Mumtoz adabiyot

Eron estradasida  Ebi (forschasi:ابی)(Inqilobdan soʻng mamlakatni tark etgan. Chunki u  Tolibon hukumati kabi Eronda ham sanʼatga taqiq boʻlishidan qoʻrqqan) mening nazarimda ana shunday ijodkorlardan. Avvallari birmuncha jahlim chiqardi: "El oldiga chiqadigan odam buncha koʻp likinglaydi?!" Tushundimki, asl ijodkor shunday boʻlar ekan. Rosmana ijodkorni jamiyat boʻgʻib qoʻyar ekan. Ijodkor har sohada erkin (moliyaviy, ijtimoiy-siyosiy, fikriy, etiqodiy) boʻlsa, u insoniyat uchun katta meros qoldiradi. Ammo hamma ijodkor ham bunday baxtga musharraf boʻla olmaydi. Shuda ham ijod qila olgan kishi bu - Qahramon. Ana shunday qahramonlar va ijodkorlar bor boʻlsin. @mumtoz2021

*** Aslida ijodkor energiyaga juda boy odam boʻlishi kerak. Ijod - kishidan kuchli qudrat talab qiladi. Ha aytganday, dono xalqimizda bir gap bor: "Quruq qoshiq ogʻiz yirtar". Kuchli energiya yigʻish uchun esa, pul ham lozim. Koʻrish mumkinki, Hamzaga oʻxshaganlar buning  yorqin namunasi. Endi Navoiy haqida aytmay qoʻyaveray. Chunki bu shaxsni biz allaqachon maʼbud darajasiga yetkazishimizga bir qadam qoldi. Nasib yetib ham qolar. Yulduz Usmonova, Jahongir Otajonov, Sevinch Moʻminova sanʼat sohasining maʼlum qismida energiyaning haqiqiy namunasi. @mumtoz2021

*** Yana menda itoat. Baʼzan hamma narsaga ehtiyoj seziladi. @mumtoz2021

*** Bah-bah, miyam yorilib ketay dedi. Hali hamon ushbu gʻazalning taʼsiridan chiqib keta olmayapman. Navoiy baribir Navoiy-da. Bunaqa nozik fikrlar va tasvirlar uchun inson, rosmana yuksak did sohibi boʻlish kerak. @mumtoz2021

*** Shunchaki sen qurgan koshonalarda ertaga kim yashashini ham bilmaysan. Yo umuman hech kim yashamasligi ham mumkin. Shu bois ham Albert Kamyu maza qilib yashadi. Yassaviy esa dunyodan uzlat qildi. Biz baribir kimningdir falsafasini toʻgʻriroq deb bilamiz. Men uchun Kamyu yomon yashamagan nazarimda. @mumtoz2021

*** Mendan xafa boʻlasizlar, bir haqiqatni aytsam. Kelinglar, "Shashmaqom" bizning ham milliy boyligimiz boʻlib qolaversin. @mumtoz2021

*** Aslida tasavvuf taʼlimoti ham ilmiy-nazariy  (ruhiy) ham amaliy (harakat) jarayonidir. Biznikilar har yogʻidan oralab koʻrishdi bu taʼlimotning. Qancha odam bu taʼlimotga kirmoqchi yoki targʻib qilmoqchi boʻldi. Afsus, foydasi boʻlmadi. Doʻstlar, bugun XX asr. Barcha taʼlimotlar eskirgani kabi bu taʼlimotning ham muhim qismi oʻz oʻrnini boshqa falsafiy qarashlarga boʻshatib berdi. Endi faqatgina shu taʼlimot maʼlum odamgagina xizmat qila oladi. Yoki kimlardir bu taʼlimotning amaliy harakatlarini kuzatishga qiziqadi, lekin unda bunday imkon mavjud emas. Mana shundan foydalanib yurtimizning maʼlum turistik markazlarida soʻfiylar uchun sahnalar qilib, sayyohlarni jalb etish mumkin. Bu har kimga foydali boʻladi. Birinchidan milliy qadriyatlar tiklanadi. Ikkinchidan, budjet uchun foydali. @mumtoz2021