻለ ውጤት ያስገኝልናል። ለምሳሌ፡- define:injera ብለን ጎግል ላይ ብንፈልግ ሰለ እንጀራ ዘርዘር ያለ መረጃ እና በተለያዩ ቋንቋዎች ያለውን ትርጓሜ በስፋት ማግኘት እንችላለን። በዚህ መንገድ የአንዳንድ ቃላትን ሰያሜ መነሻ እና ትርጉም ለማግኘትም ቀላል ነው። 6⃣. የተለያዩ የፋይል አይነቶችን ለማሰስ ጎግል የፒዲኤፍ አልያም ፓወር ፖይንት ውጤቶችን እንዲሰጠን ለመጠየቅ የሚከተለውን አማራጭ እንጠቀማለን። ለምሳሌ፡- “Scientific Journalism” filetype:pdf 7⃣. አዲስ የሆኑ እና ትኩረት የሳቡ አለማቀፍ ጉዳዮችን ለማግኘት ከምንፈልገው ርዕሰ ጉዳይ በፊት የሃሽታግ ምልክትን ማስቀደም፤ ለምሳሌ #action2017 ብለን በመፈለግ በርካታ መረጃዎችን ማግኘት ያስችላል። 8⃣. በጎግል ወደ ሌላ ቋንቋ ለመተርጎም ጎግል ትራንዝሌት ቃላቶችን ብቻ ሳይሆን ዘርዘር ያሉ ጽሁፎችንም ለመተርጎም ያስችላል። ለምሳሌ፡- hello የሚለውን ቃል ወደ ፈረንሳይኛ ቋንቋ ለመተርጎም translate english to french hello በማለት ጎግል ላይ መፈለግ እንችላለን። 9⃣. የረሳናቸውን ፊደላት ለማስታወስ ጎግል የዘነጋናቸውን ቃላት እንዲያስታውሰን ኤስትሪክስን (*) መጠቀም እንችላለን። ኤስትሪክስን መጠቀም በተለይ የረሳናቸውን የዘፈን ግጥሞች ለማስታወስ ይረዳል። ለምሳሌ፡- “Come * right now * me” የሚለውም የዘፈን ግጥም ጉግል ብናደርግ “Come Together” የሚል ርዕስ ያለውን የቢትልስ ሙዚቃ ግጥም ውጤቶች ይሰጠናል። 🔟. የአየር ሁኔታ መረጃ ለማግኘት ደግሞ ዌዘር የሚለውን ቃል ከከተሞቹ አስቀድመን መፈለግ ለምሳሌ:- weather Adiss ababa ═════════════════ 👇🏾👇🏾 ╚═════❁✿❁ ═════╝

የዛሬው የፌደሬሽን ምክር ቤት ስብሰባ ሙሉ መግለጫ የኢ.ፌ.ዲ.ሪ የፌዴሬሽን ምክር ቤት ዛሬ ነሐሴ 30 ቀን 2012 ዓ.ም ባካሄደው 5ኛ ዙር የፓርላማ ዘመን 5ኛ አመት 1ኛ አስቸኳይ ስብሰባ የፌዴሬሽን ምክር ቤት ውሳኔን ወደ ጎን በመተው የትግራይ ብሔራዊ ክልላዊ መንግስት ያወጣው የምርጫ አዋጅ ቁጥር 351/2012 እና አዋጁን መሰረት አድርጎ ያቋቋመው የምርጫ ኮሚሽን፣ ያሳለፋቸው ውሳኔዎች እና የፈፃማቸው ተግባራት የሕገ መንግስት ትርጉም ውሳኔ እንዲሰጥበት በሕገ መንግስት ጉዳዮች አጣሪ ጉባኤ ተጣርቶ ለመጨረሻ ውሳኔ ለምክር ቤቱ በሕገ መንግስት ትርጉምና የማንነት ጉዳዮች በኩል በቀረበው የውሳኔ ሀሳብ ላይ ውይይት አድርጓል፡፡ በውይይቱም ላይ በእስከ አሁኑ ሂደት የፌዴሬሽን ምክር ቤት ለትግራይ ሕዝብ ትልቅ ክብር ያለው መሆኑንና ህገወጥ አካላት በሚፈፅሙት ድርጊት ምክንያት በሕዝቡ ላይ ጉዳት