📡 រដ្ឋបាលស្រុកកំពង់ត្រឡាច (Channel)

នៅព្រឹកថ្ងៃព្រហស្បតិ៍ ២រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ រដ្ឋបាលស្រុក បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកកំពង់ត្រឡាច លើកទី១ អាណត្តិទី៤ ឆ្នាំ២០២៤ សម្រាប់ ៣ឃុំ (ឃុំច្រេស, ឃុំកំពង់ត្រឡាច និង ឃុំអំពិលទឹក) នៅក្នុងបរិវេណសាលាឃុំច្រេស ឃុំ ស្រុកកំពង់ត្រឡាច ខេត្តកំពង់ឆ្នាំង ក្រោមអធិបតីភាព លោក ហ៊ុល ច័ន្ទថូ ប្រធានក្រុមប្រឹក្សាស្រុក និងលោក អាំ សុគន្ធ អភិបាលរងស្រុក តំណាងដ៏ខ្ពង់ខ្ពស់លោក វន ស៊ីផា អភិបាល នៃគណ:អភិបាលស្រុកកំពង់ត្រឡាច។ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុកនាពេលព្រឹកនេះ មានអ្នកចូលរួមសរុបចំនួន ២០៨ នាក់ ស្រី ៤១ នាក់ ដែលក្នុងនោះមានតំណាងប្រជាពលរដ្ឋចូលរួមចំនួន ៣០ នាក់ ស្រី  ៨ នាក់។ អង្គវេទិកាត្រូវបានរៀបចំឡើងដោយបានអនុវត្តនូវគោលការណ៍សុវត្ថិភាពតាមការណែនាំរបស់ក្រសួងសុខាភិបាល និងប្រព្រឹត្តទៅដោយរលូន ព្រមទាំងសម្រេចបានលទ្ធផលដូចខាងក្រោម៖ ១- ទទួលបានបញ្ហា និងសំណូមពរដោយផ្ទាល់មាត់ និងសរសេរជាលាយល័ក្ខអក្សរចំនួន ៣៧ ករណី÷ - ស្នើសុំតភ្លើង និងដកបង្គោលភ្លើង ចំនួន  ២ ករណី -សេវរដ្ឋបាលសាធារណ:(កាត់បន្ថយឯកសារធ្វើប្លង់ដី ជួយពន្លឿនការរធ្វើសេចក្តីចម្លង និងការកែតម្រូវអត្រានុកូលដ្ឋាន, សុំដំឡើងប្រាក់ខែអ្នកស្ម័គ្រចិត្តសុខភាពភូមិ ) ចំនួន ៩ករណី -បរិស្ថានចំនួន ២ករណី -សន្តិសុខ សណ្ដាប់ធ្នាប់ចំនួន ២ករណី -បញ្ហាដីធ្លី ចំនួន ២ករណី។ -សំណើសុំស្ពាន និងសម្រាលស្ពានបាឡេ ៦ ករណី។ - សំណើសុំផ្លូវ និងជួសជុលគ្រួសក្រហម ,ផ្លូវកៅស៊ូ ចំនួន ៩ករណី - សំណើសុំស្ដារប្រឡាយ និងស្ដាយព្រែកចំនួន ៣ ករណី។ - ការងារជលផល និងបទល្មើសនេសាទ ចំនួន ២ករណី។ ក្រុមការងារបានទទួលយកសំណួរ សំណើ និងសំណូមពរ ក្តីកង្វល់របស់ប្រជាពលរដ្ឋដើម្បីបន្តពិនិត្យ និងដោះស្រាយ។ ២- វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក ក៏បានបែងចែកក្រុមពិភាក្សា ៣ ក្រុម ដោយបានពិភាក្សាផ្លាស់ប្តូរមតិយោបល់គ្នាយ៉ាងសកម្ម និងផុសផុល ដែលក្រុមទី១ ពិភាក្សាប្រធានបទស្តីពីការងារភូមិឃុំមានសុវត្ថិភាព, ក្រុមទី២ ពិគាក្សាលើកការងារបរិស្ថាន និងអនាម័យជនបទ, និងក្រុមទី៣ ពិភាក្សាប្រធានបទស្តីពីការងារផ្តល់សេវាសាធារណ: ៕