Oʻqituvchilar uchun

Энди ҳамма ҳам таълим кредити ололмайди (Вазирлар Маҳкамасининг 579- сонли қарори. 16.09.2024) ⁃ олий ва профессионал таълим ташкилотларида таҳсил олиш учун таълим кредитини фақат кундузги таълим шаклида ўқиётган талаба ва ўқувчиларга ажратиш тизимини йўлга қўйиш; ⁃ олий таълим ташкилотларида таҳсил олаётган иккинчи ва ундан юқори босқич талабалари учун фанларни ўзлаштиришнинг ўртача кўрсатгичи “3” дан паст бўлган тақдирда, тўлов-контракт суммасининг кўпи билан 80 фоизи миқдорида таълим кредити ажратиш амалиёти жорий қилинади. Шунингдек, олий таълим ташкилотлари талабалари учун таълим кредити улар тўғрисидаги маълумот Олий таълим, фан ва инновациялар вазирлигининг kontrakt.edu.uz ва HEMIS ахборот тизимида; ўрта-махсус ва профессионал таълим ташкилотлари ўқувчилари учун эса улар тўғрисидаги маълумот prof.edu.uz ахборот тизимида мавжуд бўлган тақдирда ажратилади. @XORAZMLIKLAR — Хоразмдаги энг тезкор ва ишончли хабарлар манбааси.

#Namangan Namangan: bir maktabda 8 yo'nalishda stipendiya tashkil etilgan ✅ O‘quvchi-yoshlarni umumta’lim fanlarini chuqur va mukammal o‘rganishga undash, muvaffaqiyatlar sari ruhlantirish borasida Chortoq tumanidagi 13-maktabda o‘ziga xos tashabbus yo‘lga qo‘yilgan. ➖ Unga ko’ra, har chorakda 23 nafar fanlarni eng yaxshi oʻzlashtirgan oʻquvchi “Orasta qiz”, “Tarixchi”, “Zakovat”, “Ibrat farzandlari”, “Buxoriy izdoshlari”, “Yosh kitobxon”, “Mard oʻgʻlon”, “Informatika” kabi bir-biridan qiziqarli yoʻnalishlarda homiylar tomonidan 200 ming soʻm miqdorida stipendiya bilan rag’batlantiriladi.

Ilm maskanida hozirgacha ushbu mukofot bilan taqdirlanganlar soni 276 nafarni tashkil etadi.

Namangan viloyati maktabgacha va maktab ta’limi boshqarmasi Axborot xizmati Vazirlikning rasmiy sahifalariga ulanish: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

#Эълон ✅ Maktabgacha va maktab taʼlimi vazirligi oʻqituvchilarning taʼlim sifatini oshirishga qaratilgan innovatsion gʻoyalarini qoʻllab-quvvatlash, ularning pedagogik faoliyatini rag‘batlantirish maqsadida “Yilning eng yaxshi o‘zbek tili o‘qituvchisi” tanlovini eʼlon qiladi! 📣 Tanlovda umumiy o‘rta taʼlim maktablarining ona tili va o‘zbek tili fani o‘qituvchilari “Men tavsiya etaman…” nomli video-taqdimotlari bilan ishtirok etishlari mumkin. ❗️ Tanlovda ishtirok etish istagida bo‘lgan o‘qituvchilar vazirlikning hududiy boshqarmalari tomonidan tashkil etilgan maxsus botlar orqali onlayn ro‘yxatdan o‘tishlari va taqdimotlarini video formatda jo'natishlari lozim. 🏆 Tanlovning Respublika bosqichi g‘oliblari o‘zbek tili bayrami arafasida quyidagi mukofotlar bilan taqdirlanadilar: 🥇 1-o‘ringa “Yilning eng yaxshi o‘zbek tili o‘qituvchisi” I darajali diplomi, 20 mln. so‘m pul mukofoti; 🥈 2-o‘ringa “Yilning eng yaxshi o‘zbek tili o‘qituvchisi” II darajali diplomi, Monoblok; 🥉 3-o‘ringa “Yilning eng yaxshi o‘zbek tili o‘qituvchisi” III darajali diplomi, Noutbuk. Tanlov 2 bosqichda tashkil etiladi va joriy yilning 20-oktabriga qadar davom etadi.

Tanlovning barcha ishtirokchilariga muvaffaqiyat tilaymiz!