ሊደርስበት አይገባም ብሎ የሚያምን መሆኑ እና በቀጣይም ችግሮችን በሰላማዊና ህጋዊ መንገድ ለመፍታት እየተደረገ ያለው ጥረት ተጠናክሮ መቀጠል እንዳለበት መግባባት ላይ ተደርሷል፡፡ በሌላ በኩል የትግራይ ዴሞክራሲያዊ ፓርቲ፣ የራያ ራዩማ ዴሞክራሲዊ ፓርቲ እና የወልቃይት ጠገዴ ማንነት አስመላሽ ኮሚቴ ለምክር ቤቱ ያቀረቧቸውን ቅሬታዎች በመጥቀስ የትግራይ ክልል እያካሄደ ካለው ህገወጥ ምርጫ ጋር ተያይዞ በዜጎች ላይ እየደረሰ ያለው የሰብዓዊ መብት ጥሰት እና በሕገ መንግስቱ የተረጋገጡ የፖለቲካ ፓርቲዎች መብት አለማክበር ተቀባይነት የሌለውና ሊታረም የሚገባው መሆኑ ከማስቀመጡም ባሻገር የትግራይ ብሔራዊ ክልላዊ መንግስት ሰኔ 3 ቀን 2012 ዓ.ም የኢ.ፌ.ዲ.ሪ የፌዴሬሽን ምክር ቤት 6ኛውን አገራዊ ምርጫ በተመለከተ ያስተላለፈውን ውሳኔ እና የምክር ቤቱ አፈ-ጉባኤ በደብዳቤ ሕገ መንግስቱና የፌዴሬሽን ምክር ቤት ውሳኔ እንዲከበር የሰጡትን ማሳሰቢያ አለመቀበሉ ኢ-ሕገ መንግስታዊ ነው ብሏል ምክር ቤቱ፡፡ በተጨማሪም ምክር ቤቱ የሚከተሉትን የሕገ መንግስት ትርጉም ውሳኔዎች በሙሉ አፅድቋል፡፡ 1) የትግራይ ብሔራዊ ክልላዊ መንግስት ያወጣው የምርጫ አዋጅ ቁጥር 351/2012 ከሕገ መንግስቱ አንቀጽ 55(15) እና አንቀጽ 55(2)(መ) ጋር ይቃረናል፤ 2) የትግራይ ብሔራዊ ክልላዊ መንግስት የምርጫ አዋጅ ቁጥር 351/2012ን መሰረት አድርጎ የምርጫ ኮሚሽን ማቋቋሙ በሕገ መንግስቱ አንቀጽ 102 ለብሔራዊ ምርጫ ቦርድ የተሰጠውን ስልጣን ይጥሳል፤ 3) የትግራይ ብሔራዊ ክልላዊ መንግስት ምክር ቤት፣ አስፈፃሚ አካላት እና የምርጫ ኮሚሽን ምርጫን በሚመለከት ያወጣው የምርጫ አዋጅ ቁጥር 351/2012 ያሳለፏቸው ውሳኔዎች እና የፈፀሟቸው ተግባራት ከሕገ መንግስቱ ጋር የሚቃረኑ በመሆናቸው በሕገ መንግስቱ አንቀጽ 9(1) መሰረት እንዳልተደረጉ የሚቆጠሩ፣ የማይፀኑ እና ተፈፃሚነት የሌላቸው ናቸው በማለት የፌዴሬሽን ምክር ቤት በሙሉ ድምጽ የመጨረሻ ውሳኔ አስተላልፏል፡፡ via House of Federation of Ethiopia

በአለም ላይ ቢያንስ በትንሹ 7,000 ሐኪሞች ፣ነርሶችና ሌሎች የጤና ሰራተኞች በኮሮናቫይረስ ሞተዋል - አምንስቲ ኢንተርናሽናል በኮሮናቫይረስ ከተያዙ በኋላ ታመው ሒወታቸው ያለፈ ሐኪሞች ፣ነርሶችና ሌሎች የጤና ሰራተኞች በአለም ላይ የተመዘገበው ቁጥር ከ7,000 ቢበልጥ አንጂ አያንስም ሲል አምነስቲ ኢንተርናሽናል በሪፖርቱ ሲገልፅ ከዚህ ቁጥር ውስጥ ሜክሲኮ 1,300 ስትይዝ በአለም ላይ በአንደኛ ደረጃ በቫይረሱ የጤና ሰራተኞ የሞትባት ሀገር ሆናለች። ከሜክሲኮ በመቀጠል አሜሪካ 1,077 ፣ብሪታንያ 649፣ብራዚል 634፣ራሺያ 631 እንዲሁም ህንድ 573 የጤና ሰራተኞችን በቫይረሱ አጥተዋል። እንደ አምነስቲ መረጃ መሰረት አለም ላይ ያሉ ሀገራት በስርአቱ የኮሮናቫይረስ ጋር የተያያዘ ሞትን ቢመዘገቡ ኖሮ በትክክል በኮሮናቫይረስ የሞተውን የጤና ሰራተኛ ማወቅ ይቻል ነበር ሲል ገልፇል።

