- safe corner🪴💕💕💕:"".

دايما كان بيجي في بالي " هي ليه الصلاة هي الفرض الوحيد اللي أتفرض في السماء السابعة ؟" .. لحد ما لقيت شيخ بيقول " لأن ده من علو مكانتها ." و كان بيجي في بالي دايما " ليه الصلاة اسمها صلاة؟ يعني في حكمة في كده ؟ " .. لحد ما لقيت جواب لشيخ بيقول " لأنها الصلة بين العبد و ربه " . وكان بيحي في بالي دايما " ليه فيها ركوع و سجود ؟ يعني ليه مانفضلش نصلي وأحنا واقفين ؟ " ..لحد ما عرفت أن ذنوبنا اللي بنعملها بتبقى مكانها على راسنا و على أكتافنا ف لما بنيجي نركع و نسجد ؛ الذنوب بتاعتنا بتقع من علينا . وكان دايما بيجي في بالي " ليه الوضوء بيكون أني أغسل بعض أعضاء جسمي ؟ " .. لحد ما لقيت جواب لشيخ بيقول " لأن معظم الأعضاء دي هي أكتر أعضاء ممكن نستخدمها في الحرام ف غسيلك للأعضاء دي بيغفر لك الذنب اللي عملته بيها .. زي أن غسل الأذن بيغفر لك أي حاجه حرام سمعتها و المضمضة بتغفر لك أي ذنب عملته بلسانك وهكذا ." و كان بيجي في بالي دايما " ليه في الأذان بنقول حي على الصلاة و بعدها علطول حي على الفلاح ؟ " .. لحد ما لقيت جواب لشيخ بيقول " لأنه لا يفلح من لا يصلي ." و كان بيجي في بالي " ليه الصلاة هي آخر وصية للرسول قبل ما يموت؟" .. لحد ما لقيت جواب لشيخ بيقول " لأن اللي بيصلي حاله هيتعدل للأحسن مهما كان وحش .. لكن اللي عمره ما ركعها ف عمره ما حاله هيتعدل ." - تخيل أن الصلاة هي العبادة الوحيدة اللي جواها عبادات كتير جدا ؟ يعني جواها : ١-قراءة القرآن ؛ لأنك بتقرأ فيها الفاتحة و أي سورة قصيرة . ٢- الذكر ؛ لأنك بتسبح فيها ربنا في الركوع و السجود ، بتكبر في الصلاة في البداية و في أول كل ركعة ، كمان بتحمد فيها ربنا عند الرفع من الركوع و بتستغفر فيها ربنا بين كل سجدتين . ٣- الصلاة على محمد ؛ لأنك بتصلي عليه في التشهد الآخير . ٤- الدعاء ؛ لأنك بتدعي في السجود و قبل السلام. - تخيل كمان أن فيها جميع أركان الإسلام! فيها : ١- الشهادة ؛ لأنك بتقولها في التشهد الأول ٢- الصيام ؛ لأنك بتكون ممتنع عن الأكل و الشرب و بعض المباحات . ٣- الزكاة ؛ لأن الصلاة بتاخد من وقتك اللي ممكن المفروض تكون بتشتغل/ بتذاكر فيه عشان يطلع لك بعد كده راتب و تقدر تطلع منه زكاة. ٤- الحج ؛ لأنك بتستقبل القبلة يعني بتستقبل مكان الكعبة . - أقم صلاتك ، أستشعرها و أخشع فيها .. الصلاة راحة ليك مش حمل عليك🌿♥♥♥ .

فكره انك تكون راضى ومبسوط دي لوحدها تعتبر إنجاز ونجاح مش كل الناس بترضى ولا كل الناس عندها سلام نفسي كتير ناس هاديه من بره ولكن جواهم صراعات ودوشه مالهاش اول من آخر ♥ .

🖤 .

كل واحد فينا بلا استثناء عنده وجع مدفون جوّاه يللي عاش فتره صعبه ويللي عنده ذكري موقفه حياته ويللي صعبت عليه نفسه وحب وما اتحبّش ويللي اتمني حلم ومطالهوش ، حاجات كتير ممكن نمر بيها توقف حياتنا وتموت حاجه جوّانا لكن الحياه تجارب والتجارب يعني حرب والحرب زي ما بتخسر فيها حاجه بتكسب حاجه قُصادها والحاجه يللي بتموت جواك حاجه بتصحي 100 حاجه وحاجه الوجع بيعلمك القوه والصدمه بتخليك متثقش في اي حد ، الاستغلال بيعلمك تبطّل سزاجة وعلي قد ما هتتوجع علي قد ما هتتعلم وخُدها قاعده " مفيش شخص قوي بدون ماضي قاسي " ❤️.

‏لعلك تريد شيئا، والله أراد لك شيئا أجمل.

🤎 .

- عزيز مرقه : يا هل ترى اليوم نسيتينا ولا حنيتي لماضينا ؟ - ام كلثوم : انساك دَه كلام ؟ - الطحان : بفتكرك لأنى لمّا بنساكِ بفتكرك فبتعب .

و إنهاردة بقول الحمدلله إن الشخص ده مبقاش موجود ❤️.

بتحاول ترضي اهلك ومتزعلش من صحابك ومتهملش دراستك ومتبينش انك ضعيف وتبقي اجتماعي وكويس مع الناس كلها وتهزر وتتضحك وكل ده في نفس اللحظه يللي بتتخانق فيها مع نفسك وكاره وجودك بس انت تمام تمام .