Vazirlikning rasmiy sahifalariga ulanish: ❤ Telegram 🌐 Facebook 🌐 Youtube 🌐 Instagram 🔎 Veb-sayt 😄 Linkedin

Фарғона педагогика маҳорат марказида хоналардан бирида яширин камера аниқланди. Уни ўрнатган ўқитувчи узр сўради Ижтимоий тармоқларда тарқалган видеода ушбу хона аёллар хонаси эканлиги айтилади. Бироқ Фарғона вилояти ИИБнинг аниқлашича, у дарс машғулотлари ўтказиладиган аудитория бўлган. Ҳолат юзасидан маъмурий иш қўзғатилган. 👉 https://kun.uz/kr/61388750 Kun.uz расмий канали

Ўқувчилар орқали солиқ тўловчиларга эслатма-хат йўллаган солиқчиларга ҳайфсан берилди Нишон тумани солиқ инспекцияси ходимларининг ҳаракати юзасидан хизмат текшируви тайинланиб, Қашқадарё вилояти солиқ бошқармаси томонидан ўрганиб чиқилди. Хизмат текширувида инспекция раҳбарияти томонидан ушбу ходимларга эслатмани айнан мактаб ҳудудида тарқатиш ҳақида топшириқ берилмагани аниқланган. 👉 https://kun.uz/kr/13747907 Kun.uz расмий канали

Х У Л О С А Бургутга учишни, булбулга сайрашни ўргатмоқчи бўлиб, билмаганларга ўргатаяпман, деётганларга эътироз билдирманг. Ўзига курсатмай секингина кулиб қўяверинг. Бўлмаса сизга ҳам қандай кулишни ўргатишга тушадилар. Негаки, аҳмоқнинг катта-кичиги бўлмаганидек, фаросатли-ю, фаросатсизи ҳам бўлмас экан... Мирзабек ЖАПАҚОВ, ҳуқуқшунос журналист.

Андижонда дарсга кеч келган қизлар жазо сифатида ўтириб-турғазилди Андижон шаҳридаги 5-мактабда кечикиб келган ўқувчи қизлар ўтириб-туриш машқи билан жазоланаётгани акс этган видео Kun.uz'га келиб тушди. Манбага кўра, мактаб директори дарсга вақтида келмаган болаларни ҳар куни шундай жазолайди. Бу – ички тартибни бузган ўқувчилар билан ишлаш қоидаларига зид. 👉 https://kun.uz/kr/03950368 Kun.uz расмий канали

ДЕПУТАТЛАРГА АСФАЛЬТДАН МУҲИМРОҚ ТАВСИЯ (СИЁСИЙ ПАРТИЯЛАР ДИҚҚАТИГА) Ҳурматли сиёсий партия раҳбарлари ва бўлажак депутатлар! Сайловлар яқин. Республикамиздаги 10 мингдан зиёд мактаблар сайлов участкалари ташкил қилиниши учун шай турибди. Уларнинг аксарияти сиёсий тадбирга аллақачон тахт қилиб қўйилган. 500 мингдан зиёд педогог ходимлар сизнинг сайловолди ташвиқотингизга ҳам, сайлов куни бел боғлаб сизга хизмат қилишга ҳам тайёр. Мактаблардаги 6 миллиондан зиёд ўқувчиларнинг ота-оналари, ака-опалари ҳам - фарзандлари, ука-сингиллари тақдирига, таълимига бефарқ бўлмаган номзодлар, партиялар учун овоз бериши шубҳасиз. Шундай экан, мана шундай астрономик имкониятдан унумли фойдаланиб нафақат биринчи, балки, иккинчи ва учинчи галдаги вазифаларингизни ҳам мактабга, таълимдаги муаммоларни ечишга қаратсангиз – марра сизники! Шунингдек, халқда норозилик кайфияти чиқараётган, арзимасдек туюлган муаммоларга ҳам чуқур назар ташлаб, уни бартарф қила олсангиз – Президентимизнинг халқни рози қилиш сиёсатини ҳам астойдил қўллаб-қувватлаган бўласиз. Кейинги йилларда ота-оналар, меҳнат муҳожирлари орасида ана шундай норозилик, саросималик келтириб чиқараётган муаммолардан бири – аҳолининг қуйи қатлами, шунингдек, боқувчисини йўқотган ва меҳнат муҳожирлигидаги оилаларнинг энг иқтидорли фарзандлари ётиб таҳсил олаётган “Айрим фанларга ихтисослаштирилган мактаб интернатлари”нинг босқичма-босқич тугатилишидир. Ваҳолангки, кейинги ўн йилликда халқаро олимпиадаларда медаллар олиб юртимиз шаънини ҳимоя қилиб келган ўқувчиларнинг аксарияти айнан мана шу мактаб-интернатлари ўқувчилари эди. Мустаҳкам моддий техник базасига, ошхонасига, юзлаб ўринли ётоқхоналарига эга ва афсуски тугатилиш арафасида бўлган - қуйи қатламнинг минглаган иқтидорли фарзандларининг таълим-тарбия ўчоғини, бошпанасини сақлаб қолишга барча имкониятингизни ҳам ишга солинг. Ана шундагина миллионлаб меънат муҳожирлари ҳам, уларнинг фарзандлари ташвиши билан яшаётган қариндош уруғлари ҳам сиз учун қўш қўллаб овоз беради. Таълимга эътибор қаратган ҳар қандай сиёсий партияни қўллаб қувватлашга, унинг номзодларини ташқвиқот қилишга биз ҳам тайёрмиз. Илло, Президентимиз: “Нажотимиз-мактабда, нажотимиз-таълимда, нажотимиз-билимда”, дея бежиз таъкидламаганлар. Мирзабек ЖАПАҚОВ, ҳуқуқшунос журналист. Хоразм.