በግል ትምህርት ቤቶች ለሚማሩ ተማሪዎች የምዝገባ እና የትምህርት ክፍያ ላይ ምንም አይነት ተጨማሪ ክፍያ አይደረግም፡፡ #Ethiopia : የ2013 ዓ.ም የትምህርት ዘመን ምዝገባ ከ ነሃሴ 20 ጀምሮ እንዲከናወን ትምህርት ሚኒስቴር ማስታወቁን ተከትሎ ከተማሪዎች ምዝገባ እና ከትምህርት ክፍያ ጋር ተያይዞ ወላጆች ቅሬታን እያቀረቡ ይገኛሉ፡፡ ይህንንም ተከትሎ የትምህርት ሚኒስቴር ሚኒስትር የኮሮና ቫይረስ ወረርሽኝን ተከትሎ የትምህርት ሚኒስቴር ያወጣውን የትምህርት ቤት ምዝገባ ክፍያ መመሪያን ተላልፈው ምዝገባ እያከናወኑ ያሉ ትምህርት ቤቶች ከድርጊታቸው እንዲቆጠቡ እና ከመመሪያ ውጪ የሰበሰቡትን ገንዘብ ለወላጆች ተመላሽ እንዲያደርጉ አሳስቧል፡፡ የ2013 የትምህርት ዘመን ምዝገባ ላይ ምንም አይነት የክፍያ ጭማሪ ማድረግ እንደማይቻል እና እንደሚያስጠይቅም ገልጿል፡፡ ትምህርት ቤቶችም ምዝገባ ሲያከናውኑ ከዚህ በፊት ይጠቀሙበት የነበረውን የክፍያ አቀባበል ዘዴ መቀየር የማይችሉ መሆኑን እና ከዚህ በፊት በነበረው የክፍያ ስርዓት መቀጠል እንዳለባቸውም አሳስበዋል።፡ ከዚህም በተጨማሪ ትምህርት ቤቶች ከመደበኛ የትምህርት ክፍያ እና ከመመዝገቢያ ክፍያ ውጪ ሌሎች ተጨማሪ ክፍያ ማስከፈል ማይቻል መሆኑም አሳውቋል፡፡ የቀጣይ አመት ትምህርት የሚጀመርበትን ቀን በተመለከተም ትምህርት ሚኒስቴር እስከሚያሳውቅ ድረስ ማንኛውም ትምህርት ቤት ትምህርት መጀመር አይችልም፡፡

ሩስያ የኮሮና ቫይረስ ክትባትን ከመስከረም ወር ጀምሮ በስፋት ልታሰራጭ መሆኑን አስታወቀች አዲስ አበባ፣ ነሀሴ 25፣ 2012(ኤፍ.ቢ.ሲ) ሩስያ የኮሮና ቫይረስ ክትባትን ከመስከረም ወር ጀምሮ በስፋት ለማሰራጨት ማቀዷን የሀገሪቱ የጤና ሚኒስትር ሚኻኤል ሙራሽኮ አስታወቁ። ሩስያ ከ25 ሚሊየን በላይ የዓለም ህዝብ ላጠቃው የኮሮና ቫይረስ ክትባት ማግኘቷን በቅርቡ ይፋ ማድረጓ ይታወሳል። ይህንንም ተከትሎ የጤና ሚኒስትሩ በመጀመሪያ ዙር የሚከተቡት የጤና ባለሙያዎችና መምህራን መሆናቸውን ተናግረዋል። ክትባቱም ሙሉ ለሙሉ በፍቃደኝነት ላይ የተመሰረተ መሆኑንም አንስተዋል። የጤና ሚኒስትሩ የክትባት ምርት እየተከናወነ ጎን ለጎን ደግሞ ፈዋሽነቱ እየተፈተሸ ነው ብለዋል። እስከ አሁን ለሦስተኛ ደረጃ ሙከራ ከተመዘገቡ 40 ሺህ በጎ ፈቃደኞች መካከል 2 ሺህ 500 ሰዎች መመረጣቸውንም አስታውቀዋል። በአንጻሩ ምዕራባውያን