Муҳрим

Сергелида 2015 йилда туғилган қиз йўл-транспорт ҳодисаси қурбони бўлди. Юқоридаги кадрда – айнан ЙТҲ юз берган вақт, ҳолат: BYD (марказда) автобусдан тушиб, йўлни кесиб ўтаётган қизалоқни уриб юборган. Ҳа, автобуснинг олд томонидан чиқиб келмаслиги керак эди. Бизга ҳам мактабда доим уқтиришарди: “Автобуснинг олдидан, трамвайнинг ортидан ўтма”, деб. Мен мактабни битирганимга 19 йил бўлди – ҳозир мактабларда ҳеч бўлмаса “Автобуснинг олдидан ўтма!”, дейиладими-йўқми, билмадим. Лекин аслида бу гап – Ўзбекистон каби ЙТҲларда болалар кўп ҳалок бўладиган мамлакатда – тинимсиз айтилиши, онгостига сингиб кетиши керак. Ëши биздан каттароқ танишларимиз ҳам айтяпти: “Авваллари ҳатто автобусларнинг ичига ҳам ёзиб қўйиларди, “Автобусдан тушгач, орқа томонидан ўтинг”, деб”. Вазият шу даражага етиб бориши керакки, автобуснинг олдидан ўтаётган кишиларни кўрганида шу автобус ҳайдовчисининг ўзи ҳам уларни ортга қайтишга мажбур қилсин; вазият шу даражага етиб бориши керакки, масалан, автобуснинг олд эшигидан пул тўлаб чиқиб, орқа эшикларидан эмин-эркин тушиб кетиш ва ўз-ўзидан автобуснинг орқа томонидан ўтиб йўлни кесиб ўтиш каби примитив одатлар шакллансин. Автобус бекатларининг алоҳида, платформали (масалан, ҳеч бўлмаса Дархондаги “ФҲДË бекати”дагидек) бўлиши ҳам, балки, Сергелидаги каби ЙТҲлар эҳтимолини камайтирар. Бахтга қарши, айнан шу ЙТҲ юз берган жойда автобус бекатлари ҳам бўлмаган. Яъни, автобус ўнг тарафдаги маҳаллага кириб кетиш имконини берадиган темирйўл устида ўтган зиналар олдида худди “маршрутка”дек навбатма-навбат ўқувчиларни тушириб кетаётган бўлган. Ўша жойда автобуслар ҳар доим шундай қилса керак – тўлақонли, йўловчилар хавфсизлигини ҳам таъминлайдиган бекат ўрнатиш вақти келганидан даракдир бу, балки. Ва, энг муҳим жиҳат. Кадрнинг юқори чап бурчагига эътибор беринг – бу кадр қизалоқни уриб юборган BYD’нинг ортидан келаётган машинадан олинган. Ўша “оператор”-машинанинг тезлиги ЙТҲ юз берган вақтда соатига 73 км бўлган. BYD эса уни тезда қувиб ўтиб, сўнг... қизалоқни уриб юборган. Майли, қизалоқ йўл қоидасини бузибди, лекин BYD’нинг тезлиги шаҳар ичидаги чеклов доирасида – соатига 60 км бўлганида эди, эҳтимол, қизалоқнинг ҳаётини сақлаб қолиш мумкин бўларди. Менимча, бу вазиятда автобуснинг олдидан ўтмаслик қоидасини бузиш эмас, кўпроқ тезлик чекловига риоя қилмаслик бир бола ўлимига сабаб бўлган. Шундай катта трасса қуриб, унга тезликни назорат қиладиган воситаларни ўрнатмаган ёки ўрнатилиши ва ишлашини таъминламаган, бу ҳаракатсизлиги билан ҳайдовчиларнинг “босиб юришлари”ни рағбатлантирган каслар ҳам бу қизчанинг ўлимида ўзини айбдор ҳис қилиши керак. Қани энди қонун ва замон кўтарса, имкон бўлсаю, шуларнинг ҳаммасини бирга суд қилсанг. Ва яна бир гап – шаҳарда тезлик чеклови соатига 50 кмгача пасайтирилиши керак.

