KİTABXANA

Kitabın kanalda olan say nömrəsi: 257 Kitabın adı: "AŞURA – TARİXİN ƏN BÖYÜK QƏHRƏMANLIQ SALNAMƏSİ"    MÜƏLLİF: AYƏTULLAH NASİR MƏKARİM ŞİRAZİ Səhifə sayı: 1151

Kitabın kanalda olan say nömrəsi: 257 Kitabın adı: "AŞURA – TARİXİN ƏN BÖYÜK QƏHRƏMANLIQ SALNAMƏSİ"    MÜƏLLİF: AYƏTULLAH NASİR MƏKARİM ŞİRAZİ Səhifəsinin sayı: 1151

AŞURA – TARİXİN ƏN BÖYÜK QƏHRƏMANLIQ SALNAMƏSİ 🔴 Aşura başlanğıcda bir qəhrəmanlıq hadisəsi kimi meydana çıxsa da, sonralar yalnız ah-nalə, göz yaşları ilə müşayiət olunan qəmli bir hadisə şəklini almışdı. Son dövrdə isə özünün əsl simasını yenidən əldə etdi, yəni Hüseyn (ə) məktəbi aşiqlərinin göz yaşları arasında öz qəhrəmanlıq ruhunu göstərdi və müsəlmanları hərəkətə gətirdi. "Heyhat minnəz-zillət! – Zillət bizdən uzaqdır!", "İnnəl həyatə əqidətun və cihadun! – Həqiqi həyat əqidə və cihaddadır!" kimi Kərbəla tarixindən götürülən inqilabçı şüarlar, kənarında Möhtəşəm Kaşani kimi görkəmli şairlərin göz yaşları ilə söylədiyi şeirlər: Məzəmmətə yer olmayan müqəddəs məkanda müqəddəslərin başı qəmli halda diz üstündədir, Cinlər, mələklər insana növhə (mərsiyə) deyir, sanki Adəmin ən şərəfli övladının əzasıdır! – xətib, şair və məddahların təfəkküründə çevriliş yaratdı. Eyni zamanda, qədim dəyərlərə malik əzadarlıqla yanaşı Kərbəlanın qəhrəmanlıq cəhətləri, səciyyələri də şərh edildi... __ https://t.me/dini_kitablar https://almahdi.az https://rizvan.az🔴

Kitabın kanalda olan say nömrəsi: 256 Kitabın adı: "İMAMƏT AYƏLƏRİ"    Təlif: ƏLYAN NEJADİ Səhifəsinin sayı: 328

İMAMƏT AYƏLƏRİ 🔴 Hicri-şəmsi 1379-cu il fərvərdin ayının 26-sının (mart ayına təsadüf edir) “Qədir-Xum” adlı islami bayrama təsadüf etməsi səbə bi ilə həmin ili həzrət Əli ibn Əbu Talibin (ə) möhtərəm adı şərəfinə “Əmirəlmöminin ili” adlandırmışlar. Həzrət Əliyə (ə) sevgisi olan şəxslərin onun fəzilət, kamal, üslub, söz, idarəçilik, əxlaq və digər xüsusiyyətləri barədə daha ətraflı məlumat əldə etməsi üçün geniş və əhatəli toplantı və seminarlar təşkil etməsi diqqətəlayiq hesab olunur Əvvəlki ənənəsinə uyğun olaraq Ayətullah Məkarim Şirazi Ramazan ayında təfsir dərsləri verirdi. O, qeyd olunan münasibətlə bağlı “Əmirəl-mömininlə əlaqədar imamət ayələri”nin təfsirinə başlayır. Ümidvarıq ki, Quran və onun həqiqi təfsirçisi həzrət Əlinin (ə) vasitəsi ilə iman nuru günbəgün bizim qəlbimizdə artaraq daha da möhkəmlənər və yalnız bizim deyil, digərlərinin də hidayət olunmasına səbəb olar. Hazırkı kitab Allaha şükürlər olsun ki, möhtərəm ustadın elmi məclislərində əhatəli, diqqəti cəlb edən və maraqlı şəkildə aparılan bütün söhbətləri toplanmış və bəhslərdə istifadə edilən mənbələr kifayət qədər tədqiq olunduqdan və xülasə şəkildə bəyan edilən bəzi mətləblərə geniş şərh verildikdən sonra, çap olun araq oxucuların xidmətində qoyulmuşdur. Xatırlatma 1. Ola bilsin ki, Quranda “imamət” və “vilayət”lə bağlı “Peyame Quran” (Quranın mesajları) kitabının doqquzuncu cildi və imamət ayələrilə əlaqədar nisbətən müfəssəl və geniş şəkildə bəyan edilən “Təfsire nümunə”nin (“Nümunə” təfsiri) olması ilə yanaşı, “Bu kitaba nə ehtiyac vardı?”– deyə zehinlərdə sual yaransın. Bu kitabda bəyan edilən mətləblər sadalanan iki kitaba nisbətən ge niş şərhlərlə qeyd edilmişdir. Həmçinin, əhatə dairəsi və ayələrdən istifadə edilən mesajların əhəmiyyətliliyini ifadə etmək və cəmiyyətin ehtiyacını ödəmək baxımından da hazırkı kitab önəmlidir. Burada əvvəlki iki kitabda olmayan yeni mətləblərə toxunulmuşdur. __ https://t.me/dini_kitablar https://Al-Mahdi.az https://rizvan.az🔴

Kitabın kanalda olan say nömrəsi: 255 Kitabın adı: "KƏRBƏLA STATİSTİKASI"    Təlif: ƏSGƏR NƏSİRAYİ Səhifəsinin sayı: 95