វេជ្ជបណ្ឌិត​ កម្ពុជា

#ការពិនិត្យរកមើលមហារីកសុដន់ 🎗️ ការពិនិត្យរកមើលមហារីកសុដន់ គឺធ្វើឡើងដើម្បីរកមហារីកសុដន់ឲ្យបានឆាប់រហ័ស និងបង្កើនឱកាសខ្ពស់ ក្នុងការទទួលបាននូវការព្យាបាលបានជោគជ័យ។ វិធីសាស្រ្តខាងក្រោមអាចនឹងអនុវត្តបានដើម្បីរកមើលមហារីកសុដន់៖ • ការពិនិត្យដោយខ្លួនឯង • ការថតឆ្លុះលើសុដន់៖ ការថតឆ្លុះលើសុដន់ត្រូវបានគេផ្តល់អនុសាសន៍ចំពោះស្រីវ័យចាប់ពី៤០ឆ្នាំ ឬលើស ត្រូវពិនិត្យនូវរៀងរាល់១ទៅ២ឆ្នាំម្តង • ការពិនិត្យដោយអេកូសាស្ត្រ ឬ MRI៖ ប្រសិនបើការថតឆ្លុះលើសុដន់បង្ហាញភាពមិនធម្មតាណាមួយ ការពិនិត្យដោយអេកូសាស្ត្រ ឬ MRI អាចនឹងត្រូវបានប្រើសម្រាប់ការបញ្ជាក់រោគវិនិច្ឆ័យ។

សេចក្តីជូនដំណឹង

អង្គការស្នាមញញឹមកម្ពុជា សហការជាមួយនិងមន្ទីរពេទ្យមិត្តភាពខ្មែរ-សូរវៀត នឹងរៀបចំការវះកាត់ដោយឥតគិតថ្លៃ ជូនអ្នកជំងឺមាត់ឆែប ក្រអូមមាត់ឆែប និង ពិការមុខមាត់ផ្សេងៗ ដោយមានការចូលរួមពីក្រុមគ្រូពេទ្យស្ម័គចិត្ត ដែលមានជំនាញខ្ពស់ និងបទពិសោធន៍យូរឆ្នាំ ពីប្រទេសចិន ហុងកុង និង ប្រទេសកម្ពុជា នៅមជ្ឈមណ្ឌលភាពញញឹម នៃមន្ទីរពេទ្យមិត្តភាពខ្មែរ-សូរវៀត ចាប់ពីថ្ងៃទី២២ ដល់ ២៥ ខែកញ្ញា ឆ្នាំ២០២៤។