Фарҳод акам Калгари йўлларидаги жой номлари нотўғри ёзилган лавҳаларни тузатилишига ҳисса қўшиб, нафақат интернетда машҳур бўлибди, шу билан бирга телевизорга ҳам чиқиб кетибди (Канадада ҳамма нарса ҳаддан ташқари тўғрилигига ҳаёт шу қадар зерикарли бўлиб кетганми, билмадим, интернетда 600 та лайк йиққан одамни ҳам телевизорга мавзу қилиб олиб чиқаверишаркан). Лекин Канадада нафақат жой номлари, балки умуман номлар, исмларни нотўғри ёзиш сурункали касаллик, шекилли. “Мана, калгарилик Фарҳод шаҳримиз имлосига зўр ҳисса қўшди”, деб лавҳа тайёрлашибди-ю, лекин якунда барибир Фарҳод аканинг фамилиясини титрда хато (аниқроғи, чала) ёзворишибди.

Бош прокуратура вакилининг маълум қилишича, Бойсундаги газ қудуғида кеча, 17 сентябрь куни юз берган такрорий авария оқибатида камида 2 киши ҳалок бўлган: https://t.me/gazetauz_uzb/37319 Бугун ҳодиса жойидаги вазият юзасидан Бойсун шаҳрининг ўзида матбуот анжумани ҳам ўтказилиши режалаштирилган.

Яна Бойсундан ёзишяпти:

“Журналистлар билан учрашган барча фуқароларни излаб топиб, жаримага тортиш бўйича қаттиқ топшириқ бўлган. Бойсун24 гуруҳида ким салбий фикр билдирса, унга ҳам босим қилинмоқда. Илтимос, катта раҳбарларнинг ўзи ҳам шу газли ҳудудга келиб, бир ҳафта яшаб кўрсин”

PS. Изланаётган бойсунликлар “Газета.уз” ва “Кун.уз” журналистлари билан суҳбатлашган эди.

Қуёш панели янгиликлари ▫️“Намангандан ёзяпман. Туманимиздаги газ-заправкалар қуёш панели ўрнатмагани учун газдан узилибди. Фақат битта заправка ишлаяпти, турнақатор навбат. Энди, қиммат бўлса ҳам, бензин қуйяпмиз. Кеча Энергетика вазирлиги: “Ҳеч ким қуёш панели қўйишга мажбурланмаяпти”, деб чиқди-ку, тавба. Халқ аҳмоқ эмас. Ҳамма кўриб, билиб турибди асл вазиятни. Мажбурланмаган оддий халқ қолди, холос”. ▫️“Мажбурланмаган оддий халқ қолди, холос” деб ёзганлар-ку, тўғри, оддий халққа ҳозирча тегилмаяпти, лекин ҳудудларда тадбиркорлар ва амалдорлар камбағалларнинг уйларига қуёш панели ўрнатиб беришга мажбурланаётгани ҳақида гап-сўзлар юрибди. Очиғи, камбағалларга 50-60 млн сўмлик қуёш панели эмас, балки ўша 50-60 млн сўмнинг ўзи берилса, кўпроқ фойдаси тегарди.

Xalqaro Nordik Universiteti va “UzReport” axborot agentligi hamkorligida “UzReport jurnalistika, media va kommunikatsiyalar akademiyasi” tashkil etildi!

Ushbu yangi tashkil qilingan Akademiyada “Jurnalistika” taʼlim yo‘nalishi (bakalavriat) va mutaxassisligi (magistratura) bo‘yicha dual taʼlim shaklda jurnalistika sohasida eng yangi innovatsiyalar, xolis, tezkor va kreativ nuqtai nazar, professional bilim va ko‘nikmalarga ega kadrlar, yetuk mutaxassislar tayyorlash ko‘zda tutilgan.

Hozirda jurnalistika yo‘nalishi (bakalavriat) va mutaxassisligi (magistratura)ga qabul qizg‘in davom etmoqda: 🟢jurnalist; 🟢muharrir; 🟢teleoperator; 🟢videomuhandislik borasida kasbiy bilim va ko‘nikmalarga ega bo‘ling! 🔻Jurnalistika yo‘nalishi va mutaxassisligiga kirish imtihonidan o‘tgan barchaga 35 % grant beriladi! 🔻 Bakalavriatga 20 ta, Magistraturaga 10 ta 100 % lik grantlar ajratilgan. Shoshiling, 14-sentabr kuni imtihonlar bo'lib o'tadi! ➖➖➖➖➖ 📥 Qabul uchun ro‘yxatdan o‘tish 🔍 https://academy.nordicuniversity.org/ 🤖 Nordik haqida ko‘proq ma'lumot oling! +998555084400|@nordic_chat_bot Telegram Реклама

