Boyqozonjome_uzz

Дунёдаги энг гўзал нарса АЛЛОҲнинг муҳаббатидир. Жаннатдаги энг гўзал нарса АЛЛОҲни кўришдир. Китобларнинг энг фойдалиси АЛЛОҲнинг Китобидир. Халқларнинг энг яхшиси АЛЛОҲнинг Расулидир. 🍂 Бугун кунда дуч келаётган кўп муаммоларимизнинг ечими «ИЛМ»дир. Илмсизлик, жоҳилликдан қутилишга ҳаракат қилмас эканмиз, муаммолар гирдобидан ҳам чиқолмай, БОТИБ ётаверамиз. 🍂 Бу ҳаётда ҳеч кимга суянма! Ҳатто соянг ҳам қоронғу жойларда сени тарк этади. 🍂 Кимнингдир ҳаёти мукаммал деб ГУМОН қилмa, Уйи борнинг машинаси йўқ. Хотини борнинг ИШИ йўқ. Иштаҳаси борнинг таоми йўқ. Овқати борнинг ўша овқатни ейишга «ИМКОНИ» йўқ. 🍂 Қаноат қилсанг, оз ҳам кўпдир. ТАМАЪ ҚИЛСАНГ, кўп ҳам оздир. Яхши кўрсанг, узоқ кишинг ҳам яқиндир. Ёмон кўрсанг, яқин кишинг ҳам узоқдир !! 🍂 Иймони ва қуввати АЛЛОҲдан мадад олиб турган инсон ширин сўз, яхши гумон, гўзал хулқ ва «ЖОҲИЛ»лардан юз ўгиришдан бошқа нарсани билмайди. 🍂 Ҳаёт йўли жуда осон: Агар сен АЛЛОҲни ғазабини келтирадиган иш қилмаётган ва бировга азият бермаётган бўлсанг, одамларнинг гапларига парво қилмай, хоҳлаган ишингни қилавер. 🍂 Агар бир инсон сирингни ичида сақламай бошқаларга айтса, хафа бўлма. Ахир ўзинг СИРингни ичингда сақлай олмадингку! Шекспир 🍂 Фузайл ибн Иёз раҳимаҳуллоҳ айтдилар: “Беш нарса бадбахтлик аломатидир: ҚАЛБнинг қаттиқлиги, КЎЗнинг қуруқлиги (ёш тўкмаслиги), ҲАЁнинг озлиги, дунёга рағбат, орзунинг узунлиги”. 🍂 Ҳақиқат аҳли сукут қилган пайтда ботил аҳли ўзларини “ҲАҚИҚАТ УСТИДАМИЗ” деб ўйлашади. Али ибн Абу Толиб розияллоҳу анҳу. 🍂 Инсонларнинг ҚАЛБлари «ЖАННАТ» эмас. Унда (абадий) қолиш учун ўзингни қийнама. 🍂 Заиф одам ҳеч қачон кечиролмайди ва бағрикенглик қилолмайди. Кечиримлилик ва бағрикенглик кучлиларнинг сифатларидир. 🍂 Безовталик худди тебранма стулга ўхшаб сени ТЕБРАТИБ тураверади, аммо ҳеч қаерга ОЛИБ БОРМАЙДИ. 🍂 Сенга қўполлик билан насиҳат қилган кишига қаттиқ гап айтиб, насиҳатини тўхтатма. Унинг қўполлиги ортида сенга бўлган кучли муҳаббати турибди. Сен худди эрта тонгда жиринглайдиган соатни уриб синдирувчи бўлма. Ахир у соатнинг сени уйғотишдан бошқа “ГУНОҲ”и йўқку. 🍂 Қаноат  кўзойнакдир. Уни тақсанг, ҲАЁТни чиройли кўра бошлайсан. 🍂 Агар АЛЛОҲ сендан кетишини кутмаган нарсангни олиб қўйса, тезда сенга келишини кутмаган нарсангни беради. Муҳаммад Мутавалли Шаъровий. 🍂 Дунёда йўловчидек бўл. Ортингдан барча чиройли изларни қолдир. Барчамиз бу дунёда меҳмонмиз!!! МЕҲМОН ЭСА БАРИБИР КЕТАДИ! 🍂 “Одамларнинг борадиган жойи ёки жаннат ёки дўзаҳ бўлади. Учинчи жой йўқ! Шундай экан, намозга ўта аҳамиятли бўлинг 🍂 АЛЛОҲим, бизларни берганингда шукр қиладиган, балолантирганингда сабр қиладиган, гуноҳ қилганда истиғфор айтадиган бандаларингдан қилгин. https://t.me/Boyqozonjome_uzz