⚡️Asosiy olimpiadaning birinchi (maktab) bosqichi 16-30-sentyabr kunlari o‘tkaziladi Maktabgacha va maktab ta’limi vazirligining 2024-yil 9-sentyabrdagi 02-31-1335-sonli xati bilan 2024-2025-o‘quv yilida Asosiy olimpiadaning maktab bosqichini o‘tkazish bo‘yicha tavsiyalar hamda muddatlari hududlarga yuborildi. "Oʻqituvchilar uchun" kanaliga ulaning!👇 ✅ @Pedagoglarga ✅ https://t.me/joinchat/QgkKxey0cc4b-wvU

БОЛАЛАР КЎЧАДА ҚОЛИШАДИМИ? (ЁХУД ЯНА МАКТАБ ИНТЕРНАТЛАРИ ҲАҚИДА) Ота-оналар орасида яна саросима бошланган. Негаки, босқичма-босқич тугатилиши назарда тутилган Айрим фанлар чуқур ўқитиладиган мактаб-интернатлари тугатилиш арафасида. Бундан икки йил олдин ҳам водийдан тортиб Қорақалпоғистонгача юзлаб ота-оналарнинг норозилик мурожаатларидан кейин “Норозиликларга ким жавоб беради?” сарлавҳали мақолада бу мавзуга тўхталиб ўтгандик. Аҳолининг қуйи қатлами, шу жумладан боқувчисини йўқотганлар ва меҳнат муҳожирлигига кетган оилаларнинг энг иқтидорли фарзандлари ётиб таҳсил олаётган бу ўқув даргоҳлари бутунлай тугатилса ходимлар ишсиз,болалар кўчада қоладими, деган савол кўпчиликни қийнамоқда. Ходимлар-ку бошқа жойдан ризқини топиб кетар, аммо болаларчи? Улар кечаси кимларникидадир тунаб эрталаб оддий мактабга қатнар, бироқ қолган вақтдачи – бутунлай кўчада қоладими? Ўзбекистонни Ижтимоий давлат, дея Конституцияга ўзгартиш киритсагу – қуйи қатлам фарзандларига сифатли таълим-тарбия, ижтимоий ҳимоя маскани бўлиб келаётган даргоҳларни тугатсак – мантиққа ҳам, ижтимоий ҳимояга ҳам, адолатга ҳам тўғри келадими??? Ахир сўнгги йилларда халқаро олимпиадаларда олтин медалларни олиб юртимиз шаънини ҳамоя қилиб келаётган болалар ҳам айнан мана шу мактаб интернат ўқувчилари экани ҳеч кимга сир эмас-ку!!! Президентимизнинг хайрли ташаббуси билан амалга оширлиган Президент мактаблари ва мактаб интернатлари деярли шаклланиб бўлди. Аммо, аҳолининг қуйи қатлами иқтидорли фарзандларининг ҳаммасини унга қамраб олиш ўта мушкул. Шу боис, мустаҳкам моддий техник базасига, ошхонасига, юзлаб ўринли ётоқхоналарига эга бўлган ва фаолияти давом этаётган мактаб интернатларини тугатишдан нима наф? Борни йўқ қилишдан, ёки уни оддий мактабга айлантиришдан кўра ундан унумли фойдаланиш - ўқиш даврида мактаб интернати, ёз мавсумида эса болалар ормогоҳи ташкил қилиш фойдали эмасми? Давлатга ҳам оғирлиги тушмайди, негаки ота-оналар ётиб ўқиш учун бадал пулларини ҳам тўлашмоқда. Шунингдек, ҳар йил ёзда шароити, ётоқхонаси бўлмаган оддий мактабларда минг азоб билан ташкил қилинадиган болалар оромгоҳидан минг карра арзон тушадику! Нима учун қарор қабул қилишда масаланинг бу томонларини, аҳолининг ижтимоий шароитини, норозиликлар юзага келган тақдирда сиёсий оқибатларини ўйламаймиз? Ҳали ҳам кеч эмас. Халқ талаб қилаётган ва фаолияти давом этаётган мактаб интернатларини, қуйи қатламнинг минглаган иқтидорли фарзандларининг таълим-тарбия ўчоғини, бошпанасини сақлаб қолиш учун битта буйруқ кифоя. Ҳудуд бошқарма бошлиқлари ҳам имкониятларидан келиб чиқиб ўз таклифларини беради, деган умиддамиз. Ана шундагина минглаб болаларнинг қаровсиз қолишининг олдини олган, Президентимиз қайта-қайта таъкидлаётгани каби халқни рози қилган, Президентимизни, унинг таълим соҳасидаги сиёсатини қўллаб қувватлаган бўламиз... Мирзабек ЖАПАҚОВ, ҳуқуқшунос журналист. "Oʻqituvchilar uchun" kanaliga ulaning!👇 ✅ @Pedagoglarga ✅ https://t.me/joinchat/QgkKxey0cc4b-wvU