Daqiqa qadri

Alamli qo'shiq O‘zgani sevsang, sevgin, Men ham senga zormasman! Kel, yonimga, kela qol deb Chorlasang ham bormasman! O‘zi seni nega sevdim? Buncha bo‘lmasam ojiz. Go‘zalmassan, sen shunchaki Nayrang-makri ko‘proq qiz. Rostin aytsam arzimaysan, Na she’rim, na sevgimga. Men balandman! Qo‘ling etmas! Ketavergin tenging-la... Nima deding! Aslo, hech ham Ko‘zimdagi yosh emas. Yosh bo‘lsa ham sening uchun To‘kmayapman... Bo‘ldi... Bas... Ketgin endi. Sevmayman-ku, Meni qoldirgin yolg‘iz! Tugayapti sabrim... Tag‘in — Oyog‘ingga cho‘kmay tiz... ©Usmon Azim

Usmon Azim ijodidan

MEN O’ZIMNI YENGDIM Men o’zimni yengdim – seni unutdim. Yana bakor keldi kuchli irodam. Yana gul hayotga yuzimni tutdim, Yana el qatori odamman, odam. Ammo yo’l qo’ymayman unutishingga, Chekkan jabrim uchun tortgaysan jazo. Kechalar sharpadek kirib tushingga Eslataveraman men – Iqbol Mirzo. Kitob muqovasin eshikdek ochib, O’rnashib olaman fikru o’yingga. Qaygayam borarding zamondan qochib, Qo’shig’im bostirib kirar uyingga. Abadiy tirikdir shoir qarg’ishi, Men yutsam, seni deb iztirob yutdim. Alvido! Buyog’i xudoning ishi, Men o’zimni yengdim – seni unutdim https://t.me/daqiqa_uztv

Tengdoshini sevgan boʻlar teng tentak, Toʻyda bildim, ancha ekan deng tentak. Oʻsha kuni sal yigʻlabman men tentak... Tugunchagin tugib qoʻygan tayyor qiz, Yolgʻon yigʻlab, erga borar ayyor qiz. © Iqbol Mirzo "Ayyor qiz" 🫀

Bilmaysanmi? Bilaman — uyat, Andishani chetga suraman. Ishoning, yoʻq hech yomon niyat, Sizni yomon yaxshi koʻraman. ©Iqbol Mirzo "Yaxshi koʻraman" ❤️)))

* * * Yelkamga ortmoqlab dunyo dardini, Ming yillik yoʻllardan boraman oʻtib. Kimdir yutib-yutib izim gardini, Yerda qoqilmogʻim yotadi kutib! Doʻst niqobin kiygan dushman eng zoʻri, Tinmay sadoqatdan ichadi qasam! Oshiga tushgandek peshonam shoʻri, Na yursam yoqmayman, naki, yiqilsam! Birov boʻgʻzigacha tiqilib, tinmay, Bir nafas qizgʻanar menga havodan. Kimdir tavbalarim sanogʻin bilmay, Hato qilishimni soʻrar Xudodan! Badboʻy tumshugʻidan sachratib tupik, Kimlardir gunohim toʻkar betinim. Ichi tundan qaro yana bir shoʻrlik Menga oʻlim soʻrar Xaqdan oʻtinib! Men yana yoʻlimda etaman davom, Karvonim ortida itlar talatoʻp. Tirikman! Sababi, duoga qoʻl ochib mudom, Boshim omonligin soʻraganlar koʻp! Yelkamga ortmoqlab dunyo dardini, Ming yillik yoʻllardan boraman oʻtib. Kimdir yutib-yutib izim gardini, Yerda qoqilmogʻim yotadi kutib! Malika Tavfiq @Malika_Salimova_sheriyati

* * * Eshigimdan ramazon  aytib, Kelmasmilar iftorlik payti, Sogʻintirib, bir kuni  qaytib, Kelguningcha bormizmi omon?! Ketayapsan Mohi Ramazon. Mahviratlar imkoni eding, Tavbalarga tarovat boʻlding, YO shunchalar omonatmiding?! Kelmogʻi soz, ketmogʻi yomon, Ketayapsan Mohi Ramazon! Sabr ila  shukr timsoli, Islom dinin ajib hiloli, Yeldek uchib oʻtgan misoli, Moʻminlarni qoldirib giryon, Ketayapsan Mohi Ramazon! Hammadan ham goʻzal mehmonim, Birdek suyuk yaxshi-yomonim, Omonatim, farahli onim, Chayqaladi zalvorli  zamon, Ketayapsan Mohi Ramazon. Vidolashuv fursatin boshlab, Roʻzadorlar koʻzlarin yoshlab, Oʻn bir oyga bizlarni tashlab, Ketayapsan Mohi Ramazon, Yana senga yetaylik omon! Malika Tavfiq

#86 Qadimgi ko'rinish yoqimli bo'lishi mumkin, qadimgi bo'lish esa fojeali. Ajdodlar bilan faxrlanish mumkin, ammo maqtanish emas. ©ketmoq

* * * Sen ketsang hech narsa oʻzgarmas balki, Balki bahorlarim kelmas kechikib. Faqat bir nomi yoʻq hastalik bilan, Ogʻrib qolaman men senga ichikib. Sen ketsang hech narsa oʻzgarmas balki, Sariq toʻn kiyadi kuzgi bogʻlarim. Faqat biron kimga koʻrinmaydida, Hasta yurakdagi qora dogʻlarim. Sen ketsang hech narsa oʻzgarmas balki, Yomgʻir ovoziga qoʻshilaman joʻr. Lekin bir borgina yodinga olsang, Ismingni labimda titramogʻin koʻr. Sen ketsang hech narsa oʻzgarmas balki, Balki baxt barq urar kulgularimda, Ammo hali hanuz umid tusi bor, Sendan qolib ketgan tuygʻularimda. Sen ketsang hech narsa oʻzgarmas balki, Olov yongan yerda qolar kul, qurm. Balki yana yuz yil yurarman tirik, Balki oʻsha kuni tugaydi umrim. Malika Tavfiq