Дунёдаги энг гўзал нарса АЛЛОҲнинг муҳаббатидир. Жаннатдаги энг гўзал нарса АЛЛОҲни кўришдир. Китобларнинг энг фойдалиси АЛЛОҲнинг Китобидир. Халқларнинг энг яхшиси АЛЛОҲнинг Расулидир. 🍂 Бугун кунда дуч келаётган кўп муаммоларимизнинг ечими «ИЛМ»дир. Илмсизлик, жоҳилликдан қутилишга ҳаракат қилмас эканмиз, муаммолар гирдобидан ҳам чиқолмай, БОТИБ ётаверамиз. 🍂 Бу ҳаётда ҳеч кимга суянма! Ҳатто соянг ҳам қоронғу жойларда сени тарк этади. 🍂 Кимнингдир ҳаёти мукаммал деб ГУМОН қилмa, Уйи борнинг машинаси йўқ. Хотини борнинг ИШИ йўқ. Иштаҳаси борнинг таоми йўқ. Овқати борнинг ўша овқатни ейишга «ИМКОНИ» йўқ. 🍂 Қаноат қилсанг, оз ҳам кўпдир. ТАМАЪ ҚИЛСАНГ, кўп ҳам оздир. Яхши кўрсанг, узоқ кишинг ҳам яқиндир. Ёмон кўрсанг, яқин кишинг ҳам узоқдир !! 🍂 Иймони ва қуввати АЛЛОҲдан мадад олиб турган инсон ширин сўз, яхши гумон, гўзал хулқ ва «ЖОҲИЛ»лардан юз ўгиришдан бошқа нарсани билмайди. 🍂 Ҳаёт йўли жуда осон: Агар сен АЛЛОҲни ғазабини келтирадиган иш қилмаётган ва бировга азият бермаётган бўлсанг, одамларнинг гапларига парво қилмай, хоҳлаган ишингни қилавер. 🍂 Агар бир инсон сирингни ичида сақламай бошқаларга айтса, хафа бўлма. Ахир ўзинг СИРингни ичингда сақлай олмадингку! Шекспир 🍂 Фузайл ибн Иёз раҳимаҳуллоҳ айтдилар: “Беш нарса бадбахтлик аломатидир: ҚАЛБнинг қаттиқлиги, КЎЗнинг қуруқлиги (ёш тўкмаслиги), ҲАЁнинг озлиги, дунёга рағбат, орзунинг узунлиги”. 🍂 Ҳақиқат аҳли сукут қилган пайтда ботил аҳли ўзларини “ҲАҚИҚАТ УСТИДАМИЗ” деб ўйлашади. Али ибн Абу Толиб розияллоҳу анҳу. 🍂 Инсонларнинг ҚАЛБлари «ЖАННАТ» эмас. Унда (абадий) қолиш учун ўзингни қийнама. 🍂 Заиф одам ҳеч қачон кечиролмайди ва бағрикенглик қилолмайди. Кечиримлилик ва бағрикенглик кучлиларнинг сифатларидир. 🍂 Безовталик худди тебранма стулга ўхшаб сени ТЕБРАТИБ тураверади, аммо ҳеч қаерга ОЛИБ БОРМАЙДИ. 🍂 Сенга қўполлик билан насиҳат қилган кишига қаттиқ гап айтиб, насиҳатини тўхтатма. Унинг қўполлиги ортида сенга бўлган кучли муҳаббати турибди. Сен худди эрта тонгда жиринглайдиган соатни уриб синдирувчи бўлма. Ахир у соатнинг сени уйғотишдан бошқа “ГУНОҲ”и йўқку. 🍂 Қаноат  кўзойнакдир. Уни тақсанг, ҲАЁТни чиройли кўра бошлайсан. 🍂 Агар АЛЛОҲ сендан кетишини кутмаган нарсангни олиб қўйса, тезда сенга келишини кутмаган нарсангни беради. Муҳаммад Мутавалли Шаъровий. 