"Үлэ күүһэ" новости Горного улуса

"Бор көмүс күһүнэ" ыалдьыттары үөрэ-көтө көрүстэ 🍂🍁Бүгүн Мытаахха көмүс күһүн дуйунан сири симиир, иэйии кытылыгар истиҥник угуттуур кэмигэр "Бор көмүс күһүнэ" поэзия түһүлгэтэ үгүс дьону-сэргэни түмтэ. ✍️📖Тэрээһиҥҥэ саха народнай поэта Наталья Харлампьева, тылбаасчыт Альбина Борисова, поэт Елизавета Мигалкина, драматург Утум Захаров о.д.а кыттыбыттара ураты суолтаны биэрэр. Кинилэр ини-бии Семен уонна Софрон Даниловтар өрөспүүбүлүкэбит сайдыытыгар, литератураҕа үлэлэрин тустарынан истиҥ ахтан-санаан аастылар. 🤲Борго ыраахтан-чугастан кэлбит ыалдьыттары алгыстаах алаадьынан, итии чэйинэн күндүлээтилэр. 👏👏"Бор детдомун 80 сыла" мемориальнай дуосканы үөрүүлээх быһыыга-майгыга арыйдылар. Бор детдомун иитиллээччитэ Савва Алексеев үлэнэн иитиллибиттэрин, үгүс дьон үтүө-мааны киһи буолбутун ахтан-санаан ааста. 🖼️Дьон-сэргэ Бор алааһын кэрэ-бэлиэ миэстэлэринэн экскурсиялаата. @silatrudagorny

📲Фоторепортаж: Бор көмүс күһүнэ 🍂🍁Бүгүн Мытаахха "Бор көмүс күһүнэ" литература аһаҕас фестивала айар куттаахтары,поэзияны сүгүрээччилэри түмтэ. 🏠Ини-бии Семен уонна Софрон Даниловтар төрөөбүт-үөскээбит Бор алаастара ыалдьыттары эҕэрдэлии көрүстэ. @silatrudagorny

👨‍👩‍👧‍👦 Начались выплаты неиспользованных остатков материнского капитала

«По поручению Президента Правительство определило порядок выплат семьям, имеющим остатки материнского капитала до 10 тыс. рублей. С понедельника в Социальный фонд поступило более 70 тыс. заявлений. Заявления рассматриваются максимально оперативно, и со среды родителям начали выплачивать неиспользованный остаток. На текущий день выплаты назначены уже 13,8 тыс. семей», – отметил глава Минтруда России Антон Котяков.

📃 Чтобы получить остаток маткапитала до 10 тыс. рублей, нужно подать заявление: - на Госуслугах; - в клиентской службе СФР; - в МФЦ. 📆 В течение 10 рабочих дней заявление будет рассмотрено. Средства поступят на банковский счет одного из родителей в течение 5 дней после назначения выплаты. Подписаться на Минтруд России #минтруд #минтруд_разъясняет #материнскийкапитал #минтруд_родителям #маткапитал

📸Фото от подписчиков 🐿️🐧Лесная гостиница для зверят? 🌳 Ойуур элбэх этээстээх сынньанар гостиницата... @silatrudagorny  

〽️🤩Россия Президенин фондатын өйөбүлүнэн ыытыллыбыт "Кэлэр кэм сатабыллара" диэн сыыппара эйгэтин компетенцияларыгар чемпионат 10 кыайыылаах оҕолоро бу күннэргэ Санкт Петербург кэрэ миэстэлэринэн экскурсияҕа сылдьаллар. ⭐️✨Бэҕэһээ Пушкин куоракка (урукку Царское село) Екатерининскай дыбарыаһы сөҕө-махтайа көрдүлэр, дыбарыас таһынааҕы пааркаҕа дуоһуйа күүлэйдээтилэр. Аатырбыт судаарыстыбаннай Эрмитаж уораҕайыгар дойдубу культурнай баайын, нэһилиэстибэтин кытта билистилэр. Маны тэҥэ оҕолор Петергоф фонтаннарын кэрэ көстүүтүн көрөн дуоһуйуохтара, Нева өрүс устун теплоходунан уста сылдьан муосталар арахсыыларын билсиэхтэрэ. 😍✈️Бу умнуллубат айаны оҕолорго Эбии үөрэхтээһин киинин иһинэн үлэлиир "Сайдыы суола" уопсастыбаннай тэрилтэ бэлэх уунна. Тэрээһин Саха өрөспүүбүлүкэтигэр биллэриллибит Оҕо сылыгар сөп түбэспитэ олус тоҕоостоох. Оҕолор уонна төрөппүттэр Россия Президенин фондатыгар барҕа махталларын биллэрэллэр. Александра Колесова, "Сайдыы суола" уопсастыбаннай тэрилтэ салайааччыта✍🏻 @silatrudagorny

🍅🥫🍒 "Күһүҥҥү киһи күлбүтүнэн" рубрикабытыгар Мария Ноговицына (Одуну) @silatrudagorny

