Buxgalter | Live

Пул оқимлари тўғрисидаги ҳисобот #мулоҳаза Баланс ҳисоботидан ташқари яна икки муҳим ҳисобот мавжуд. Бири молиявий натижалар тўғрисида, иккинчиси пул оқимлари тўғрисида. Бугун пул оқимлари тўғрисида гаплашамиз. Халқаро амалиётга кўра барча ижтимоий аҳамиятга эга компаниялар фойдаланувчиларга ушбу молиявий ҳисоботларни тақдим этади. Хўш, бу молиявий ҳисоботлар қаердан келиб чиқади? Келинг, бухгалтерия тенгламасига қайтайлик. Активлар мажбуриятлар ва мулкдорларнинг капиталига тенг. Тенгламанинг чап томони, активлар томони, бир қатор актив счётларидан, яъни товар-моддий захиралар, инвестициялар, асбоб-ускуналар, ер ва пулдан иборат.

Пул оқимлари тўғрисидаги ҳисобот - бу муайян вақт даври мобайнида пул ҳисобварағига кириб-чиқадиган пул оқимларининг батафсил таҳлилидир. Бу киримлар ва чиқимларни уч хил мантиқий фаолият турларига бўлиш мумкин: 1️⃣ Операцион фаолият - бизнесда ҳар куни содир бўладиган ходисаларни билдиради. Масалан, харидорлардан пул келиб тушиши, етказиб берувчиларга ёки ишчиларга пул маблағлари тўланиши. 2️⃣ Инвестиция фаолияти - бизнеснинг ишлаб чиқариш қувватига таъсир қиладиган операциялар, масалан, бино сотиб олиш ёки сотиш. 3️⃣ Молиявий фаолият – компания ўз фаолиятини қандай молиялаштирганлигини кўрсатади. Масалан, пул қарз олиш ва қайтариш, акцияларни сотиш ва сотиб олиш.

Бу хисоботга яна батафсил қайтамиз. Ҳозирча, пул оқимлари тўғрисидаги ҳисобот муайян вақт давомида пул ҳисобварағига киримлар ва чиқимларнинг таҳлили эканлигини англаб етинг. Бухгалтерия балансининг чап томони Сизга активларнинг барчасини муайян санага қолдиғини кўрсатган бўлса, ўша балансдан пул маблағларини оламиз ва давр учун батафсил тахлил қилсак, бу пул оқимлари тўғрисидаги ҳисобот бўлади. Пул бу бизнеснинг энг ликвид активидир. Уни харакатини кузатиш ҳар бир фойдаланувчи учун муҳим сигналларни беради. Пул оқимлари тўғрисидаги ҳисобот формати МҲХС фонди томонидан қайта кўриб чиқилмоқда. Тез орада ушбу ҳисоботни янги кўринишда тайёрлаш талаби киритилса, ажаб эмас. @auditor_team

Ишдан бўшатиш нафақаси миқдори. Ишдан бўшатиш нафақасининг миқдори мазкур иш берувчидаги иш стажига боғлиқ бўлади ва у: 3 йилгача иш стажига эга бўлган ходимлар учун — ўртача ойлик иш ҳақининг 50 фоизидан; 3 йилдан 5 йилгача иш стажига эга бўлган ходимлар учун — ўртача ойлик иш ҳақининг 75 фоизидан; 5 йилдан 10 йилгача иш стажига эга бўлган ходимлар учун — ўртача ойлик иш ҳақининг 100 фоизидан; 10 йилдан 15 йилгача иш стажига эга бўлган ходимлар учун — ўртача ойлик иш ҳақининг 150 фоизидан; 15 йилдан ортиқ иш стажига эга бўлган ходимлар учун — ўртача ойлик иш ҳақининг 200 фоизидан кам бўлиши мумкин эмас. (МК, 173-модда). Қандай ҳолларда ушбу нафақа тўланиши Меҳнат кодексининг 173-моддаси, 2-қисмида келтирилган.

