Адвокат Мукадамов

Офисимни ремонтдан чиқардим. Энди 4 та адвокатни (лицензияси амалда бўлган) бирга ишлашга таклиф қилмоқчиман. Ишлаш шартлари, ҳар бир адвокат учун: 500$-2 ой учун (олдиндан тўлов қилиш керак)-мебель ва техника хариди учун ишлатилади. 150$ дан-3-ойдан бошлаб. Қулайликлар: 1. Иш билан таъминлаб турилади; 2. Улкан амалий тажриба олиш имконияти; 3. Шаҳарнинг энг марказида барча шароитларга эга офис.

Дунёдаги энг аҳмоқ аёл-болаларини отасига кўрсатмайдиган аёл. P.S. Фаолиятимдаги амалиётдан келиб чиққан хулоса.

Ғолибнинг жавоблари

1. 27.12.1996 yildagi 349-I-son qonunga koʻra quyidagi faoliyatlar bilan shugʻullanishi mumkin; ilmiy va pedagogik faoliyat; O‘zbekiston Respublikasi Advokatlar palatasidagi va uning hududiy boshqarmalaridagi faoliyat; patent vakili va mediator sifatidagi faoliyat; shartnomaviy-huquqiy asosda davlat organlarining, xo‘jalik boshqaruvi organlarining, davlat korxonalari, muassasalari va tashkilotlarining yuridik xizmati xodimi sifatidagi faoliyat; hakamlik sudlarida va xalqaro tijorat arbitrajlarida sudya sifatidagi faoliyat; sud boshqaruvchisi sifatidagi faoliyat (fuqarolik va iqtisodiy sud ishlarini yuritishni amalga oshirish bo‘yicha advokatlik faoliyati uchun litsenziya olgan advokatlar uchun). 2. O‘ZBEKISTON RESPUBLIKASI KONSTITUTSIYASI 27 modda 4 qismi Shaxsni ushlash chog‘ida unga tushunarli tilda uning huquqlari va ushlab turilishi asoslari tushuntirilishi shart. 3. O‘ZBEKISTON RESPUBLIKASI KONSTITUTSIYASI 27 moddasi 3 qismi Hibsga olishga, qamoqqa olishga va qamoqda saqlashga faqat sudning qaroriga ko‘ra yo‘l qo‘yiladi. Shaxs sudning qarorisiz qirq sakkiz soatdan ortiq muddat ushlab turilishi mumkin emas. 4. 11.09.2017 yildagi O‘RQ-445-son 29-modda. Murojaatlarni ko‘rmay qoldirish Quyidagi murojaatlar ko‘rib chiqilmaydi: anonim murojaatlar; jismoniy va yuridik shaxslarning vakillari orqali berilgan murojaatlar, ularning vakolatini tasdiqlovchi hujjatlar mavjud bo‘lmagan taqdirda; mazkur Qonunda belgilangan boshqa talablarga muvofiq bo‘lmagan murojaatlar. Murojaatlar ko‘rmay qoldirilganda tegishli xulosa tuziladi, u davlat organining, tashkilotning rahbari yoki ularning vakolat berilgan mansabdor shaxsi tomonidan tasdiqlanadi. Jismoniy va yuridik shaxs vakilining vakolatini tasdiqlovchi hujjatlar mavjud emasligi sababli murojaatlar ko‘rmay qoldirilganligi to‘g‘risida murojaat qiluvchi tegishli tartibda xabardor qilinadi. 5. 20.04.2021 yildagi O‘RQ-682-son 7 moddasi 3 qismida ...O‘zbekiston Respublikasi Vazirlar Mahkamasining qarorlari... qonunosti hujjatlaridir deb keltirilgan. Demak VM farmoyishi qonunosti hujjati emas. 6. Jpk 83-modda. Reabilitatsiya uchun asoslar Gumon qilinuvchi, ayblanuvchi, sudlanuvchi quyidagi hollarda aybsiz deb topiladi va reabilitatsiya etilishi lozim: 1) ish qo‘zg‘atilgan va tergov harakatlari yoki sud muhokamasi o‘tkazilgan ish bo‘yicha jinoiy hodisa yuz bermagan bo‘lsa; 2) uning qilmishida jinoyat tarkibi bo‘lmasa; 3) uning sodir etilgan jinoyatga daxli bo‘lmasa. 7. Jpkning 84-modda. Ayblilik to‘g‘risidagi masalani hal qilmay turib jinoyat ishini tugatish uchun asoslari deb nomlangan. Asoslari 1 qismida keltirilgan. Matni katta boʻlganligi sababli kiritmadim. 8. Jpk 245-modda. Jinoyatlar tergov qilinayotganda qamoqda saqlab turish yoki uy qamog‘i muddati ko‘pi bilan uch oyni tashkil etadi. besh oygacha uzaytirish imkoni — Qoraqalpog‘iston Respublikasi prokurori yoki viloyat, Toshkent shahar prokurori va ularga tenglashtirilgan prokurorlarning iltimosnomasiga binoan; yetti oygacha uzaytirish imkoni — O‘zbekiston Respublikasi Bosh prokurori yoki uning o‘rinbosarlarining iltimosnomasiga binoan sud tomonidan ko‘rib chiqiladi. 9. Jpkning 276-modda. Fuqaroviy da’voni qo‘zg‘atish deb nomlangan va bunda tartibi yozib oʻtilgan. 10. Jk 78-modda. a) shartli hukm qilinganlarga nisbatan — sinov muddati tugagan kundan boshlab; b) majburiy jamoat ishlari, xizmat bo‘yicha cheklash yoki intizomiy qismga jo‘natish tarzidagi jazolarini o‘tab chiqqach; v) jarima jazosi ijro etilgan kundan keyin, shuningdek muayyan huquqdan mahrum qilish yoki axloq tuzatish ishlari jazolari o‘talganidan keyin bir yil o‘tgach; g) ozodlikni cheklash jazosi o‘talganidan keyin — ikki yil o‘tgach; d) besh yildan ko‘p bo‘lmagan muddatga ozodlikdan mahrum qilish jazosi o‘talganidan keyin — to‘rt yil o‘tgach; e) besh yildan ortiq, lekin o‘n yildan ko‘p bo‘lmagan muddatga ozodlikdan mahrum qilish jazosi o‘talganidan keyin — yetti yil o‘tgach; j) o‘n yildan ortiq, lekin o‘n besh yildan ko‘p bo‘lmagan muddatga ozodlikdan mahrum qilish jazosi o‘talganidan keyin — o‘n yil o‘tgach.

Танловимизнинг 12-тур ғолиби Соҳибқулов Достон ( @Sohibqulov ), 24 ёшда, Термиз Давлат Университети Юридик факультети Юриспруденция йўналишининг 4-курс талабаси, 1.000.000 сўм пул мукофоти карталарига ўтказиб берилди. Ғолибни табриклаймиз, танловнинг бошқа барча иштирокчиларига ўз вақтларини аямай танловда қатнашганлари учун ўз миннатдорчилигимизни билдирамиз! ⚡️⚡️ кўмагида.