Ethiopian Artificial Intelligence Institute

ጉግል በዛምቢያ የኤ.አይ ማዕከል ሊከፍት መሆኑ ተነገረ። ጉግል ኩባንያ እና የዛምቢያ መንግሥት የሰው ሰራሽ አስተውሎት የልህቀት ማዕከል በዛምቢያ ዩኒቨርሲቲ ለማቋቋም ስምምነት ላይ መድረሳቸውን የኮኔክቲንግ አፍሪካ ድረ-ገጽ መረጃ አመላክቷል። የልህቀት ማዕከሉ በደቡባዊ አፍሪካ በሚገኙ ሀገራት በአይነቱ የመጀመሪያ እንደሚሆን ተነግሮለታል። የማዕከሉ መቀመጫ በዛምቢያ ዩኒቨርሲቲ በሚገኘው የዛምቢያ የጥናት እና ትምህርት ኔትወርክ (ZAMREN) ውስጥ ይሆናል። ኢትዮጵያን ጨምሮ ብዙዎቹ የአፍሪካ ሀገራት ዲጂታል ትራንስፎርሜሽን ላይ በትኩረት በመስራት ላይ ይገኛሉ። ይህንንም ግብ ለማሳካት ከተለያዩ ዓለማቀፍ ተቋማት ጋር በትብብር እየሰሩ ነዉ። ጉግልን የመሰሉ ግዙፍ የቴክኖሎጂ ኩባንያዎች በአፍሪካ እየታየ ካለው ፈጣን የዘርፉ መነቃቃት ተሳታፊ በመሆን በዓለማቀፉ የአርቲፊሻል ኢንተለጀንስ ገበያ ያላቸውን ድርሻ ለማስፋት እየሰሩ እንደሆነ ይታመናል። ኩባንያው ባለፉት ዓመታት መሰል ማዕከላትን በጋና እና ኬንያ ማቋቋሙ የሚታወስ ነው፡፡ ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን

ሦስት ሚሊዮን አፍሪካዊያን በኤ.አይ ዘርፍ ሊሰለጥኑ ነው። የአፍሪካ ልማት ባንክ ከቴክኖሎጂ ኩባንያዉ ኢንቴል ጋር በመተባበር 3 ሚሊዮን አፍሪካውያንን በአርቲፊሻል ኢንተለጀንስ ዘርፍ ለማሰልጠን ስምምነት ላይ ደርሰዋል። በአህጉሪቱ የሚገኙ 30 ሺህ የመንግሥት የስራ ኃላፊዎችም መሠረታዊ የኤ.አይ ክህሎት ስልጠና እንዲወስዱ ስምምነቱ ዕድል እንደሚከፍት ተመላክቷል። ስምምነቱ በአህጉሪቱ ያለዉን የቴክኖሎጂ ሥነ-ምህዳር ለማስፋት ጉልህ ሚና ይኖረዋል። አፍሪካዊያን የቴክኖሎጂዉ ተጠቃሚ ብቻ ሳይሆን በዘርፉ እውቀት እና ክህሎት ያላቸዉ እንዲሆኑ ለማድረግ አስተዋጽኦ እንዳለዉ ተገልጿል። በዚህም ቴክኖሎጂውን ለሁሉም ተደራሽ በማድረግ የአህጉሪቷን እድገት በቴክኖሎጂ የሚያግዝ ዜጋን መፍጠር እንደሚገባም ተነስቷል። ስልጠናው ግብርና፣ ጤና፣ ትምህርት እና መሰል ለዕድገት መሰረት የሆኑ ዘርፎች ምርታማ በሚሆኑበት መንገድ ዙሪያ ትኩረቱን የሚያደርግ ይሆናል። የሁለቱ ተቋማት ስምምነት የአፍሪካ ሀገራት በሰዉ ሰራሽ አስተዉሎት ቴክኖሎጂ የፖሊሲ እና የቁጥጥር ማዕቀፎችን በማዘጋጀት ረገድ ለሚያደርጉት እንቅስቃሴም ድጋፍ ያደርጋል ሲል የአፍሪካ ልማት ባንክ በድረ ገጹ አስነብቧል። ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን

ጠቅላይ ሚኒስትር ዐቢይ አሕመድ (ዶ/ር) ለኤ.አይ ሰመር ካምፕ 2024 ተመራቂዎች ያስተላለፉት መልዕክት #Ethiopia #artificialintelligence #Ai #AISummerCamp2024 #FutureAILeaders