🍂 Дунёда йўловчидек бўл. Ортингдан барча чиройли изларни қолдир. Барчамиз бу дунёда меҳмонмиз!!! МЕҲМОН ЭСА БАРИБИР КЕТАДИ! 🍂 “Одамларнинг борадиган жойи ёки жаннат ёки дўзаҳ бўлади. Учинчи жой йўқ! Шундай экан, намозга ўта аҳамиятли бўлинг 🍂 АЛЛОҲим, бизларни берганингда шукр қиладиган, балолантирганингда сабр қиладиган, гуноҳ қилганда истиғфор айтадиган бандаларингдан қилгин. https://t.me/Boyqozonjome_uzz

--- ∽❧❧۞🍃🕌🍃۞∽❧❧∽ --- 5. ЎРИНГА ЁТГАНДА ЎҚИЛАДИГАН ДУО اللَّهُمَّ أَسْلَمْتُ نَفْسِي إِلَيْكَ وَوَجْهَتُ وَجْهِي إِلَيْكَ وَفَوَّضْتُ أمري إليك والجات ظهري إليك رغبة ورهبة إليك لا ملجا ولا منجى منك إلا إلَيْكَ آمنت بكتابك الذي انزلت وينبيك الذي أرسلت. Аллоҳумма асламту нафсий илайка ва важжаҳту важҳий илайка ва фаввазту амрий илайка ва алжату зохрий илайк, роғбатан ва роҳбатан илайк, ла малжа а ва ла манжа минка илла илайк. Аллоҳумма аманту бикитабикаллазий анзалта ва набиййикаллазий арсалта.        Маъноси:     Расулуллоҳ (соллаллоҳу алайҳи ва саллам) саҳобалардан бири Барога: «Ётоғингга кирган пайтинг: «Ё Аллоҳ, ўзимни Сенга топширдим, юзимни Сенга бурдим, ишимни Сенга топширдим, Сенга суяндим, умидим Сендан, қўрқувим Сендандир. Сендан ўзга паноҳ ва нажот берувчи йўқ. Туширган китобингта, юборган набийингга ишондим», деб ёт, агар ўша кечада ўлсанг, Исломда ўлган бўласан. Ўлмасдан тонгда турсанг, яхшиликларга ноил бўласан», дедилар.           Шарҳ:      Расулуллоҳ (соллаллоҳу алайҳи ва саллам) саҳоба ҳазрат Барога бу муборак дуони шу тарзда англатганлар. Расулуллоҳ (соллаллоҳу алайҳи ва саллам): «Эй Баро! Ётоғингта кирадиган вақтингда намоз учун таҳорат қилганингдек таҳорат ол. Ўнг томонинг билан ёт ва юқоридаги дуони айт. Бу сўзлар сенинг ётишдаги энг сўнгги сўзларинг бўлсин», дедилар.     Инсон шу муборак дуони айтиб, тафаккур қилса, дунёдаги машғулотларидан, дардли ишларидан айрилиб, Аллоҳга ўзини топшириб, юзини Унга буриб, ишини Унга омонат қилган ҳолда роҳат ичида ётса, шубҳасиз, ҳузурнинг энг буюк даражасига эришади.      Қанча инсонлар бу серташвиш дунёнинг алам ва изтироблари ичра минг хил ўй-хаёл билан асабларини бузиб, тонгга қадар ухлаёлмайди. Улар қодир Аллоҳни шу тарзда таниб, ишларини Унга топширсалар, ҳам саломатлик, ҳам маънавий файз-баракот олади, саодатга эришадилар. Чунки У Қодири Мутлақ бирор ишнинг бўлишини хоҳласа, албатта, амалга ошади, тузалади. Имони бор инсон ётишдан олдин Расулуллоҳ (соллаллоҳу алайҳи ва саллам)нинг шу муборак сўзларини