Мияси майда-чуйда орзуларга тўла одамлар билан узоқ суҳбат қурманг. Улар сизнинг катта орзу-мақсадларингизни чўктиради. Ҳаётдан аламзада ва норози инсонлар билан мулоқот қилманг. Ундайлар сизнинг ҳаётга бўлган қизиқишингизни, умидингизни сўндиради. Жуда ҳам эҳтиёткор ва қўрқоқларни фикрларига қулоқ солманг. Улар туфайли таваккалга қўл уролмайсиз. Дангаса, ишёқмаслар билан дўстлашманг. Акс ҳолда сизнинг миянгиз ҳам уларникига ўхшаб ҳаётда ўсиш учун имкониятлар эмас, кўпроқ ухлаш учун сабаблар излай бошлайди. Катта орзулар қилинг, мақсадлар қўйинг. Унга етиш режасини тузинг ва бу йўлда сиз билан елкама-елка муаммоларингизни ҳал қилувчи, қувончингизга шерик бўлувчи дўстлар орттиринг! Manba © Buxgalter | Live

Muvaffaqiyatli insonning sakkizta fazilati ↪️ Tashqi ko'rinish ↪️ Bilim ↪️ Halollik ↪️ Qiyinchilikdan qoʻrqmaslik ↪️ Xushmuomalalik ↪️ Qat'iyat ↪️ Intizom ↪️ Tez qaror qabul qilish © Buxgalter | Live

Elektron do'kondagi xaridlar qanday amalga oshiriladi? Son jihatidan eng ko'p amalga oshiriladigan davlat xaridi turi elektron do'kon hisoblanadi.

💡 Elektron do‘kon — davlat xaridlarining elektron tizimidagi maxsus maydonda savdolarni elektron shaklda amalga oshirishni nazarda tutuvchi, maxsus talablar qo‘yilmaydigan tovarlarning (ishlarning, xizmatlarning) davlat xaridlarini amalga oshirishning raqobatli usuli.

Elektron do‘konda: 📌Korporativ buyurtmachilar uchun bir shartnoma bo‘yicha: BHMning 25.000 baravarigacha qiymatdagi tovarlarning; BHMning 100 baravarigacha qiymatdagi ishlarning, xizmatlarning davlat xaridlari amalga oshirilishi mumkin. 📌Budjet buyurtmachilar uchun bir shartnoma bo‘yicha: BHMning 2.500 baravarigacha qiymatdagi tovarlarning; BHMning 50 baravarigacha qiymatdagi ishlarning, xizmatlarning davlat xaridlari amalga oshirilishi mumkin. (O'RQ-684. 49-modda) ❗️Elektron do‘kon orqali budjet buyurtmachisi tomonidan ayni bir turdagi tovarlarning davlat xaridi bir moliya yili davomida BHMning 10.000 baravarigacha amalga oshirilishi mumkin. ❗️Elektron do‘kon orqali budjet buyurtmachisi tomonidan ayni bir turdagi ishlarning, xizmatlarning davlat xaridi bir moliya yili davomida BHMning 500 baravarigacha (korporativ buyurtmachilar uchun BHMning 1.000 baravarigacha) amalga oshirilishi mumkin. 💻 Elektron do'konda narxlar so'rovi mexanizmi orqali davlat xaridi amalga oshiriladi. 1. Davlat buyurtmachisi o'ziga kerakli tovarni tanlaydi. 2. Shu vaqtning o'zida xuddi shunday xarakteristikadagi tovarlarni yetkazib bera oladigan boshqa korxonalarga narx so'rovi bo'yicha taklif yuboriladi. 3. Bu taklif 48 soat mobaynida amal qiladi. 48 soat ichida korxonalar ushbu tovar bo'yicha narx taklifini beradi. 4. Eng past narx taklif qilgan korxona g'olib bo'ladi hamda davlat buyurtmachisi va shu korxona o'rtasida avtomatik ravishda elektron shartnoma tuziladi. © Buxgalter | Live

❗️Dollar kursi 12 800 so'mdan oshdi. Tijorat banklarida AQSh dollarining sotuv kursi 12 800 so'mgacha ko'tarildi. ⏺Yil oxirigacha kursning taxmin qilingan 13 000 so'mdan oshishi haqiqatga aylanib bormoqda. © Buxgalter | Live

Davlat xaridlari nima va u qanday tartibda amalga oshiriladi? Davlat xaridlari 22.04.2021 yildagi O'RQ-684 sonli Qonun asosida tartibga solinadi.

💡 Davlat xaridlari — davlat buyurtmachilarining tovarlarga (ishlarga, xizmatlarga) bo‘lgan ehtiyojlarini pulli asosda ta’minlash jarayonidir. (Qonunning 3-moddasi)

Davlat xaridlarida davlat buyurtmachilari deganda quyidagi tashkilotlar tushunilishi kerak: 1️⃣ Budjet buyurtmachilari;

✏️ Quyidagilar budjet buyurtmachilari hisoblanadi: - davlat organlari va muassasalari; - budjet tashkilotlari; - xarid qilish tartib-taomillarini amalga oshirish uchun yo'naltiriladigan budjet mablag'larini oluvchilar; - davlat maqsadli jamg'armalari; - budjet tashkilotlarining budjet tashqari jamg'armalari.

