Olimov's note

Ertaga 17:00 da Milliy kutubxonada bo’ladigan she’riyat kechasiga tayyorgarlik ketmoqda! Qahramon Shodmonqul Salom! “Mutolaa” da she’riy konsertlar davom etadi! @javlonjovliyev

Mutolaada eng ko'p kitob tinglagan TOP 20 ta kitobxon ro'yhatini olib ular bilan bog'lanishga qaror qildim. To'g'risi natijadan hayratga tushdim. Birinchi o'rin - 4409680 soniya - 73494 daqiqa - 1225 soat - 51 kun kitob mutolaasi Ikki o'rin - 2980220 soniya - 49670 daqiqa - 828 soat - 34 kun kitob mutolaasi Uchinchi o'rin - 2978940 soniya - 49640 daqiqa - 827 soat - 34 kun kitob mutolaasi TOP 3 talikdan faqat bir kishi, Toshkent viloyati, Yuqori Chirchiq tumanida yashovchi Gulnoza ismli kitobxonimiz bilan telefon orqali bog'lanish imkoni bo'ldi. Gulnoza o'zi emas balki o'rta sinfda o'qiydigan qizlari Mutolaadan foydlanishlarini aytdilar. Hozirda qizlari Yosh kitobxon tanlovining 10-14 yosh toifasiga tayyorgarlik ko'rayotgan ekanlar. Gulnoza ko'p kitoblarni bozordan sotib olishga imkoni yo'qligini lekin ilova bo'lsa ularga shu kitoblarni bir joydan bepulga topishga imkon berganini aytib tashkilotchilarga rahmat aytdi. Mutolaa ularni hayotini bir qisimiga aylangani va bu orqali ham vaqtlari ham naqdlari tejalayotganini aytishdi. Ilovada yana qilinishi kerak bo'lgan o'zgartirishlar bo'yicha ham o'z takliflarini aytishdi. Bu shunchaki ajoyib bo'ldi. Sizning hissangiz qo'shilgan loyiha insonlar hayoti bir qismi bo'lishi bu inson uchun juda katta baxt ekan. Do'stlar orasida Mutolaadan foydalanyotganlar bo'lsa sizga ham telefon qilib qolishimiz mumkin. Tayyor bo'lib turinglar 🙂

💥Deyarli 6 yildan beri chiqindi poligoniga aylangan ariqni tozaladik. Endi bu yerga @ecology_uzb kamera o’rnatadi va chiqindi tashlovchilar shtrafga tortiladi! Ko’ngilli volontyorlar Yangi O’zbekiston universiteti talabalari —— 💥Мы очистили канаву, которая уже почти 6 лет является свалкой. Теперь @ecology_uzb установит здесь камеру и мусорщики будут оштрафованы!

"Siz haqingizda kichik rolik qilmoqchimiz" Yoshlar kanalidan Elya opa telefon qildilar. 3-4 daqiqalik rolik bo'lsa kerak deb ertalab ko'rishishga rozi bo'ldim. Jiddiy tayyorgarlik bilan kelib, bir kun davomida tindirmasdan tasvirga olishdi. Men haqimda buncha ovvoragarchilik bilan film qilish shart emasdi deb bir oz hijolat ham bo'ldim. Kichik erishgan yutuqlarimizni shunchalik e'tirof etib buni chiroyli qilib tarixga muhrlab qo'yishgani uchun ijodiy jamoaga katta rahmat. Film davomida oilamga, ustozlarimga alohida tashakkur aytdim. Yana aytmoqchiman. Maktab, litsey va universitet paytidagi barcha ustozlarim, ayniqsa Farida Rahmatovna va Feruza Musaevnalarga ulkan rahmatlarimni aytib qolaman. Barcha erishgan va erishadigan yutuqlarim oilam, ustozlarim va jamoaning yutuqlari bo'lib qoladi! Boringizga shukur.

Kimlar paxta tergan😄

O'zim uchun qiziq bo'lgan mavzuda, qiziq manbaa topdim. https://plato.stanford.edu/entries/machiavelli/?ref=ren-chauret#PrinAnalPowe

⚡️Biz sun’iy intellekt va kreativ sanoat uyg‘unligi hech qachon bugungidek muhim bo‘lmagan davrda yashayapmiz. 2-4-oktabr kunlari Toshkent Butunjahon kreativ iqtisodiyot konferensiyasiga mezbonlik qiladi. Bu yoshlarga sanoat liderlari, innovatorlar, ijodkorlar va fikr yetakchilari bilan muloqot qilish orqali ijodiy taraqqiyot shiddatini tasavvur qilish va uning bir bo‘lagiga aylanishdek noyob imkoniyatni taqdim etadi. Shu o‘rinda, yoshlarning kreativ sanoatga qo‘shayotgan hissasi va ta’sirini e’tirof etishdan mamnunman. Siz ham ushbu konferensiyada quyidagi havola orqali ro‘yxatdan o‘tib ishtirok etishingiz mumkin. Umid qilamanki, siz bilan konferensiyada albatta ko‘rishamiz! Anjumanda ishtirok etish barcha uchun bepul va ochiq. Roʻyxatdan oʻtish: https://www.wcce.uz/oz/registration

#tavsiya O‘zbekiston yosh rassomlarining "Regeneration" san’at festivali Yaqinda MOCFEST24ga oilaviy tashrif buyurgandik. Ertaga nasib qilsa, ushbu art-festivalga ham qatnashmoqchimiz. Vaqt bo'lsa, siz ham o'ting, nega deysizmi? "Regeneration" - bu O‘zbekistonning iste’dodli yosh rassomlar avlodini taqdim etishga qaratilgan keng ko‘lamli san’at tadbiri. Unda turli san’at turlarini o‘z ichiga oladi: bir maydonda rassomlar, suratchilar, shoirlar, musiqachilar va hunarmandlar to‘planadi. "Regeneration" zamonaviy o‘zbek san’ati va ijodiy dunyosining xilma-xilligini isbotlaydi degan umiddaman. Ish vaqti: 10:00 dan 22:00 gacha. Kirish bepul. Manzil: Axelon Karting Club (Anhor park) Tekin reklama. @boredpandablog

Jadidlarni asrab qolish mumkunmidi? AI javob beradi! 😊 "Mutolaa AI" orqali savollaringizga javob toping: 💬Qatagʻon qurbonlari tirik qolishganida bugungi hayotimiz oʻzgargan boʻlarmidi? 💬Qanday qilib jadidlarni asrab qolish mumkin edi? 💬 "Mutolaa AI" javob beradi. Telegram | Instagram | Ilova