አርቲፊሻል ኢንተለጀንስ ለነገ መልካም ፍሬ ዛሬ የሚዘራ ዘር ነው፡፡ –ጠቅላይ ሚኒስትር ዐቢይ አሕመድ (ዶ/ር) የኢትዮጵያ አርቲፊሻል ኢንተለጀንስ ኢንስቲትዩት ያዘጋጀዉን የክረምት ስልጠና ሲከታተሉ የነበሩ ታዳጊዎችን ጠቅላይ ሚኒስትር ዐቢይ አሕመድ (ዶ/ር ) በተገኙበት አስመርቋል፡፡ መርኃ ግብሩ ላይ በመገኘት የእንኳን ደስ አላችሁ መልዕክት ያስተላለፉት ጠቅላይ ሚኒስትሩ በሰው ሠራሽ አስተውሎት ቴክኖሎጂ በዓለማቀፍ ደረጃ ተወዳዳሪ እና ሀገራቸውን የሚያስጠሩ ባለተሰጥኦ ወጣቶች እየተፈጠሩ መኾኑን ገልጸዋል፡፡ ወጣቶች አቅማቸውን አውጥተው መጠቀም የሚችሉበትን ዕድል ማመቻቸት ደግሞ የእኛ ድርሻ ነው ብለዋል፡፡ የኢትዮጵያ አርቲፊሻል ኢንተለጀንስ ኢንስቲትዩት ታዳጊዎችን ከአርቲፊሻል ኢንተለጀንስ ቴክኖሎጂ ጋር እንዲተዋወቁ የሚያደርገዉ ጥረት የሚያስመሰግን መሆኑንም ጠቅላይ ሚኒስትሩ ገልጸዋል፡፡ የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክትር ወርቁ ጋቸና (ዶ/ር) ተማሪዎች በስልጠናዉ ያገኙትን እዉቀት ተጠቅመዉ በፈጠራ ስራዎች ላይ እንዲሳተፉ መልዕክት አስተላልፈዋል፡፡ ሰልጣኞች በክረምቱ ቆይታቸዉ የነበራቸዉን ትጋትና መልካም ሥነ-ምግባር በመደበኛ ትምህርታቸዉም በመድገም ዉጤታማ እንዲሆኑ ዋና ዳይሬክተሩ አሳስበዋል፡፡ በዕለቱ በስልጠና ሂደት ዉስጥ አስተዋጽኦ ለነበራቸዉ ተቋማት እና ባለድርሻ አካላት የእዉቅና የምስክር ወረቀት ተበርክቷል፡፡ ድረ ገጽ | ፌስቡክ | ኤክስ | ዩቲዩብ | ቲክቶክ | ሊንክድኢን

የኢትዮጵያ አርቲፊሻል ኢንተለጀንስ ኢንስቲትዩት የሰመር ካምፕ 2024 ሰልጣኞች የምርቃት መርኃ ግብር ጠቅላይ ሚኒስትር ዐቢይ አሕመድ (ዶ/ር) በተገኙበት መካሄድ ጀመረ፡፡ በሳይንስ ሙዚየም እየተካሄደ በሚገኘው የምርቃት መርኃ ግብር ላይ ከፍተኛ የመንግሥት ባለስልጣናት፣ ሰልጣኞች እና የሰልጣኝ ቤተሰቦች ታድመዋል፡፡ የምርቃት ዝግጅቱ ዘንድሮ ለሶስተኛ ዙር በተካሄደው የሰመር ካምፕ ስልጠና 200 ተማሪዎች ሰልጥነው የሚመረቁበት ነው፡፡ ለሁለት ወራት ሲሰጥ የቆየው ስልጠና በአምስት የስልጠና መስኮች ላይ ያተኮረ ነበር፡፡ በዚህም ኤን.ኤል.ፒ፣ ኮምፒዩተር ቪዥን፣ ኤ.አይ ቤዚክስ፣ ፓይተን ፕሮግራሚንግ፣ ሮቦቲክስ እና አይ.ኦ.ቲ የስልጠና መስኮቹ ናቸው፡፡ የዘንድሮ የታዳጊዎች የክረምት ስልጠናን ልዩ የሚያደርገው የመጀመሪያ ደረጃ ተማሪዎችን አሳታፊ ከማድረጉም ባሻገር ከተለያዩ የሀገሪቱ ክፍሎች የተውጣጡ ታዳጊዎች ያሳተፈ ነበር፡፡