Абдуазим Аҳрор (Рустамхўжаев)

Бизни қўллаб юборинг @xatoliklar канали блогерлар учун ташкиллаштирилган Influencer Awards танловида тил номинациясида иштирок этяпти. Ҳозир овоз бериш босқичи бошланган. Каналимиз халқимиз саводхонлигига оз бўлса ҳам ҳисса қўшади, деб ҳисобласангиз, бизга овоз беринг. Муҳим! Сизга 3 соат ичида бот орқали келадиган 3 та саволга ўз вақтида жавоб берсангизгина овозингиз қабул қилинади. ▶️ Овоз бериш ▶️ Овоз бериш статистикасини кўриш @xatoliklar

Бу ерда мени топинг 😄

Самарали 2023 йил Minim | Brand Design — ғояларни бозор талабларига мос ҳолда рўёбга чиқарувчи креатив агентлик. 2023 йил биз учун ижодга бой йил бўлди, натижада кўплаб қизиқарли лойиҳалар ва янги маҳсулотлар пайдо бўлди. Эътиборингизга 2023 йилда амалга оширган ишларимизни шоурил орқали ҳавола қиламиз. Ёқимли томоша! 🎞https://youtu.be/zisCea9dk7I @minim_design

🟡 Йил сарҳисоби Бир йил олдин худди шу куни йўқотишларим ва ютуқларимни қисқа рўйхат қилиб ёзган эканман. Энди ўйлаб кўрсам, сизнинг аввалги ютуқларингиз аслида ютуқ эмас, келажакдаги ютуқларингиз учун қадам бўлар экан. Бу йили жуда катта ўзгаришлар бўлмади, аммо баъзиларини айтиш барибир керак: ▪️ шахсий брендимни танитиш учун @Abduazim_uz каналини очдим; ▪️ яхши тасодиф билан Minim | Brand Design агентлигига йўлиқдим ва шу жамоа билан ишлашни бошладим; ▪️ бунинг ортидан яхши инсонлар билан танишдим, қизиқарли лойиҳалар билан ишладим, билмаганларимни ўргандим, билганларимни имкон қадар улашдим; ▪️ «Тўғри копирайтинг» муаллифлик курсим ўқувчилари сони 300 га етди; ▪️ Иқтисодиёт университети ўқувчиларига маҳорат дарси ўтиб бердим; ▪️ Alohida mavzu лойиҳасида суҳбатда қатнашдим; ▪️ Background лойиҳаси учун интервью бердим; ▪️ Korzinka ташкиллаштирган подкастга чақирилдим; ▪️ кучли янги смартфон олдим; ▪️ ўғил фарзандли бўлдим; ▪️ Samsung билан ишлашни бошладим; ▪️ ишларимнинг кўп қисмини ҳамкасбларим, шогирдларим ва ўқувчиларимга тақсимлаб бера бошладим ва натижада шахсий ҳаёт учун кўпроқ вақт ажрата олдим; ▪️ Ибраҳим Гулямов муаллифлигидаги "Бизнесдаги 99 хато ва уларга ечимлар" номли китобга бош муҳаррирлик қилдим (аслида, ўтган йилги иш); ▪️ Илҳом Бегимқуловнинг "Бизнес шпаргалкаси" номли китобига бош муҳаррирлик қилиш насиб этди; ▪️ "Финляндия таълим мўъжизаси" китобининг лотин алифбосидаги нашрига муҳаррирлик қилдим; ▪️ яна бир қанча катта ва кичик лойиҳалар учун копирайтинг, таржима, таҳрир ва таҳсис бўйича ҳамкорлик қилдим. Келаси йилга режалар катта, мақсадлар аниқ, қадамлар ҳозирдан бошланган, шунчаки ҳаракат қилиш керак. 2023 йилда сиз қандай ютуқларга эришдингиз?

Финляндия таълим мўъжизаси Бу китоб аввал кирилл алифбосида чиққанди, энди лотин алифбосида мен ва жамоам (6 киши) таҳрири остида чиқди. Тўғриси, бу иш осон кечмади. Кирилл алифбосидаги матнни тайёр конвертерлар орқали лотинга ўгириб қўйса бўлди-ку, бу жуда осон, дейдиганлар топилади. Аммо алифболардаги фарқлар, қоидалар тафовути биз ўйлагандан кўра кўпроқ. Масалан: • нуқтаи назар — nuqtayi nazar • 2000 йил — 2000-yil • тўғридан-тўғри — to‘g‘ridan to‘g‘ri • теккан — teggan • мўъжиза — mo‘jiza • қор ёққанда — qor yog‘ganda • объект — obyekt каби... Ундан ташқари, аввалги нашрлардаги хатолар имкон қадар тўғриланди, ғализликлар кетказилди, русча матн билан солиштирма таҳрир қилинди. Хуллас, таҳрир бўйича портфолиом яна битта китобга, миям эса педагогик билимларга бойиди. Барча ўқитувчи ва мураббийларга тавсия қиламан. Golden Books'га раҳмат. @Abduazim_uz

