КТК жаңалықтары

Алматыда тұрғын үй өртеніп, 30 адам эвакуацияланды Наурызбай ауданында бес қабатты тұрғын үйдің бірінші қабатында өрт шықты. Қалалық ТЖД мәліметіне сәйкес, 20 шаршы метр алаңды жалын шарпып, жиһаз және үй заттары өртенген. Құтқарушылар автосатымен және баспалдақпен 14 адамды, оның ішінде 5 баланы құтқарды. Одан бөлек 16 адамды эвакуацияланды. «Құтқарушылардың жедел әрекеттерінің арқасында өрт сөндірілді. Зардап шеккендер жоқ, өрттің шығу себебі алдын ала болжам бойынша электр сымдарының қысқа тұйықталуы», - деп хабарлады ТЖД баспасөз қызметі.

🌳 Танымал әнші Jony өзіне сыйға тартылған көшетті ботаникалық баққа екті Елордалық әуежайда танымал әндердің авторы, орындаушы Jony-ге көшет сыйға тартылды. Сол күні Jony бұл ағашты қаланың ботаникалық бағына екті.

💬 Қарағанды облысы ауылдарының бірінде карантин жарияланды 2024 жылғы 2-5 қыркүйек аралығында «Айбол» шаруа қожалығының «Сартау» қыстауында 14 бас үш айлық бұзау қырылып қалған. Сараптама актісі және эпизоотологиялық тексеру актісі негізінде ауылы әкімінің шешімімен «Сартау» қыстау аумағында карантиндік шаралар жарияланды.

🗣Шығын 650 млн теңгеден асады: алаяқтық жасап, іздеуде жүрген қылмыскерлер ұсталды «Қарағанды қаласында 45 жастағы ер адам құрықталды. Ол 2018 жылдың шілдесінде өзі Ақтөбеде бола отырып, елордада жылжымайтын мүлік сатып алып беру сылтауымен 100 млн теңгені иемденген. Алматы қаласында 44 жастағы әйел ұсталды. Ол көкөністер мен жемістерді жеткізу сылтауымен азаматтарды 516 млн теңгеден астам сомаға алдаған. Астана қаласында 60 жастағы жергілікті тұрғын ұсталды. Ол өткен жылдың қыркүйек айында жеңілдетілген несие арқылы тұрғын үй сатып алу сылтауымен 30 млн теңге жымқырған», – деді департамент бастығы – ІІМ ресми өкілі Шыңғыс Алекешев.

⚡️ТІКЕЛЕЙ ЭФИР Кешкі жаңалықтар https://www.youtube.com/watch?v=sqzbeukM8SI