Дьиэ кэргэнинэн сүүрүү болҕомтону тарта 🏃‍♀️🏃🏼‍♂️Күһүҥҥү тымныыны аахсыбакка Бэрдьигэстээххэ дьон-сэргэ «Кросс нации» чэрчитинэн сүүрдүлэр. Тэрээһиҥҥэ оскуола оҕолоруттан саҕалаан, дьиэ кэргэнинэн бары кыттыбыттара биһирэбили ылла. Күрэхтэһии кыайыылаахтара: 7-12 саастаахтарга (кыргыттарга): 1 миэстэ 🥇– Вика Заровняева, II 🥈– Нарияна Семенова , III 🥈– Айыына Романова. Уолаттарга: I🥇 – Тимур Кононов, II 🥈– Егор Григорьев, III 🥉– Айхаан Егоров 13-17 саастаахтарга (кыргыттарга) I 🥇 – Инесса Кузьмина, II 🥈– Алина Павлова, III 🥉– Алина Афанасьева. Уолаттарга: I 🥇– Айаал Платонов, II 🥈– Алеша Ефремов, III 🥉– Гриша Заровняев Улахан дьоҥҥо (эр дьоҥҥо): I 🥇– Ян Петров, II 🥈– Алмаз Захаров, III 🥉– Анджей Сивцев Кэрэ аҥаардарга: I 🥇– Мария Семенова, II 🥈– Сахая Филиппова. Кыайыылаахтар бары мэтээллэри иилиннилэр. 👨‍👩‍👧‍👦«Саамай улахан дьиэ кэргэн» номинацияҕа Анатолий уонна Светлана Лю-Фа дьиэ кэргэнэ кыайыылаах буолан, 10 000 солк. ананан, үөрдүлэр-көттүлэр. «Саамай аҕам саастаах кыттааччы» – Геннадий Алексеев буолан, 3 000 солк. туттардылар, «Саамай эдэр кыттааччы» – Айталина Лю-Фа ааттанан, 1 000 солк. наҕараадаланна. @silatrudagorny

🗣В преддверии Дня государственности Якутии, 24 сентября, в 19:00 по местному времени состоится «Прямая линия» с Айсеном Николаевым. 📞Задать вопрос Главе республики может любой желающий. Вопросы принимают по круглосуточному номеру: 8 (4112) 506-006. Также их можно отправить через чат-бот в Telegram @voprosGlaveYakutii_bot. ❤️ Подпишись на @ulusmedia

👏👏Убаастыыр кэллиэгэбитин, СӨ Бэчээтин туйгунун Вячеслав Васильевич Алексеевы 50 сааскын туолбуккунан ис сүрэхпититтэн эҕэрдэлиибит. 📜🤳Дириҥ ис хоһоонноох ыстатыйалары хаһыакка, интэриниэт ситимигэр мэлдьи суруйаҕын. «Чыпчаал» кинигэҕэ, халандаарга ыстатыйаларгын, геройдаргын таһаартаран үйэтитэҕин. «Үлэ күүһэ» хаһыат редакцията ситиһиилээхтик үлэлииригэр бары кыһамньыгын, сатабылгын уураҕын. Суруналыыстыка, бэчээт эйгэтин сайдыытыгар кылааккын киллэрсэргин үрдүктүк сыаналыыбыт. Эн айымньылаах үлэҥ биһиэхэ үтүө холобур буолар. 🤲Эйигин кытта өрүү үрдүк ситиһии, дьол-соргу аргыстастын. Айар талааныҥ, тобуллаҕас толкуйуҥ арыллан истин. Дьиэ кэргэҥҥэр этэҥҥэ буолууну, дьоллоох олоҕу баҕарабыт. Эҕэрдэни «Үлэ күүһэ» хаһыат редакциятын кэлэктиибэ, бэтэрээннэрэ. @silatrudagorny

Убаастабыллаах Галина Алексеевна! 💐👏👏Эйиигин бүгүҥҥү үөрүүлээх күҥҥүнэн, өрөгөйдөөх үбүлүөйгүнэн Горнай улууһун суруналыыстарын, айар үлэһиттэрин ааттарыттан итиитик-истиҥник эҕэрдэлиибит. ✍️📰Эһиги олоххутун суруналыыстыкаҕа анаан, үтүө-мааны майгыгытынан, ийэлии истиҥ сыһыаҥҥытынан, муударай сүбэҕитинэн үгүс эдэр үлэһиттэргэ мэлдьи холобур буолаҕыт, дьон-сэргэ махталын ылаҕыт. Эһиэхэ, тус олоххутугар, дьиэ кэргэҥҥитигэр, чугас дьоҥҥутугар чэгиэн буолууну, или-эйэни, үгүс үөрүүнү, дьолу-соргуну баҕарабыт. Бүгүҥҥү үөрүүлээх күҥҥэ, Эһиэхэ анаан, биир идэлээхпит, эһиги үөрэппит-такайбыт уолгут, Горнай улууһун эдэр поэта Василий Тимофеев анабыл хоһоонун бэлэх уунабыт.

Бүгүн эйиигин, бу үөрүүлээх күҥҥүн Аймахтарыҥ, атастарыҥ, Үтүө доҕотторуҥ, билэ дьонуҥ, Айхаллыы, уруйдуу көрсөбүт. Суруналыыс курдук уустук, Туһугар олус умсугутуулаах Ураты идэни талаҥҥын Олоххор аргыс оҥоһуннаҕыҥ. Ким таайыай, билиэй Оччоҕо кырачаан кыысчаан Туундара да тэлиэҕин Кумах куйаары да кэрийиэҕин. Киниэхэ аҥаардас баар Үлэһит, хорсун дьон бастыҥын, Норуот чымаан да тосхолун Сылайары билбэккэ суруйуу. Кини эмиэ биир саллаат кэриэтэ, Сытыы бөрүөнэн сэбилэнэн, Кырдьыктаах тылынан куйахтанан, Сиэрдээх олоҕу туруулаһар. Сыппаабатын сытыы бөрүөҥ, Саха бастыҥ суруналыыһа!

Эҕэрдэни кытта РФ суруналыыстарын Сойууһун Горнай улууһун бастакы салаатын чилиэннэрэ: Василий Тимофеев уонна «Үлэ күүһэ» хаһыат редакциятын бэтэрээннэрэ Василий Алексеев, Елена Пономарева, общественнай корреспондент Владимир Парфенов, хаһыат редактора Күннэй Алексеева. @silatrudagorny