Сўз — бойсунликларга: ▪️Халқ орасида «Бойсунни кўчиришаркан», деган гап бор, лекин бу гап қанчалик тўғри ё нотўғри, билмайман. ▪️Эшитишимизча, Бойсун газининг зарарли моддалари ҳаводан йўқолмас экан, ерда айланиб юрар экан.  ▪️Ўзи ҳолат ҳақида батафсил маълумотга эга эмасман. Телефондан кузатяпмиз, давлатдан ҳам, янгилик узатувчилардан ҳам ҳеч қандай ахборот йўқ. ▪️Ҳолат ҳақида бизга аниқ маълумот беришларини жуда хоҳлардик. Масалан, бир-икки ой шу тартибда кетади, бошқа ҳудудга кўчиб ўтинглар, деб огоҳлантиришса, тараддудимизни кўрардик. ▪️«Кофирун қишлоғида яшайдиганлар эвакуация қилинди», деган хабарлар чиқди, лекин уларга бошпана берилмаган. Уйидан чиқариб юборилган аҳоли қариндошларининг уйида, у эшикдан бу эшикка бориб жон сақлаяпти. Жой тополмаганлари жуда аянчли аҳволда, кўчама-кўча юришга мажбур бўляпти.  ▪️Работ шаҳарчаси Кофирунга жуда яқин. У ерда аҳоли эвакуация қилинмаган, қийин аҳволда. Ҳар куни газдан заҳарланган одамларни «тез ёрдам» машинаси олиб кетади. Инкобод, Омонхона, яна бир қишлоқ аҳолиси эвакуация қилинган. У ерлардаги мактаб-боғчаларни ҳам ёпишган. ▪️Заҳарланганларни кислород аппаратига улаш керак, устига-устак свет ҳам ўчиб қолаверади. Тунов куни бир танишим мазаси қочиб, йиқилиб қолди. Тез ёрдамга олиб борсак, кислород қўйиш учун свет йўқ экан. ▪️Майли, биз ёшимизни яшаганмиз, лекин болалар-чи? Бошқа жойларни ёпмаса ҳам, боғча билан мактабни ёпиш керак. Болаларни ҳимоя қилиши керак-да.  ▪️Онамнинг мазалари йўқ, бош оғриғи билан қусиб ётибдилар. Мактабларда ўқувчилар ҳам нафас олишга қийналяпти. Бугун ҳам бир неча ўқувчининг мазаси қочди, уйдагилари келиб олиб кетди. Давлатимиздан ҳеч бўлмаса болалар ва ҳомиладорлар учун алоҳида чоралар кўрилишини сўраган бўлардим. ▪️Раҳбарлардан айни кунларда Бойсунда карантин эълон қилишларини сўраган бўлардим. Чунки ҳозир мактаблар, ўқув марказлари, иш жойларида дарслар ва ишлар давом этаётгани учун ҳамма кўчага чиқишга мажбур, кўчада эса аҳвол танг. Манба.

Бизнинг жонажон Юнусободимизнинг аксарият қисмида душанбадан бери иссиқ сув йўқ. Албатта, олдиндан тасдиқланган режа-жадвал асосида. Жума тунигача иссиқ сувсиз яшаймиз. Ҳа, ўша, ҳар йили баҳор ҳам кузда бўладиган “беш кунлик тўй”. Энг қизиғи, бошқа бир режа-жадвал бўйича, эртага, 11 сентябрь куни соат 9:00 дан бошлаб биз тарафда икки суткага совуқ сув ҳам ўчиши керак эди (11 сентябрь оғир келиши кутилаётгани ҳақида аввал ҳам ёзгандик). Лекин ҳукуматимиз адолат қилибди – бир вақтнинг ўзи ҳам иссиқ, ҳам совуқ сувдан мосуво қилишмас экан бизни. Минглаб юнусободликлар номидан мингдан минг миннатдорлигимизни билдирамиз.

Бойсундан ёзишибди:

“Илтимос, Бойсун туманидаги газ [кони]ни тезроқ ёпишсин. Газнинг заҳарли ҳидидан ҳамма безор бўлди. Ҳид жуда ёмон. Қарийб ҳамма бошоғриқ касаллигига йўлиққан. Аҳолига умуман маълумот берилмаяпти. Кўпчилик уйига қайтиш-қайтмасликни ҳам билолмаяпти. Тепадагилар ҳам уч кун шу газ ҳидини ҳидлаб яшаб кўрса билади [аҳволимизни]”.

🇺🇿Яшасин миллий мустақиллигимиз! Яшасин Ўзбекистон истиқлоли! Байрам муборак, азизлар!