Matnazar ABDULHAKIM | Матназар АБДУЛҲАКИМ

Хайрли тун!

Бугун энг яхши кўрган шоирларимдан бири — шоир ва таржимон Матназар Абдулҳаким туғилган кун. Устозга илк машқлар қила бошлаганимдан бери меҳрим, муҳаббатим бошқача, шунинг учун бўлса керак баъзи ёзганларим устознинг битикларига ўхшаб кетади, сўзда ҳам, амалда ҳам ўзимга ўрнак биламан доим. Руҳингиз шод бўлсин, Матназар устоз! Қуйида эътиборингизга Матназар Абдулҳакимнинг Хоразм шевасида ёзган шеърлари билан инстаграм блогим (Bobojon.ov) да ҳазил тариқасида тайёрлаган лавҳаларимни улашяпман, кўринг, ёқса дўстларга ҳам жўнатиб қўйинг: 1. "Сани ўйлағанда киприкларима..." 2. "Бир-бириннан яхши-яхши гийжакла..." 3. "Ёрим хўшруйлиқда юртни энг алди..." 4. "Ёдимнан чиқмийсиз оғо, дадингми..." 5. "Ўзимни айролиқ ўтина солдим..." 6. "Сан билан ўйлаған ўйларимиз бир..." 7. "Қидириб борвадим олис қолоғо..." 8. "Ийдала гуллабди тейиннан ўтиб..." Қайсини эшитмоқчи бўлсангиз, устига босинг, марҳамат! #МатназарАбдулҳаким | @Rahmat_Bobojon

Устоз хотирасига Сиз бизга чизиб ташлаб кетган Суратдан япроқлар тўкилар... Манзарага жон кириб қолди, Юракдан сирларин турткилар... Қорачиқда порламоқда шам, Сиз ёндириб кетган ҳикматлар... Ёрқинроқ кўринар йўллар ҳам, Юрсак бас, ёғилар неъматлар! Осмонлар янада мовийроқ, Самода елар тушларингиз... “Янада инсонроқ бўлсайдим”, Дея кўкни қучар қушларингиз! https://t.me/davron_rajab

🌿🌿🌿🌿 19 сентябрь – Матназар АБДУЛҲАКИМ хотираси куни. Устоз Матназар АБДУЛҲАКИМ ижодидан Айиқ «Шеърингиз кўп қўпол. Шеърда ҳар бир сўз Жаранглаши керак дилни қитиқлаб. Сал нафисроқ ёзинг...» Тинглайман маъюс. ... (тўла матнни шу ерда ўқийсиз:👇 https://t.me/M_Abdulhakim)

Matnazar Abdulhakim. Mangulik jamoli.pdf

Матназар Абдулҳаким ижоди

Инсон андуҳлар гирдобида қанчалик қолиб кетса, ана шу андуҳларни бартараф қилиш ниятида чекилган машаққатлар туфайли, шодликларга эришув умидида шунчалик устувор бўлмоғи, кулфатни бахтга, ғамни шодликка айлантириш йўлида шу қадар қаттиқ курашлар олиб бормоғи ва ғалабага эришмоғи жоиз. (Матназар Абдулҳакимнинг "Мангулик жамоли" китобидан. 51 бет.). https://t.me/davron_rajab

Инсон андуҳлар гирдобида қанчалик қолиб кетса, ана шу андуҳларни бартараф қилиш ниятида чекилган машаққатлар туфайли, шодликларга эришув умидида шунчалик устувор бўлмоғи, кулфатни бахтга, ғамни шодликка айлантириш йўлида шу қадар қаттиқ курашлар олиб бормоғи ва ғалабага эришмоғи жоиз. (Матназар Абдулҳакимнинг "Мангулик жамоли" китобидан. 51 бет.). https://t.me/davron_rajab

СОКИНЛИКДА Жуда, жуда секин ўтаётир вақт. Рўдапо тайсалда — юксак малака. Тисарилиб олиб ҳар қайсар лаҳза Сабрим, тоқатимни қилар калака. Офтобга илтижо қиламан бот, деб, Ҳар бир шуъласига айлаб тоатлар. Ўзни даҳо санаб юрган тентакдек Асрликни даъво қилар соатлар. Тахмондан ёстиқдек қулайди харсанг, Гўё бошимга ҳеч таҳликаси йўқ... Парвоз қилиб келар пардек оҳиста Юрагимга қараб узилган бир ўқ. ©Матназар АБДУЛҲАКИМ @M_Abdulhakim https://t.me/joinchat/AAAAAFMinnToJEu--B39wQ

(Тошкент. “АКАДЕМНАШР” 2020) Матназар АБДУЛҲАКИМ ВАТАННИ ИЗЛАШ Эмасдир фалон минг аҳоли, Ватан фалон фарсаҳ масофа эмас. Уни яша. Йўқса кечмайдир холи, Ватан — хўрсиниқдир, ватан бу — нафас. Ватан бу — тоғ. Метин — мустаҳкам, Лекин хавотирдан юракда ғамдир. Ватан бу япрокдан томай-томай деб Милт этган омонат шабнамдир. Шу қаршингда чақнаб қуёшдек балққан Қаро кўз ватандир, Ватаним. Юрагингни ёриб, тилингга қалққан Яро сўз ватандир, Ватаним. Ватан — сен. Ўзингга бир разм солиб Эътибор қил, дўстим, бир замон. Ватаннинг мўъжаз бир тимсоли Бўлмасанг, бу — ёмон. Ватандан ҳам буюк Ватан бор, Мақсад — шу Ватанни йўқ қилмасликдир. Бу Ватан — бошқа бир инсоннинг Ватанига кўзни лўқ қилмасликдир!