Zafarbek Solijonov

Оилавий (маиший) зўравонликдан ҳимоя қилиш чоралари кучайтирилмоқда Оилавий (маиший) зўравонлик бўйича ишлар юзасидан ярашув тўғрисидаги ариза фақат ишни судда кўриш жараёнида, суд муҳокамасининг исталган босқичида, аммо суд маслаҳатхонага киришидан олдин берилиши мумкинлиги белгиланмоқда. Сенат раиси Танзила Норбоева бу борада ўз муносабатини берди: "Ҳимоя ордери берилиши – бу ишимиз битди дегани эмас. Бу зўравонликка қарши курашиш ишининг бошланиши. Чунки жабрланган шахсга тиббий, ижтимоий, психологик, иқтисодий, молиявий ёрдам берилиши керак бўлади. Лекин зўравонга нисбатан бизда ҳозирча ҳеч қандай ишлар ташкил қилинмаяпти. Тузатиш дастурини ишлаб чиқиб, индивидуал тарзда ҳар бир шундай шахс билан, бизга ёт бўлган иллатларга қарши ишлашимиз керак. Шунинг учун бу масалага комплекс ёндашиш лозим. Бу масалалар билан Ижтимоий ҳимоя миллий агентлиги яхши ишларни бошлади. Лекин ушбу Агентлик атрофида барча мутасадди вазирлик ва идоралар бирлашиб ишлаши талаб этилади". ЖССТнинг маълумотига кўра, дунёдаги ҳар учинчи аёлга ўз умр йўлдоши томонидан жисмоний тазйиқ ўтказилади. Тазйиқ ва зўравонлик оқибатида ўлим келиб чиққан ҳолларнинг 38 фоизида унинг турмуш ўртоғи ёки у билан бирга рўзғор қуриб яшаётган шахснинг айби бўлади. 👉 @Zafarbek_Solijonov

Норбоева Соғлиқни сақлаш вазирлиги вакилига 3 ой муддат берди: "Уч ой ичида стандартлар нафақат ишлаб чиқилиши, балки тайёр бўлиш лозим. Барча вазирлик, идоралар учун мана шу сизнинг ишлаб чиққан ва тасдиқлаган стандартларингиз асос бўлади. Қонун қабул қилингандан кейин сизнинг стандартларингиз асосида ҳамма ўз фаолиятини йўлга қўйиши керак. Шунинг учун бу сизга жуда катта масъулият юклайди. Нафақат Ўзбекистон психологлар ассоциациясининг, балки халқаро тажрибани ҳам ўрганиш керак бўлади. Демак, стандартлар бўйича ҳозирги замон талаблари, ҳозирги одамларнинг ҳолатини ўрганиш керак. Бизда бу йўналишда қандай муаммолар бор? Шунинг учун бу масала жуда жиддий ва муддатингиз жуда ҳам кам. Тезроқ ишлаб чиқишингиз керак бўлади". 👉 @Zafarbek_Solijonov

Аҳолига психологик ёрдам кўрсатиш соҳаси ҳуқуқий жиҳатдан тартибга солиняпти Сенатда мазкур ҳужжат муҳокама қилинди. Қонунда психологик ёрдам кўрсатиш стандартлари Соғлиқни сақлаш вазирлиги томонидан ишлаб чиқилиши ва тасдиқланиши ҳамда психологик ёрдам кўрсатиш фаолияти билан шуғулланувчи юридик шахс раҳбари психология соҳасида олий маълумотга эга бўлиши кераклиги назарда тутилмоқда. Психологик ёрдам кўрсатиш соҳаси иштирокчиларининг ҳуқуқ ва мажбуриятларини белгилаш, бепул психологик ёрдам кўрсатиладиган шахслар тоифаларини аниқлаштириш, аҳолига психологик ёрдам кўрсатиш соҳасидаги профессионал уюшмалари фаолиятининг ҳуқуқий асосларини яратиш кўзда тутиляпти. Шунингдек, психология йўналишидан бошқа олий маълумотга эга бўлган шахслар хусусий тартибда психологик ёрдам кўрсатиш фаолияти билан шуғулланишдан аввал психология мутахассислиги учун қайта тайёрловдан ўтиши кераклиги белгиланмоқда. Маъмурий жавобгарлик тўғрисидаги кодекс психологик ёрдамни бундай ҳуқуққа эга бўлмаган шахс томонидан кўрсатиш ёхуд аҳолига психологик ёрдам кўрсатиш тўғрисидаги қонунчиликда белгиланган чекловларга риоя этмаслик учун жавобгарликни назарда тутувчи қўшимча нормалар билан тўлдирилмоқда. Манба 👉 @Zafarbek_Solijonov

