Navoiy shahar 16-sonli ayrim fanlar chuqur õrganiladigan ixtisoslashtirilgan maktab.

Ko‘chaga chiqqan har bir piyoda bevosita yo‘l harakati ishtirokchisiga aylanadi. Shuning uchun atrofdagi voqea-hodisalarga nisbatan e'tiborli bo‘lish talab etiladi. Yo‘lni kesib o‘tayotganda yoki uning qatnov qismida harakatlanayotganda quloqchin taqib musiqa tinglash, video tomosha qilish, kitob o‘qish qat'iyan taqiqlanadi. Bunga nima uchun amal qilish kerak? Svetofor qizil chirog‘ini ko‘rgan haydovchi o‘z-o‘zidan to‘xtaydi-ku, deguvchilar bor. Ammo bunday fikrlovchilar shuni unutmasinlarki, ko‘cha doimo tasodiflarga to‘la bo‘ladi. Bundan tashqari, qoidalarga amal qilmaydigan haydovchilar, chorrahalardan to‘siqsiz o‘tish huquqiga ega bo‘lgan transport vositalari ham bor. Shu sababli hushyorlik har ikki tarafdan bo‘lsa, maqsadga muvofiq bo‘ladi.                                                                             

Teatr har bir davrda, hayotiy saboqlar beruvchi jonli vosita hisoblangan. Inson ma’naviyati yuksalishida ham uning o‘rni bo‘lakcha. Teatr shunchaki oddiy tomoshaxona emas, balki tarbiya, madaniyat, maʼnaviyat va maʼrifat maskanidir. Navoiy shahar 16-AFCHO`I maktabida yoshlarimiz ma'naviyatini yuksaltirish, ularda vatanparvarlik tuyg'usini shakllantirish hamda bo'sh vaqtlarini mazmunli tashkil etish maqsadida joriy yilning 20-sentabr sanasida “Teatr bu ibratxonadir” shiori ostida tadbirlar tashkil etildi. O`quvchilarga inson maʼnaviy olamini yuksaltirishda, ong va tafakkurini teranlashtirishda teatr sanʼatining oʻrni beqiyosligi,sanʼat odamlarni ezgulikka chorlashi, yaxshilikka undashi, eng goʻzal his-tuygʻularni inʼom etishi borasida tushunchalar berildi.