مشعات•

كان بنفسي انزلكم منشور حاالي بس تفااعلكم مايسمحش لي

قبل شويه جاء واحد شحات لا عندي قال صدقه ياخي اشتري لي شاهي طبعاً اخوكم كريم يحب الخير للناس اديت له الخمسين ذي في جيبي شافها في يده ولفت لاعندي وقال ماهو هذا او بين اشحت من ابوك ورجمها لا وجهي ..!! #شحات_زنووه

- ايش اللي تحقق من حلمك ي مطيرف ؟ ولا شي ، كملت اصلي جمعة وسرت المطعم اشتري الدجاجه الذي رئيتها في المنام ! ولوما وصلت البيت مكنت امي الدجاجه وهي رجمتها لاوجهي وقالت ردها يامركبه قد اشترى لنا اخوك !! " #طيب_وينهي_أم_مريم_اشتي_ابسرها💔

تفاعلكم مبخس جدن هذه اليومتين اتفاعلو حرام ماتخسرو شي

امس حلمت اننا مزوج وقد معي بنت اسمها مريم ! " اتصلو لي من البيت قالو يشتو حبه دجاج شوايه قلت تمام ولوما وصلت البيت بسرتني بنتي مريم وانا بين ادخل الدجاجه للمطبخ بعدا قربوا الغداء ونتغداء ومريم قالت لأبي ياجد ابسر محلا الدجاجه الذي اداها باباه وبتبسرني هكذا😌 شويه وبتقول لأخي خليل هو بابا الذي جاب الدجاجه مشو ابوك وبعدا قالت لأخي محمد كيف طعم الدجاجه ياعمو ؟ قال محمد حاليه قالت هيا احمد الله هو ابي صالح الذي اشتراها " امانه انها شبعتهم حياه ، وانا ابهرر فوقها وابي كان يضحك وقلها الله يستر بس لو عاد يدي ابوش حبحب كيف عتفعلي بنا ؟! شكلش عتخلينا ناكل البذور حقها ..!!

ايش قصة التفاعل اليوم ولا حينهو خميس؟ افتوني ياقوم @ic_a_bot

امس سرنا مع صديق نخطب له وأبوها رفض قال هذا عيتعب بنتي ما بيخزنش للسلة ..!!

سيرو عند بشار بيوزع وزف

مهما كانت المغريات .. مهما كانت الدهدهه انتبه تخرج تسمر عند الخبرة وما شليت السيارة وراكن على صاحبك يضويك هنا اخترت اخس أنواع الحرب النفسية بالذات لو صاحبك من النوع الذي يصلب ما يضوي إلا بعد حدوث زلازل وبراكين أو حدوث ضرر مُحدق ! وعادوه ممكن يريع لما يجو فرق الإنقاذ يجي وقدك شابع قات وتشتي تضوي وهو عادو بيفتح مجابر ومشاريع كلها وهمية تلمح له .. تغمز له .. تريع له يشترغ تقله قد الساعه ١٢ طيب اليوم خميس قدو وقت نضوي !! وهو جالس يتحدث عن كرستيانو كيف هدف أربعة أهداف طيب كرستيانو به معه من يروحه بعد المباراة انا ايش وضعي .. سيارتي في البيت ! طيب كرستيانو .. جورجينا ما بتقله اشتري معك روتي لما تضوي ما بتدحسه رسايل وين قدك ؟! طيب صاحب البيت قد بيلمح لك ترحلك قد دخل وخرج أربع مرات والأخيرة ماعد رجعش قد له ساعتين " انا قلقت الصدق لا يجي وقد بيحلف لها يمين انو مشو هو الذي عزمنا هل سأضوي الليلة ؟! حقاً لا أعلم ..!!

فكو الكتم ع القناه لأن التفاعل والمشاهدات ضعيفه سمعوني تم يافخمين | @ic_a_bot