такрорлаб, ўзини Аллоҳга таслим қилиб, Ундан умид этиб, Ундан қўрқиб, юзини Унга буриб, набийларга, китобларга имон келтирганини такрорлаб, тасдиқлаб дуо қилса ва тонгда соғ-омон турса, Аллоҳ у бандага ёрдамчи бўлади, ҳар турли моддий-маънавий яхшиликларга эриштиради. «ПАЙҒАМБАРИМИЗ соллаллоҳу алайҳи васалламнинг МУБОРАК 101 ДУОЛАРИ» китобидан https://t.me/Boyqozonjome_uzz

Хурмо шохининг у Зотга зорланиши.     Жобир розияллоҳу анҳудан ривоят қилинади: “Масжиднинг шифти хурмо шохлари устига ёпилган эди. Пайғамбаримиз соллаллоҳу алайҳи васаллам ўша шохлардан бирига суяниб туриб хутба қилар эдилар. У Зотга минбар қилиб берилганда ва у Зот унга чиққанларида ҳалиги хурмо шохи урғочи туя зорлангандек овоз чиқарди. Пайғамбар соллаллоҳу алайҳи васаллам тушиб уни ушлаган эдилар, сокин бўлди”, дейилган” (Имом Бухорий ва Насаий ривоятлари). Ибн Ҳиббоннинг китобларида зикр қилинишича: Ҳасан ибн Али розияллоҳу анҳу қачон ушбу ҳадисни зикр қилсалар, йиғлар эдилар, сўнг шундай дер эдилар: “Эй, Аллоҳнинг бандалари, бир қуриган ёғоч Расулуллоҳ соллаллоҳу алайҳи васалламга ошиқлигидан йиғлаганида, сизлар у зотнинг дийдорларига муштоқ бўлиб йиғлашга ҳақлироқдирсиз”. https://t.me/Boyqozonjome_uzz

ЖУМА КУНИНИНГ ОДОБЛАРИ: 1)  Ғусл қилиш: Расулуллоҳ соллаллоҳу алайҳи ва саллам шундай деганлар: “Жума куни ғусл қилиш ҳар бир балоғатга етган кишининг бурчидир” (Бухорий (879) ривояти); 2)  Покланиш: Расулуллоҳ соллаллоҳу алайҳи ва саллам шундай деганлар: “Ким жума куни ғусл қилса, қўлидан келганича покланса, сочини ёғласа, уйидаги атирдан сепса, сўнг масжидга бориб, одамлар елкасидан ҳатлаб ўтмаса, сўнг қўлидан келганича нафл ўқиса, сўнг имом хутба қилаётганида жим туриб тингласа, албатта Аллоҳ таоло унинг келаси жумагача бўлган гуноҳларини кечиради” (Бухорий (883) ривояти). Бу ҳадисда ғусл қилиш билан бирга покланиш ҳам зикр қилинди. Бундан келиб чиқадики, ҳадисдаги покланишдан мақсад фақат ғусл қилиш эмас, балки покланишга сабаб бўладиган бошқа ишларни ҳам қилиш экан. Шунга биноан, жума куни аврат ва қўлтиқ тукларини тозалаш, тирноқларни олиш ҳамда мўйлабни қисқартириш жума кунининг одобларидан саналади. Баъзилар покланиш ниятида жума куни соқолини ҳам қиртишлаб олади. Бу жуда ҳам катта хато. Чунки соқолни қиртишлаб олиш ҳаромдир. Шунингдек, оғзи, оёғи ёки қўлтиғи ҳидланадиган кишилар доимо, айниқса, жума куни имкон қадар шу ишнинг олдини олишга ҳаракат қилишлари, қўланса ҳидларни кеткизадиган замонавий  воситалардан фойдаланишлари