✨في داخلك نور ✨

واصل لكم الشعور؟

لكل من سالني عن العلاج بالفن لا تفوتكم جلسة حضورية في الرياض 🥰🥰🥰

هنا ادركت ان الطفلة عندها معتقد تخص الحماية وشلناه معانا في جلسة امها كيف يكون الحال افضل واجمل تنويه: بدأت استقبال الجلسات الحضورية في الرياض للمهتمين في تغيير واقعهم بكل لطف وحب اتواصلو معي عشان الجدول والاسعار 🧡

وكل مره قلنا احنا حضيع الفلوس لوجاتني حقعد اشتري كل شي واخلصها حقعد اوزعها ع عيلتي ع الناس على اصحابي واسحب ع نفسي وكل مره حطينا نفسنا مسؤولين عن الناس ومصاريف الناس ومتعه الناس ونسينا نفسنا وكل مره قلنا لالا انا مابا الفلوس عشان حسير بطرانه حسير شايفه نفسي حسير متكبره الفلوس وسخ دنيا واصلن انا مبسوطه من دون فلوس موناقصني شي واصلن انا ماحتاجها خليني كدا عايشه ع قدي ومد رجولك ع قد لحافك وخبي القرش الابيض لليوم الاسود ولالاتصرف اقعد جمعها وخليها ع قلبك😂 لانو يمكككن يوم تحتاجها يمككن يوم تنفعك يمككن يوم تنزنق يمكن ويمكن وفكل مره لمن جاتك فلوس حاولت تصرفها كلها عشان انتا خايف منها وخايف لاتكون ثري وخايف لاتنحط عليك مسؤوليه وخايف لاينصبو عليك وخايف لايطلبو منك وخايف لاتتحاسب عشان اووه صح الاغنياء اول مايتحاسبو والله يعيينهم ع يوم الحساب وانو الفقراء اول ناس يدخلو الجنة والمفروض احنا نخلينا ف الفقر عشان ماندخل النار ونتحاسب وكل مره صنفنا ووزعنا الناس ع كيفنا وألهنا نفسنا وصنفناهم دا حيدخل النار ودا حيدخل الجنة دا يستاهل يكون فقير ودا يستاهل يكون غني دا حرام في الفلوس دا حلال في الفلوس وانو المفرووض الاغنياء يوزعو فلوسهم علينا ومفروض الاغنياء يوزعو فلوسهم ع الفقراء وكل مره خفنا فيها من الحسد والعين وقررنا انو الفلوس حتخلينا ننحسد وقلنا لالا احنا ماعندنا فلوس احنا مفلسين احنا يدوبك يبقا الراتب اخر الشهر وكررنا الكلام على عقلنا واقنعنا انو الفقر احسن الفقر احلا بس ياشيخ ايش تبا بالفلوس خليك كدا اريح وفقير مبسوط ولاغني وزعلان وقررنا انو كل الاغنياء مهمومين مساكين الله يعينهم فيهم اللي يكفيهم وانو الفقراء مبسوطين وموشايلين هم الدنيا وانو الغني مسكين ماعندو وقت مشغول ٢٤ ساعه يشتغل وانو الفقير مرتاح ومبسوط ومتبرطح لاشغلة ولامشغلة🤣 وانو انا خليني احسن كدا بدون هموم عشان الفلوس هم وانا مابا هموم زيادة اللي فيني مكفيني وفكل مره قررنا انو الفلوس تغير النفوس وانو شوفو فلان اتغير لمن جاتو فلوس وكل مره حكمنا انو الفلوس تسوي مشاكل بين الاهل بين الاخوان وشوفو كيف اتفرقو بسبب الفلوس وكل الاحكام والتصنيفات والتعريفات والمعتقدات اللي اخدناها من تجارب سابقة من حكاوي سمعناها من مسلسلات من افلام من قصص من خزعبلات من اي مكان وزمان ومنعت عنا المال وطاقة المال الان تنسف وتزال وتدمر كلها والى الابد واي شي يمنع هذا الشي اسال الله العظيم ان يزيله بلطفه وعظمته نعم؟ P&P

في كل مرة اعتقدت انك اذا كنت ذكي ومتطور ومتمكن وعندك كل الالغاز وعندك الامكانيات اللامحدودة فبالتالي الناس اللي تحبهم راح يستغلوك عشان كدة انت عطلت نفسك ونزلت وحجمت من نفسك ورفضت الهدية اللي انت عليها كل هذا واكثر اسال الله ان يزيله نعم؟