Янги сайлов тизимининг ўзига хос хусусиятлари ҳақида содда тилда тушунтириш берилибди Қонунчилик палатаси депутатлари сайлови аралаш сайлов тизими асосида ўтказилади. Ҳозиргача бу тизим ҳақида маълумотга эга бўлмаганлар, ҳатто, бу тизим ҳақида эшитмаганлар ҳам бор. Буни сайлов ҳақидаги постлар остида қолдирилган изоҳлардан ҳам билиб олсак бўлади. Ҳозир замон анча ўзгариб, матн ўқишга эриниб қолган бир пайтимизда видео орқали тушунтириш берилиши, мана бу ҳақиқий ёндашув. Хўш, Қонунчилик палатасининг 75 нафар депутати мажоритар сайлов тизими асосида, яъни аниқ бир шахсга овоз бериш орқали, қолган 75 нафари пропорсионал сайлов тизими асосида, яъни сиёсий партияларга овоз бериш орқали сайланади. Сиёсий партиялар пропорсионал тизим асосида сайланадиган депутатлар бўйича 75 нафардан 100 нафаргача номзодлар киритиладиган партия рўйхатларини тузиб, уни марказий сайлов комиссиясидан рўйхатдан ўтказади. Аввалги сайловларда гўлиб бўмаган номзодларга берилган овозлар инобатга олинмасди. Масалан, депутатлик ўрни учун курашган 5 нафар номзоддан ғолиб бўлган номзодга 51 фоиз сайловчилар овоз берган бўлса, қолган тўрт нафар номзодга берилган 49 фоиз овоз амалда парламентни шакллантиришда аҳамиятга эга эмасди. Аралаш сайлов тизимида эса сайловчиларнинг ҳар бир овози келгусида депутатлик ўринларини шакллантиришда инобатга олинади. Ҳар бир овоз депутатлик ўринларини ҳисоблашда аҳамиятга эга. Бу тизимда депутатлик ўринларини тақсимлаш тартиби билан юқоридаги видеода батафсил танишишингиз мумкин. #sаylоv24 👉 @Zafarbek_Solijonov

Бир пайтлар Адолф Гитлер «Тинчлик бўйича» Нобел мукофотига номзод бўлган. Бу факт. Орадан озгина вақт ўтгандан кейин эса Жаҳон Урушини бошлаган. Аслида уни тинчлик бўйича эмас, уруш бўйича Нобел мукофотига номзод қилиб кўрсатиш керакмиди? Албатта бундай кутилмаган фактлар кўп. Гитлер шахсияти ҳақида жуда узоқ гапириш мумкин. Унинг урушларда қўллаган тактикалари ва умуман ҳаётининг энг муҳим жиҳатлари ҳақида «Худди шундай»да қилинган мана бу видеода билиб олишингиз мумкин: 👉 https://youtu.be/FaYJs3CR2Jg?si=XDqKPopcoCPBjf1N @Zafarbek_Solijonov

Бизнесни ривожлантириш банки томонидан “BRB Fintech Hackcelerator” IT-танлови ғолиблари тақдирланди Тақдирлаш маросими IT-конференцияси кўринишида бўлиб ўтди. Соврин жамғармаси 300 млн сўм бўлган ушбу хакатон учун 200 та жамоадан аризалар қабул қилинди. Улардан, жами 206 та аъзоси бўлган 47 та жамоа саралаб олинди. Бир ойлик мусобақанинг финал босқичида ғолиб бўлган учта жамоа тақдирланди. Танлов орқали банк IT-бизнесни ва стартаперларни қўллаб-қувватлаш кўзланган. Батафсил. 👉 @Zafarbek_Solijonov

Мигрантлар учун суғуртага кирадиган хизматлар рўйхатини кенгайтириш таклиф қилиняпти Ўзбекистон Либерал-демократик партияси мигрантлар учун ҳам ташаббуслар ишлаб чиқибди. Мигрантларни қўллаб-қувватлаш ва ҳимоя қилиш давлатнинг асосий вазифаларидан бири. Партия меҳнат мигрантларининг ҳимояси ва ижтимоий суғурта тизимини такомиллаштириш таклифини илгари суряпти. Бу нима беради? Меҳнат мигрантлари ва уларнинг оила аъзоларига нисбатан ижтимоий суғурта тизимини такомиллаштириш, яъни суғурта дастурларини кенгайтириш, уларга тиббий ёрдам, пенсия ва ишсизлик кўмаги кўрсатиш, суғуртага кирадиган хизматлар рўйхатини кенгайтириш имконини беради. Умуман олганда, авваллари чет элда меҳнат фаолиятини олиб бораётган фуқароларимиз турли муаммоларга дуч келиб қолган пайтларда қаерга мурожаат қилишни, кимдан ёрдам олишни билмасди. Бундай масалаларни тезкорлик билан ҳал қилиш учун элчихоналар ва тегишли вазирликларда 24 соат ишлайдиган Call-марказлар ташкил этилди. Йилдан йилга уларнинг ҳуқуқлари мустаҳкамланиб келяпти. Энди эса ушбу ташаббус улар учун янада енгиллик бериши аниқ. Мигрантлар ҳам эсдан чиқарилмай шу каби ташаббуслар ишлаб чиқилаётгани қандай яхши. #sаylоv24 👉 @Zafarbek_Solijonov

