Aqyl.oi

Бейсенбі мен Дүйсенбікүнінің оразасы жайында пайғамбарымыз (ﷺ) былай деген: ذَانِكَ يَوْمَانِ تُعْرَضُ فِيهِمَا الْأَعْمَالُ عَلَى رَبِّ الْعَالَمِينَ، فَأُحِبُّ أَنْ يُعْرَضَ عَمَلِي وَأَنَا صَائِمٌ. «Бұл екі күнде (әр аптаның дүйсенбісі мен бейсенбісінде) пенделердің амалдары барша әлемдердің Раббысы Аллаһқа көтеріледі. Сондықтан, менің амалдарым мен ораза болған күйде көтерілуін ұнатамын (қалаймын)». 📚 Нәсәи (2358), Ахмад (21753). Хадисті имам Альбани «хасан-сахих» деген.

Бүгін Исра және Миғраж түні Пайғамбарымыздың (ол кісіге Алланың игілігі мен сәлемі болсын) ең үлкен мұғжизаларының бірі де осы Ережеп айында орын алған. Ол жайлы айтылған мәшһүр Исра-Миғраж хадисі баршамызға белгілі. Исламдағы ең үлкен ғибадат, кіші миғраж – намаз да осы Миғраж оқиғасында парыз етілген. Дегенмен, Исра түнінде арнайы намаз оқу және басқа нәрселерді орындау дәлелсіз істер. Сондай-ақ осы күні, Һижреттің 583-жылы 27 Ражабында Саллахуддин Әюби Құдысқа жеңіспен кіріп, мұсылмандарға Алла елшісі (Алланың оған игілігі мен сәлемі болсын) Исра қылған Әқса мешітін қайтарды.

Таңертең тұрасың дала жапалақтап қар. Жүрек қағысы баяу, тіршілік тынышталған. Жаттығу залынан шыққаннан кейінгі сезімді тек сезіну керек… Жұманың таңы қайырлы болсын.

Атақ адамды мылтықсыз ақ мүлтіксіз өлтіреді.

Терең сырлы адамның жүрегінің түбіндегі қасиеті бір таңғажайып ой, сезімін тулатар ұлы сында ғана көзге түседі.

ҚУАНЫШ ПЕН ҚАЙҒЫ   Қалқам, өмір деген ұзақ сапар. Қуанышты болсаң, қалай өткеніңді білмей қаласың. Қайғылы жүрсең, қанша асықсаң да шетіне жете алмайсың. Қайғы деген жыландай ұзын келеді... Демек, өмір сүру көбіне адамның өзіне байланысты. Сен әлі жассың, жас адамға жастық өмір жарасады. Бұл дүниеде не кездеспейді. Ұзақ жолдың қуанышы да, қайғысы да аз емес. Қайғысына қарайлай берсең, қуанышына көзің түспейді. Қалқам, қайғылануыңды қой, жұрт қатарлы өмір сүр... 📚 І.Есенберлин “Ойлар, баяндамалар, күнделіктер, хаттар”

Таудан түсіп, шай ішіп, сосын баняға барып, ет жеп, ұйықтауды қалай айтады?

«Сүю» деген не ол? Ол — «жабысқан жерінде тас боп қатып қалу» деген сөз емес. Сүю екі жаққа бірдей. Оның шарты: «өзің сүйсең ғана сүйемін, сүймесең, зорламаймын!», «өмірдің сәні таразысының екі жағы да тең басуда. Бір жағы шоңқиып жерде жатқан, бір жағы көтеріліп аспанда жүрген өмір таразысының ешкімге қызығы жоқ. Осындай теңдестікті сақтау үшін, жігіт пен қыздың қай жағы болса да, «мен сені сүйдім, маған қосыла гөр!» деп екінші жағына жалбарына бермей, араларындағы алшақтыққа екі жағынан да бірдей жақындап, таразының тіліндей жерге жетіп, теңдесе қосылу керек. Өйтпесе, өмір теңдестігі де болмайды... Түсінікті ме, менің осы сөздерім? 📚 С.Мұқанов “Мөлдір махаббат”

Сүю - жүректің ісі. Менің саған, тек қана айтарым, орыста «дистанция» деген сөз бар, ол — екі нәрсенің арасындағы алшақтық, яғни, тұтасып кетпеушілік. Осы дистанция махаббат мәселесінде де керек сияқты, еркек пен әйел ғана емес, дос пен дос, әке мен бала... сияқты жақын адамдар да бір-біріне жапсырылып қалмай, араларында алшақтық ұстауға қажет сияқты, әйтпесе, адам өзінің «мендігін» жоғалтып алатын сияқты. Сенің де сөйтуің қажет қой деймін. 📚 С.Мұқанов “Мөлдір махаббат”