የክትባቱ ፈዋሽነት ላይ የተዓማኒነት ጥያቄ ያነሱ ሲሆን፦ ሩስያ በበኩሏ ጥያቄውን ውድቅ አድርገዋለች። በተጨማሪም ሩስያ ከ20 ሀገራት በላይ 1 ቢሊየን መጠን የያዘ ስፑትኒክ ቪ ክትባት እንዲመረትላቸው ጥያቄ ማቅረባቸውን ገልጸዋል። ሆኖም ግን የዓለም ጤና ድርጅት በክትባቱ ዙሪያ ከሩሲያ ባለስልጣናት ጋር እየተነጋገረ መሆኑንም በትናንትናው እለት ማስታወቁ አይዘነጋም። የዓለም ጤና ድርጅት አዲሱን የሩሲያ የኮቪድ-19 መከላከያ ክትባት ለመመዘንም ከሀገሪቱ በቂ መረጃ እንዳላገኘም ነው በመነገር ላይ የሚገኘው። ምንጭ፦ ሞስኮታይምስ #FBC

የኳታር አሚር የሰራተኞችን ዝቅተኛ የደመወዝ መጠንን የሚደነግግ አዋጅ አጸደቁ! የኳታር አሚር ሼክ ተሚም ቢን ሃማድ አልታኒ በዛሬው እለት የሰራተኞችን ዝቅተኛ የደመወዝ መጠንን የሚደነግግ አዋጅ አጸደቁ። ይህ አዋጅም አዋጅ ቁጥር 17/2020 በሚል ተደንግጓል። በዚህም መሠረት የሰራተኞች ዝቅተኛው ወርሃዊ የደመወዝ መነሻ 1,000 የኳታር ሪያል ይሆናል። መጠለያ እና ምግብ የማይቀርብ ከሆነ አሰሪው ለመጠለያ 500 የኳታር ሪያል፣ ለምግብ ደግሞ 300 የኳታር ሪያል ጨምሮ የሚከፍል ይሆናል። ከዚህ በተጨማሪም ሰራተኞች ስራ መቀየር ሲፈልጉ ከስፖንሰራቸው No Objection Letter (NOC) መያዝ አይጠበቅባቸውም። ህጉ ተግባራዊ መሆን የሚጀምረው አዋጁ በጋዜጣ ታትሞ ከወጣ ከስድስት ወራት በኋላ እንደሚሆን የኳታር አስተዳደር ልማት፣ ሰራተኛና ማህበራዊ ጉዳይ ሚኒስቴር አስታውቋል። አሚሩ ከዚህ ተጨማሪ ሁለት አዋጆችን ያጸደቁ ሲሆን፣ አዋጆቹም:- 1. የውጭ ዜጎች ወደ ኳታር የሚገቡበት፣ የሚወጡበት እና የሚኖሩበትን ሁኔታ የሚደነግገውን ነባር አዋጅ ቁጥር 21/2015 ያሻሻለ አዋጅ ቁጥር 19/2020 እና 2. በአዋጅ ቁጥር 14/2004 የተደነገገውን የሰራተኛ ህግ የተወሰኑ አንቀጾች ያሻሻለው አዋጅ ቁጥር 18/2020 ናቸው። ምንጭ፦ የኢትዮጵያ ኤምባሲ-ዶሃ

# አስተማሪና_አስቂኝ_ታሪክ ማታ ላይ ለአቶ ባል መልዕክት ይደርሰዋል፤ በስልክ፡፡ : ባልም ለወይዘሮ ሚስት “ነገኮ ዘመዶቼ እንመጣለን አሉኝ …” ብሎ የሰማውን ያጋራል፡፡ . ሚስትም ተበሳጭታ፦ “ቆይ ለምንድነው የሚመጡት …” . ባል፦“እሱንማ እኔ ምን አውቃለሁ … ጉዳይ ይኖራቸው ይሆናላ፤ ብቻ በሰላም ነው ብለውኛል …” . ሚስት፦ “ስንት ሆነው ነው የሚመጡት?” . ባል፦“እሱንስ አልጠየኳቸውም … እንዲሁ እንመጣለን ሲሉ እሺ አልኩ እንጂ …” . ሚስት፦“ታዲያ የመጡ እንደሆነሳ?” . ባል፦“አይ! … እንድንዘጋጅ ብዬ ነው፡፡ መቼስ እንግዳ ሲመጣ ዝም አይባል …” . ሚስት፦“እኔ ምንም የማዘጋጀው የለኝም … ቤቱን እንደሆነ ያውቁታል … አዲስ አይደሉም … ” . ባል፦“የሚገዛም ነገር ካስፈለገም ልገዛዛና ሰርተን እንጠብቃቸው እንጂ” . ሚስት፦“ምንም አያስፈልግም … ያለውን ይቀምሳሉ” . ባል፦“ምን አለ …” . ሚስት፦ “ውሃስ ቢሆን … ሌላ የማዘጋጀው የለኝም!” . ባል፦“ኧረ ተይ … ሰው አለን ብለው አይደል ወደኛ መምጣታቸው … እንደገቡ እንኳ የሚቀማምሱት ብናዘጋጅ አይሻልም …” . ሚስት፦“ይምጡና ያለውን አቀርብላቸዋለሁ" . . ይችኑ እንደተባባሉ ነጋ፡፡ ባልም በማለዳ ተነስቶ የቤቱን ሁኔታ ሲያይ ምንም የለም … ቁርስም የለም … ጭጭ … ጭጭ … ሚስትም ለጥ ብላ እንደተኛች አረፈደች፡፡ ባል ሹልክ ብሎ ወጣ፡፡ ወዲያው የሚስት እናት፣ አባት እና ሌሎችም ተሰባስበው ከተፍ አሉ፡፡ ደንግጣ ተነስታ ተቀበለቻቸውና ወደ ባል ደወለች … . ሚስት፦“ለምንድነው ዘመዶችሽ ይመጣሉ ብለህ ያልነገርከኝ” . ባል፦“እንዴ! ነገሬሽ …” . ሚስት፦ “ዘመዶቼ ይመጣሉ ነውኮ ያልከኝ!” . ባል፦“አዎ! ያው ያንቺ ዘመዶችስ የኔ ማለት አይደሉ እንዴ!” . ሚስት፦“እሺ አሁን ምን ላድርጋቸው” . ባል፦“ሌላ ምን ታደርጊያቸዋለች አስተናግጃቸው እንጂ” . ሚስት፦“የተዘጋጀ ደህና ነገር የለማ” . ባል፦“ታዲያ ምን ይሻላል?” . ሚስት“በቃ … ከምግብ ቤትም ቢሆን የሚበላ ነገር ገዛዝተህ ና እንጂ …” . ባል፦“እኔ እንኳ አሁን መምጣት አልችልም፤ እቆያለሁ … አንቺን ምን አስጨነቀሽ … ለቤቱ እንደሆነ አዲስ አይደሉ … ያለውን ነገር ስጫቸው” . ሚስት፦“ምንም ነገር የለምኮ!” . ባል፦“ … ውሃም ቢሆን ስጫቸው … መልካምነት ለራስ ነው።

በእርግዝና ወቅት ለሚከሰት ማቅለሽለሽና ማስመለስ ተጠቀሚ ምክሮች --- በእርግዝና ወቅት የሚከሰት ማቅለሽለሽና ማስመለስ በብዙ ነፍሰጡሮች ዘንድ የሚከሰት ሲሆን ከዚህ በታች የተዘረዘሩተን መፍትሔዎች ተግባራዊ ማድረግ ከቻልሽ ችግሩን የሚያቃልልሽ ይሆናል፡፡ 1. ጠዋት ከእንቅልፍሽ ስትነሺ የሚከሰት ማቅለሽለሽና ማስመለን ለመቀነስ ቁርስ ላይ ደረቅ ያሉ ምግቦች ለምሳሌ ሻይና ዳቦ ከመኝታ ላይ ሳትወርጂ ተመገቢ፡፡ 2. ስጋን የመሳሰሉትን ገንቢ ምግቦች ከመኝታ ሰዓት በፊት ተመገቢ፡፡ 3. ጭማቂና ፈሳሽ ነገሮችን በቀን ብዙ ጊዜ በትንሽ በትንሹ መጠጣትና በአንድ ጊዜ ብዙ ፈሳሽ አትጠጪ፡፡ 4. የተገኘውን ምግብ በትንሽ በትንሹ በቀን ውስጥ ብዙ ጊዜ መመገብና በተለምዶ በቀን ሦስት ጊዜ የምንመገበውን በዛ ያለ ምግብን አስወግጂ፡፡ 5. ቅመማ ቅመም የበዛባቸውን ምግቦች አትመገቢ፡፡ 6. በተጨማሪም ሽታ ያላቸውን ምግቦች አትመገቢ፡፡ ከዚህ በዘለለ ማስመለሱ ቀጣይነት ያለውና ምግብ በጭራሽ የማይረጋ ከሆነ የሕክምና ባለሙያዎችን አማክሪ፡፡ መልካም ልምምድ ፤መልካም የጤና ጊዜ!