мақсадга мувофиқдир; 3)  Атир сепиш: жумага борганда одамларга турли хил ёқимсиз ҳидлар билан озор бермаслик учун атир сепиш шу куннинг суннатларидан саналади; 4)   Энг чиройли кийимларни кийиш ва сочни ёғлаш: мусулмон киши жума намозига борганда қалбини поклаш билан бир қаторда ташқи кўриниши ҳам гўзал бўлиши лозим. Шунинг учун жума намозига боришдан олдин энг чиройли кийимларингизни кийишингиз ва агар сочингиз узун бўлса, соч учун ишлатиладиган махсус крем, гел ва ёғлар ёрдамида сочингизни тартибга келтириб олишингиз ҳам суннатдир; 5)  Мисвок ишлатиш ёхуд тишни ювиш: Абу Ҳурайра розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Агар умматимга машаққат бўлмаганида, мен уларни ҳар намоздан олдин мисвок ишлатишга буюрган бўлардим” – деганлар (Бухорий (887) ривояти); 6)  Юқоридаги ҳадисда айтилган савобга эришиш учун масжидга боргандан сўнг одамлар елкасидан ҳатлаб ўтмаслик кераклиги айтиб ўтилди. Чунки бу иш ўтирганларга азият беради ва уларда сизга нисбатан нафрат уйғотади. Ҳолбуки мусулмон кишига азият бериш ҳаромдир; 7)  Каҳф сурасини ўқиш: Расулуллоҳ соллаллоҳу алайҳи ва саллам шундай деганлар: “Ким жума куни Каҳф сурасини ўқиса келаси жумагача ундан нур таралиб туради” (Байҳақий “Сунанул кубро”да (5996) ривоят қилган, бу ҳадисни шайх Албоний роҳимаҳуллоҳ саҳиҳ деган); 8)  Кўп дуо қилиш: Расулуллоҳ соллаллоҳу алайҳи ва саллам: “Жума куни шундай бир вақт борки, мусулмон киши шу вақтда намоз ўқиб, Аллоҳдан дуо-илтижо қилиб сўраса, албатта Аллоҳ унга сўраган нарсасини беради” – деганлар ва қўллари билан бу вақтнинг жуда ҳам қисқалигига ишора қилганлар (Муслим (1926) ривояти). Бироқ ҳадисда бу вақт қачон экани аниқ айтилмаган. Шу вақтга тўғри келиб қолиш ниятида жума куни вақтингизни ҳеч ҳам бекорчи нарсаларга сарфламай, доим дуода бўлишингиз мақсадга мувофиқ бўлади; 9)  Расулуллоҳ соллаллоҳу алайҳи ва салламга имкон қадар кўп саловат айтиш: бу ҳақда Расулуллоҳ соллаллоҳу алайҳи ва саллам: “Менга жума куни кўп салавот айтинглар. Чунки менга ҳар жума умматимнинг менга айтган салавоти рўбару қилинади. Ким менга кўп салавот айтган бўлса, (қиёматда) менга энг яқинлардан бўлади” – деганлар (Байҳақий “Сунанул кубро”да (5791) ривоят қилган); 10)  Бошқа кунлар қолиб, фақат жума куни рўза тутмаслик: бу ҳақда Расулуллоҳ соллаллоҳу алайҳи ва саллам шундай деганлар: “Ҳеч ким фақат жума куни рўза тутмасин. Бироқ жумага қўшиб бир кун олдин ёки бир кун кейин рўза тутса бўлаверади” (Бухорий ривояти). https://t.me/Boyqozonjome_uzz