Ибраҳим Гулямовнинг "Бизнесдаги 99 хато ва уларга ечимлар" номли китоби ниҳоят дунё юзини кўрди. Бунда копирайтинг ва муҳаррирлик кўникмаларим билан оз бўлса-да ҳисса қўшганимдан хурсандман. Бир неча ой давомида мунтазам муаллиф билан кўришиб, китоб таркиби бўйича маълумотлар олдим. Мен учун алоҳида, индивидуал дарслар ўтилди, десам муболаға бўлмайди. Айтилганларни электрон қоғозга қораладим, кейин ўқирли кўринишга келтирдим. Китобни кўп мақтамайман. Бизнес эгалари учун зўр қўлланма, дейман холос. Ёзилиш услуби ҳам жуда содда — бадиий қочиримлар, тушунарсиз илмий терминлар, мавҳум тушунчалар ишлатилмаган, шунчаки халқбоп қилиб ёзилган. Муҳаррирнинг вазифаси — китобни ўқувчи учун ёқимли кўринишга келтириш. Аммо у ўзига эрк берса, аслиятдаги услуб йўқолади, муаллиф айтмоқчи бўлган маъно бузилади. Натижада ўқувчи муаллиф ва китоб ўртасидаги боғлиқликни кўролмайди. Содда қилиб айтсам, китобни бошқа одам ёзган, деган фикрга келади. Бизда эса муаллифнинг оҳанги имкон қадар сақлаб қолинди. @Abduazim_uz

Яна бир ўқувчимиз копирайтинг соҳасида илк қадамни қўйиб олдилар ва бирданига 100$ ли буюртмани муваффақиятли ёпдилар.

Sizdan-da yaxshi bilguvchi zot bor! Vaqtingiz bormi, boʻsh qoldingizmi ilmni olib qoʻyavering. Keyin ilm olishga vaqt boʻlmay qolishi mumkin. Bilasizlar, men anchadan beri sevib kuzatib keladigan blogim bor – Ilhom Salimovga qarashli. Va bir kuni kichik bir reklama joyladilar. Shunday edi(qisqacha): Siz ijodkormisiz, matnlar bilan ishlashni yoqtirasizmi va chiqisha olasizmi? Ha, mazmunan shunday edi. Va men qoldirilgan link boʻyicha bogʻlandim. Bir oylik stipendiyamni oʻsha kursga sarf etdim. Oradan bir necha oy oʻtdi, oʻsha soha boʻyicha shugʻullanishga biroz qoʻrqdim. Mijozlar bilan ishlash, ularga qanday muomalada boʻlish menga murakkabdek tuyulardi. Lekin men bu qoʻrquvlarni uloqtirdim-da, ustozim Abduazim Rustamxoʻjayev @xatoliklar bilan bogʻlandim. Bu jarayonlarga tayyorligimni ochiqladim. Kunlardan bir kun telegram eshigim taqilladi va maktub qoʻyib ketilgan. "Sizga buyurtma bor faqat shoshilinch". Soʻngra, albatta, uddalayman, shak-shubhasiz deya buyurtmani "bismillah"dan boshladim. Mijozning buyurtmasi deyarli tayyor lekin birdaniga ularga yuborishga qoʻrqdim. Va ustozimdan maslahat soʻradim. Kerakli tavsiyani oldim va qoʻshimcha ma'lumot olishim uchun @jaydari_kopirayter shu insonning manzilini berdilar. Ihim, ihim eng qaynoq joyi shu yerda🥲 Soʻngra mijoz aytgan buyurtmani men tayyorlaganimga umuman ishonmadilar. Hattoki juda qaynoq fikrlarni aytdilar va bu mehnatimga qiymat yuqori berganliklari uchun shunchaki men hayron qoldim. "Oʻzimni iqtidorimga quyi baho berib yurgan"ligimni angladim. Xullas mijozning buyurtmasini u kutganidan-da, a'lo qilib yubordim. U kompaniya ham xursand, haraktim va mehnatim mevasini olgan men ham xursand! Shunaqa, oʻzingizgni oʻzingiz toʻgʻri baholashni oʻrganing! Va ulkan maqsadlarni zabt etishdan qoʻrqmang. Allohimga bari oson. Siz niyat va harakat qiling. Qolgani Yaratgandan! Aytgancha, onam, ustozimga va mendagi energiyani toʻgʻri baholashga oʻrgatgan barchaga tashakkur! @gulmiras_blog

Босмахона бўйича ёрдам керак Бир китобни босиб чиқариш учун босмахоналардаги нарх-навони билишимиз керак эди. Обуначилар орасида босмахона ишига алоқадор кишилар бўлса, китобни босиб чиқариш нархларини билиб беришса, хурсанд бўлардик. Нарх ва сифат ўрганиб чиқилади, кейин маъқул келган босмахонада ўша китоб чоп этилади. Адади: 1000 ёки 2000 нусха Муқоваси: қалин ёки юпқа Бети: 208 Формати: A5 Қоғоз: офсет 70 ёки 80 г Мурожаат учун: @nuqtavergul

Бугун курсдош-дўстимнинг тўйи бўлди, расмга тушиш учун фотозонага борганимизда эътиборимни дарҳол кутубхона услубида безатилган хона тортди. Насиб бўлса, келажакда уйимда албатта китоблар учун алоҳида хона бўлади. @Abduazim_uz