Ливанда "Ҳизбуллоҳ"чиларнинг пейжерлари оммавий портлади. Бу каби портлашлар Суриядаям бўлгани айтиляпти. Жароҳатланганлар 3 мингга яқинлашган, айримлари оғир аҳволда, ўнга яқини вафот этган. Портлашлар айни бир вақтда бошланган. Бунда Исроил Моссади, ҳакерларининг қўли борлиги таҳмин қилиняпти. Пейжер батареяларидаги литий ҳаддан ташқари қизиши натижасида портлаши мумкинлиги айтиляпти. Ҳизбуллоҳчилар ҳарбийларига телефонданмас, пейжер ва шу каби хавфсиз бўлган техникалардан фойдаланишни тавсия қилган бўлган, Исроил хавфсизлик хизмати кузатмасин деб. Физика + информатика ўқиб, бу соҳаларни зўр ўзлаштирганлар, халқини илм-фанга етаклаганлар душманини шундай йўқ қиляпти. Энди ўзинга савол бер. Сен нима қилишинг керак экан? Мулоқотда кабутарга қайтишингми ёки тинмай ўқийвериш? 👉 @Zafarbek_Solijonov

Дорилар рекламасини чеклаш керак — Миллий тикланиш Ўзбекистон «Миллий тикланиш» демократик партияси соғлиқни сақлаш соҳасидаги муҳим ташаббусларини эълон қилди. Ташаббуслар бугунги куннинг актуал муаммоларидан келиб чиққан ҳолда ишланланган. Хусусан, партия таклиф этаётган дори воситалари рекламасини чеклаш, антибиотикларни қатъий рецепт асосида берилишини таъминлаш ташаббуси. «Док-1 Макс» оқибатида қанчадан қанча болалар ҳаётдан кўз юмгани билан боғлиқ фожиа Ўзбекистон соғлиқни сақлаш ва фармацевтика соҳасида муаммоларни яққол кўрсатди. Бизнинг содда халқимиз кўпинча ўзини-ўзи даволамоқчи бўлади, аниқ ташхисни билмасдан, рекламага ишониб, турли дориларни ичади. Бу вазиятда давлат албатта чора кўриши керак. Масалан, хорижда дорихоналар фаолияти, дори-дармонлар рекламаси устидан жиддий назорат ўрнатилган. Партия билдираётган ташаббус ҳам хориж тажрибасидан келиб чиққан ҳолда ишланган ва аҳоли учун жуда аҳамиятли. #sаylоv24 @Zafarbek_Solijonov

Президентнинг ЖСТ масалалари бўйича махсус вакили Азиз Уруновнинг айтишича, ташкилотга аъзолик бўйича 18 та давлат билан музокаралар якунига етибди. ЖСТга кириш учун жами 47 та давлатнинг розилигини олишимиз талаб этилишини ҳисобга олсак, бу бўйича ҳали қилинадиган ишлар борлигини кўриш мумкин. Ташкилотга қўшилиш бизга нима бериши-ю, иқтисодиётимизга таъсирлари қандай бўлиши ҳақида кўп ва хўп ёзилди. Мен эса бошқа бир масалага эътибор қаратмоқчиман. Айни пайтда дунёнинг 164 мамлакати, жумладан қўшниларимиз Қозоғистон, Қирғизистон, Тожикистон ва ҳатто Афғонистон аъзо бўлган ташкилотга қўшила олмасак, бу бизнинг халқаро имижимизга ҳам салбий таъсир қилмай қолмайди. Шундоқ ҳам ташкилотга қўшилиш бўйича энг узоқ давом этаётган жараён Ўзбекистон билан кузатилмоқда. Бундан буён бу жараён яна қанча кечикса, ЖСТга киришимиз ҳам қийинлашиб бораверади. Шунинг учун, Либерал-демократик партия томонидан ЖСТга қўшилишни тезлаштириш учун унинг стандартларига жавоб бериш, хусусан, тадбиркорларга берилган имтиёзларни адолат ва тенглик нуқтаи назаридан қайта кўриб чиқиш масаласи ҳар қачонгидан ҳам долзарб бўлиб турибди, деб ўйлайман. #sаylоv24 @Zafarbek_Solijonov