✳️ ብዙ ሰዎች የማያዉቋቸው የGSM ሞባይል ሚስጥራዊ ኮዶች! ◽️ ስልክዎ ሲደወልሎት ይህ ቁጥር አገልግሎት አልዋለም እንዲልላቹ ከፈለጋቹ! ወደ *21*900# ይደውሉ ወይም 1 ዲጂት በመቀነስ ወደ ራስዎ ስልክ ማድረግ! ለምሳሌ ስልክ ቁጥርዎ 0910****** ከሆነ ወደ *21*0910******# ይደውሉ ለማጥፋት ሲፈልጉ #21# ብለው ይደውሉ! ከላይ የተገለጸው በ900 ቦታ የፈለጉት ሌላ ትክክለኛ የስልክ ቁጥር ያልሆነም ማድረግ ይችላሉ! ◽️ ሁሉም ጥሪዎችና መልእክች ወደ ሌላ ቁጥር ዳይቨርት ለማድረግ ሲፈልጉ *21*0144******# በ0144****** ቦታ የፈለጉትን የሞባይል ወይም መደበኛ ስልክ ቁጥር ያስገቡ ቀድሞ ወደ ነበረበት ለመመለስ ከፈለጉ #21# ብለው ይደውሉ ማለትም ስልክዎ ዳይቨርት ከተደረገ #21# ሲደውሉ ወደ ኖርማል ይመለሳል ዳይቨርቱ ይጠፋል *#21# ከሆነ ስልኩ ዳይቨርት ተደርገዋል ወይስ አልተደረገም የሚል መረጃ ይሰጠናል ◽️ ስልክዎ ቢዚ ብቻ ሲሆን ዳይቨርት ለማድረግ *67*የፈለጉትቁጥር# ብለው ይደውሉ! ይህንን ዳይቨርት ለማጥፋት #67# ይደውሉ ◽️ ስልክዎ ካልተነሳ ብቻ ዳይቨርት ለማደረግ *61*የፈለጉትቁጥር# ይደውሉ! ይህንን ዳይቨርት ለማጥፋት #61# ይደውሉ ◽️ ስልክዎ ከኔትዎርክ ዉጪ ብቻ ሲሆን ዳይቨርት ለማድረግ *62*የፈለጉትቁጥር# ይደውሉ! ይህንን ለማጥፋት ሲፈልጉ #62# ብለው ይደውሉ! ◽️ ኮል ወይቲንግ አክቲቭ ለማደረግ ሲፈልጉ *43# ብለው ይደውሉ! ኮል ወይቲንግ ለማጥፋት ሲፈልጉ #43# ብለው ይደውሉ! ኮልወይቲንግ አክቲቬት መደረጉ ወይም አለመደረጉ ለማወቅ *#43# መደወል ◽️ ሲደውሉ ስልክ ቁጥርዎ እንዳይታይ ወይም በሌላ ቁጥር ተክተው ለመደወል ሲፈልጉ #31#የሚደውሉት ቁጥር ከዛ መደወል አንዳንድ ስልኮች #31# ከተደወለ በኀላ የምንደውለውን ቁጥር እናስገባለን በእኛ አገር ኔትዎርክ ላይሰራ ይችላል 🏷 ጥያቄ ወይም አስተያየትዎን 📩: @yesufbest 👥: @yesufapk 🤖: @yesufapkbot Grop @yesufapkgrup