Ўлмасбек Самарқандий🇺🇿

​​Қолмасин ҳеч дилда тугун, Юрагингиз очинг, гулгун, Ишни четга суриб, бугун, Бир зиёфат беринг дўстим! Ўтар гадо - ю, бойи ҳам, Ўтар умр чиройи ҳам, Тугамасдан куз ойи ҳам, Бир зиёфат беринг дўстим! Кўнгил сўранг, савоб бўлар, Ҳаққингизга тавоб бўлар, Ош бўлмаса, кабоб бўлар, Бир зиёфат беринг дўстим! Тугамайди дунё иши, Молу - дунё, пул ташвиши, Бўлволмасдан жиддий киши, Бир зиёфат беринг дўстим! ©Ўлмасбек Самарқандий 🎧 Беҳрўз Қўлдошев. @Samarqandiy77

- "Онажон гапимни тушунмаяпсиз..." Фарзанд хитоб қилди онага бир дам. Онайизор айтди:- "Тушунганманку, Ҳатто гапирмаган пайтларингда ҳам." @Samarqandiy77

​​#Табрик 📌Бугун Бутунжаҳон тозалик куни! Атроф озодадир, диллар озода, Дилларга элтгувчи йўллар озода. Сиз билан гўзалдир табиат асли, Чечаклар, новдалар, гуллар озода. Беғубор қалбларда топилмайди доғ, Сизгадир эҳтиром, сизгадир ардоқ, Гарчи, меҳнат ила кафтингиз қадоқ, Ва лекин, шу қадоқ қўллар озода. Йўқ сизда тавозеъ, йўқ сизда кибор, Асли борлигингиз ўзи эътибор, Сиз босган изларда саришталик бор, Қадамингиз етган уйлар озода. Байрамингиз муборак бўлсин, азиз сариштажонлар! Ҳурмат билан: Ўлмасбек Самарқандий. @Samarqandiy77

Салом сентябрнинг йигирманчиси Яна тонглар отиб, шафақ қизарди, Яна бир янги кун режа тузарди. Маржондай ялтирар шудринг томчиси, Салом сентябрнинг йигирманчиси! Муздай ҳаволари урилар юзга, Сарғиш япроқлари ташланар кўзга. Жаҳлдан тушгандай қуёш қамчиси, Салом сентябрнинг йигирманчиси! Ассалому алайкум! Сентябрнинг йигирманчи тонги муборак бўлсин! Ўлмасбек Самарқандий. @Samarqandiy77

ЖУМА МУБОРАК! Роббим ёмонлардан тутгайсан омон, Умматинг яхшилик истар бегумон, Юраклар талпинур оппоқ тонг томон, Тонгдайин мунаввар иймон муборак, Азизим, бугунги Жума муборак! Пок кўнгил бирла сиз пок бўлинг доим, Муҳаббат ёрингиз бўлсин илойим, Қалбингизга меҳр солсин Худойим, Меҳрдан уйғонган виждон муборак, Азизим, бугунги Жума муборак! Ўлмасбек Самарқандий. @Samarqandiy77

ТАНИШ Бир киши бўларди, ҳамиша беғам, Ҳар ишга топарди чора, муроса. Қўли узун эди, қайда бўлса ҳам, Таниш-билишлари кўп эди роса. Кимнидир ўғлини ўқишга жойлар, Кимга диплом олиб берар гоҳларда. Даста-даста пул ҳам берарди бойлар, Таниши кўп эди олийгоҳларда. "Олди"си олдида, ортида "берди", Гапиришлар виқор, юришлар кибор. Гоҳида ўзича гердайиб дерди: - Ҳатто вазирликда танишларим бор. Вилоятда таниш, туманда таниш, Бир қўнғироқ билан битарди ишлар. Унинг-чун йўқ эди бирор нотаниш, Илтимос қиларди юзлаб кишилар. Жони узилибди бугун эрталаб, Бирор бир таниши бўлмабди малҳам. Тобути елкамда, дедим шивирлаб; - Танишингиз борми уёқларда ҳам?! Ўлмасбек Самарқандий. @Samarqandiy77

Ҳар дам дилда нур порлайди гоҳ, Устоз дея бошласам сўзни. Барчасига Худойим гувоҳ, Қандай эъзоз этайин Сизни?! Яқинлашиб келаётган касб байрамингиз муборак бўлсин, азиз устозлар! @Samarqandiy77

ЎҚИМАГАН ЖЎРАЛАРИМ (Ҳазил бу) Менинг беку - тўраларим, Уйи донга тўлаларим. Соғ-саломат бормисизлар, Ўқимаган жўраларим?! Ҳар бир ишга йўл топасиз, Саҳродан ҳам гул топасиз, Мендан ҳам кўп пул топасиз, Ўқимаган жўраларим! Қилмасман ҳеч бағри хунлик, Шеъримда ҳам йўқдир шумлик, Менда ойлик, сизда кунлик, Ўқимаган жўраларим! Қайга борманг тўкиб савлат, Ейсиз илик, ёғу - шавлат, Бизда диплом, сизда давлат, Ўқимаган жўраларим! Давраларнинг тўри сизда, Юракларнинг қўри сизда, Мошинларнинг зўри сизда, Ўқимаган жўраларим! Кўкка етар бўйларингиз, "Кўк" сочилар тўйларингиз, Қаср бўлди уйларингиз, Ўқимаган жўраларим! Дастурхонда қанду новот, Боғлиқ турар белда қувват, Бизда савод, сизда завод, Ўқимаган жўраларим! Бахт қўшиғи тинмасин ҳеч, Дилга ташвиш инмасин ҳеч, Омадингиз синмасин ҳеч, Ўқимаган жўраларим! Давлат кўринг, дунё кўринг, Доим шундоқ бой бўп юринг, Шеъримни ҳам ўқиб туринг, Ўқимаган жўраларим! Ўлмасбек Самарқандий. @Samarqandiy77

🎤 Tonggi tarona 🎼 “БИЗГА БАХТ КЕЛТИРАР БУ КУН ИН ША АЛЛОҲ ” 🎬 Хонанда Бунёдбек Саидов ижросида. @Samarqandiy77

Баҳорлар жуда тез ўтиб кетади, Жуда тез келади умримизга куз. Баҳорда лолалар мафтун этади, Кузда хазонлардан қувонади кўз. Ассалому алайкум! Кузнинг яна бир гўзал тонги муборак бўлсин! @Samarqandiy77