2️⃣ Korporativ buyurtmachilar.

✏️ Quyidagilar korporativ buyurtmachilar hisoblanadi: - davlat korxonalari; - ustav fondida davlat ulushi 50 foiz va undan ortiq bo‘lgan yuridik shaxslar; - ustav fondida budjet tashkilotlari va davlat maqsadli jamg'armalarining ulushi jami 50 foiz va undan ortiq bo‘lgan yuridik shaxslar.

❗️Yuqorida ko'rsatib o'tilgan tashkilotlar har qanday tovar, ish va xizmatlarni aynan davlat xaridlarida belgilangan tartib-taomillar asosida sotib olishi kerak. 💻 Davlat xaridlari maxsus elektron platformalarda o'tkaziladi (xarid.uzex.uz, xt-xarid.uz, etender.uzex.uz kabi). Davlat xaridlarining quyidagi turlari mavjud: 1️⃣ Elektron do'kon; 2️⃣ Auksion; 3️⃣ Eng yaxshi taklif; 4️⃣ Tender; 5️⃣ To'g'ridan-to'g'ri shartnomalar. © Buxgalter | Live

Chrome Dino ni o'ynab ko'rmagan odam bo'lmasa kerak. Memga esa 10 dan 1000 ball ) © Buxgalter | Live

#иқтибос Вақт энг қиммат ресурс. Уни ўз балансингизга ололмайсиз. Чунки назорат Сизнинг ихтиёрингизда эмас... Manba © Buxgalter | Live

Сиз қандай бошлиқ билан ишлаяпсиз? Сидней Финкелштейннинг “Супербошлиқлар” китобида бошлиқларнинг турлари ҳақида жуда қизиқарли маълумотлар берилган, унга кўра бошлиқлар уч турга бўлинар экан. 1. Bossy - бундай бошлиқлар сизга ҳеч нарса ўргатмайди, қарорларни фақат ўзи қабул қилади, сиз фақатгина бўйруқ бажарасиз, бундай бошлиқлар қўлида сиз қулдай ҳаракатланасиз, олдида ўзингизни эркин ҳис қилмайсиз, қандайдир ички хавотир бўлади. Имкон борича бундай бошлиқнинг кўзига кўриниб қолмайин деб юрасиз. Бундай бошлиқлар сиз улардан кетиб бизнес бошламоқчи бўлсангиз, имкон борича сизга ҳалақит беради. Бундай бошлиқлар қўлида ўсиш деярли имконсиз. 2. Normal Boss - бундай бошлиқлар сизга кўп нарсани ўргатади, лекин қарор қабул қилишга йўл бермайди, сўнгги қарорлар барибир уники бўлади, сизни хато қилишингизга йўл қўймайди, хато қилиб қўйсангиз, жуда қаттиқ жазолайди. Бундай бошлиқлар сизни улардан кетиб қолиб ўз бизнесингизни бошлашингиздан ҳадиксираб туришади. Бундай бошлиқлар қўлида ўсишнинг имкони бор, аммо жуда узоқ йиллар кетади. 3. Super boss - бундай бошлиқлар сизга кўп нарса ўргатади, агар ўзида сизга ўргатиш учун илм етарли бўлмаса, ташқаридан одам ёллаб бўлса ҳам ўргатади, бундай бошлиқлар барча ишда сизга кўмакчи бўлиб охирги қарор чиқаришни ўзингизга қўйиб қўяди. Қарорингиз хато бўлиши мумкинлигидан асло қўрқишмайди, бундай бошлиқлар ҳеч нарсани йўқотишдан қўрқишмаслиги билан хавфли ҳисобланишади. Улар сизни ҳар қанақа ҳолатда ҳам ўсишингиз тарафдори бўлишади. Агар улардан кетиб бизнес бошламоқчи бўлсангиз, биринчи бўлиб ўзи ёрдамлашади. Бундай бошлиқлардан шунчаки узилиб кетиш жуда қийин. Бундай бошлиқлар билан сиз ўз чегараларингизни бузиб ташлайсиз, ўзингизга ишончингиз ортиб кетади ва ўсасиз. Энди бошлиқ бўлсангиз, сиз қандай бошлиқман деб ўйлайсиз? Агар бошлиғингиз бўлса, у қандай бошлиқ? Шу ҳақида бир фикрлаб кўринг-чи. Manba. © Buxgalter | Live