Belgisiz ūly

Оқыған кітабыңның саны емес, мәні маңызды. Әдебиетің әдебіңде көрініс таппаса, әңгімеңді әшекейлемесе, ойыңды тереңдетіп, санаңа сәуле қондырмаса Александрия кітапханасын тауыссаң да “оқыған” бола алмайсың. #суға_лақтырған_тас #оқы

Тәуелсіздік деген не? Өз білгеніңді істеу? Толық еркіндік? Бұл қолда болса, ертең-ақ маңырап кетуіміз ықтимал. Үлкендер тыйым салғанда құқыңды шектеуге емес, қорғауға тырысады. Әрине, толық шектеу де дұрыс демеймін. Бірақ тәуелсіздік деген ойыңа келген істің бәрін істей беру емес, барлығына мүмкіндігің бола тұра, зиянды және теріс нәрселерге тәуелді болмау. #шлиии_лағып_кетпеңдер_енді

еркіндікті “аузына келгенді оттап, ішіп-шегіп, қуып, жалаңаштану” деп түсінетініміз қандай аянышты әрі өкінішті?! #заманақыржастары #біркемдүние

СұрАқ : универ оқисыз ба? қай универ, факультет? есіміңііз? ЖауUp : Сәлем Иә, “Өмір” деген универдің, “Жастық шақ” деген факультетінде оқимын. Есімім - “таңдаулы”, “қалаулы” деген мағынаны білдіреді. #деймінғой

Қызылордалық оқырманымнан алған сыйлығым. Алла разы болсын ниетіңізге) Қуанып қалдым. #бүгін

Біреуді жоғалтудан қорықсаң, жоғалт та қорықпа. Кейде ми әлі болмаған нәрсе үшін алаңдап кетеді, яғни оның қызметі сол, энергияны, өзін сақтау. Мұның шешімі - дәл сол алаңдаған жағдайыңыз қазір болып жатыр және оны шешіп қойдым - деп ойлау. Бұл үстіңізді жыбырлатқан затты ұстап, алып тастағандай әрекет. Ол сіз ойлағандай өрмекші емес, жай ғана киіміңіздің жібі, этикеткасы болуы мүмкін. #мысықология

Ертең Алматыдағы Арбатта “kitap fest” болады, бұйырса. Кітабымды да сол жақтан сатып ала аласыз. #ертең

Егер біреу сіздің қатеңізді түзетсе, ол сізді “сауатсыз, түк білмейтін топас, ақымақ, алаңғасар” деп ойлайды деген сөз емес. Ең әуелі бұны сіз солай қабылдайсыз. Асылы, иығымыздағы жылан не шаянды алып тастағандай алғыс айтуымыз керек еді, бірақ нәпсіміздің (эгомыздың) семіріп кеткені сондай етімізден ет кескендей бажылдаймыз (ұрсысамыз). Расында құрдымға кетіп барамыз… #заманақыржастары #суға_лақтырған_тас

Жапырақтай қалқыған солғын жүздері, Самал желмен жеткендей оның сөздері . Жыр жазуға бір себеп осы күздегі Мұңдануға мың себеп осы күздегі... #болмаған_махаббат_хикаясы

Құдайдың берген табиғи әдемілігін жасандылықпен тұмшалама. #бүгін