Xurshid Abdurashid

Набоков Достоевскийни дидсизликда айблаган Владимир Набоков нафақат китоб ёзган, балки Америкадаги университетда дарс ҳам берган. У 20 йил давомида талабаларга рус адабиётидан маъруза ўқиган. Достоевскийнинг ижодий мероси ҳақида гап кетганда, Набоков: “Достоевский буюк ёзувчи эмас, аксинча, ўртамиёна адиб”, деган эди. Набоков уни дидсизликда, "Фрейдча комплексга эга қалбларни тинимсиз тафтиш этишда" айблади. У Достоевскийнинг биргина "Қиёфадош" қиссасини севиб ўқиган. Адибнинг қолган ҳамма ёзганлари, Набоковнинг фикрича, эътиборга лойиқ эмас эди. У “Жиноят ва жазо” ҳақида шундай деб ёзади: “Мен бундан 45 йил аввал, “Жиноят ва жазо”ни биринчи марта ўқиганимда 12 ёшда эдим, ўшанда бу китоб кучли ва таъсирчан китоб деб ўйладим. 19 ёшимда эса уни қайта ўқиб чиқдим ва бу романни ҳаддан ташқари узун, зерикарли, чидаб бўлмас даражада сентиментал ва жуда ёмон ёзилганлигини тушуниб етдим". 👉 @xurshidabdurashid

“Kitob o‘qiyotgan qiz” Muallif: Xurshid Abdurashid O‘qidi: Gulruxsor Tohirjonova Mobilograf: Yunus Tadjimov 👉 @xurshidabdurashid

Толстой “Уруш ва тинчлик” романида қаҳрамонларга қариндошларини прототип қилган. Ёзувчи илк бор 1864 йилда Москвадаги қариндош-уруғларига романидан парчалар ўқиб беради. Қариндошлари қаҳрамонлар билан ўзлари ўртасида яққол ўхшашликларни сезиб ҳайрон бўлишади. Кўп образ қатнашган роман учун бундай бўлиши табиий. Бу жиҳат романга ҳаётийлик бағишлайди. Маълумот учун, “Уруш ва тинчлик” романида жами 559 та образ мавжуд. Толстойнинг бир қанча қариндошлари, шу жумладан, узоқ қариндоши княз Сергей Волконский ҳам асар қаҳрамони бўлмиш княз Болконскийга ўхшаб, Наполеонга қарши урушларда қатнашган. Фамилиянинг ўхшашлиги ҳам буни тасдиқлайди.  Адабиётшунос Бартлеттнинг фикрича, ушбу ҳолат Толстой ижоди учун янгилик эмас. “Ёзувчилик фаолияти давомида Толстой ижодий материал яратишда ўз оиласи тарихидан унумли фойдаланган”, деб ёзади у. 👉 @xurshidabdurashid

Мансур Жумаев шеърлари жимжималикдан, пафосдан, бақир-чақирдан холи сокин ва нафис шеърият. Бу шеърлар худди ўрта асрларда қурилган меъморий обидаларга солинган нақшлар каби. Диққат билан қарасангиз, нақшларнинг ўта аниқ математик ҳисоб-китоб билан солинганини кўрасиз. Ҳам чиройли, ҳам бағоят пухта. Мансур Жума шеърлари ҳам шундай. Сўзлар ўша нақшлар каби: ҳам чиройли, ҳам ўз ўрнида пишиқ ишлатилган. Жой-жойига тушган! Шоир бугун урф бўлган мавҳум ташбеҳлар "кортеж"и изидан қувмайди. Айтмоқчи бўлаётган гапини ўзи англайди, шеърдаги ҳар бир сўзнинг таржимаи ҳолидан бохабар ва маъносини билиб қўллайди. “Ҳайрат қўшиқлари” китоби чиққанига 2 йилдан ошди. Шу кунларда шоирнинг янги китоби – “Ҳазрати ишқ” номли учинчи шеърий тўплами нашрдан чиқибди. Қутлуғ бўлсин.

Қадрдонлар, овоздан ёрдам қилинглар илтимос. Шу линк орқали ўтиб, битта лайк босиб қўйсанглар соз бўларди: https://t.me/oyinauz/17292

ОҚИБАТ Майли, йиғиштиринг нарса-қарони... Извош ортга чизар илон изларин. Алплардай очамиз бир кун орани: Томоша қўямиз ҳали, дўстларим! Биз, кино қўямиз ҳали, инонинг! Бу кўзлар, бу сўзлар – гарчи авомдир... Келган ери эсда қолсин кинонинг, Биз қайтгач портлаши тайин... давоми! Биз, тағин саҳнада ҳунар кўрсатиб, Ҳуққабоз мисоли ярақлагаймиз Ва шовқин-суронда мумни ишлатиб, Сукунат пайтида тарақлагаймиз. Сарбоздай келади ўктамлик гали – Ўша он! – Навбатдан ташқари навбат. Биз, кино қўямиз, дўстларим, ҳали! Томоша қўямиз, қўямиз, албат! @Alibek_Anvariy июл 2024 й.

Кеча “Мутолаа” лойиҳаси доирасида Абдулла Қаҳҳорнинг “Даҳшат” ҳикояси асосида ишланган “Унсин” қисқа метражли фильмининг тақдимоти бўлиб ўтди. Фильмни ёш режиссёр дўстимиз Шоҳрух Норқулов суратга олган. Сценарий муаллифи ҳам бегона эмас, Жавлон Жовлиев. Бу ҳикояни деярли ҳар бир ўзбек китобхони ўқиган. Бир пайтлар мактаб дарсликларидан тушмайдиган, қўрқинчли, ваҳимали ҳикоя. Асарнинг экран талқини анча таъсирли ва самимий чиқибди. Ёш жамоа ғайрат билан ишлагани кўриниб турибди. Яхши топилмалар (хусусан, фильмнинг пролог ва эпилог қисмида) бор. Кино тилини унчалик ҳам тушунавермайман, кадрлар, чироқ, режиссура... Аммо 17 дақиқалик кинони киприк қоқмасдан кўрдим. Ёд бўлиб кетган сюжетни режиссёрнинг нигоҳи билан томоша қилдим. Баҳони томошабинлар беради. Асосийси, режиссёр ва унинг жамоасини илк дебют иши билан қутлайман. Кейинги ижодий йўлида янаям тўкислик, омад ва ғайрат тилайман. Фильмни мана бу ҳавола орқали кўриш мумкин: https://youtu.be/kVP00e6i-T4?si=Nq36KJW_o_GVJPFB

Бугун шоир жўрам, бутун шахс ва универсал ижодкор Хуршид Абдурашиднинг тувилди куни! ТУРКИЙ ҚЎШИҚ Туркий юрагим бор, туркий шуурим, Ҳатто руҳим туркий, ўзга шоним йўқ. Мушт бўлиб тугилган қўлларим туркий, Водариғ, биргина Туркистоним йўқ. Лаҳжамда туркийлар нафаси бордир, Шу ғурур вужудим тахтига эга. Ошиқ бўлса нетай, қул ўлса нетай, Қалбим қадим туркнинг туркуларига. Бас... Умрим йўлига тавалло не наф, Қисмат битиги шул... Сачраган қонман! Туркистоним маним, минг йиллик шоним, Истагингда ўлмиш туркий исёнман! https://t.me/Najmiddin_Ermatov

Ва бир ҳикмат: Қочган қуённинг орқасидан қувлаб етолмагани учун овчи ўз итидан койинганда, ит: – Нафс учун қувлаш билан, ҳаёт учун қочишнинг ўртасида етиб бўлмас узоқлик бор, – деб жавоб берган экан.