ORIFXO'JA ESHON MASJIDI

Жума байрам кунидир, барчамизга байрам муборак бўлсин! 💐    Ибн Аббосдан ривоят қилинади: Расулуллоҳ соллаллоҳу алайҳи васаллам: “Албатта бу (жума куни) байрам кунидир. Аллоҳ уни мусулмонлар учун (байрам) қилган. Шундай экан, ким жумага етса, ғусл қилсин. Агар унда хушбўйлик бўлса, ундан сепиб олсин ва мисвокка маҳкам туринглар”, дедилар. Ибн Можа ривояти

Ичингни ташингдан ҳам кўра кўпроқ покла, обод қил, чунки ташингни халқ (махлуқ) кўради, ичингга Аллоҳ (холиқ) кўради... Жалолиддин Румий

Чорасизлик Аллоҳ таолодан келган энг гўзал ишоратдир. У дуо вақтининг келганини англатади. Кўзингдан ёшлар сизилса, гўзал юзинг ғамгин бўлса, билгилки, Роббинг сени соғинибди, сени эшитишни хоҳлаяпти! Ҳазрати Мавлоно Румий

Агар мусулмонлар динларини англамоқчи бўлишса Қуръонларини фақат хатм учун эмас, уйғониш учун ҳам тиловат қилишсин! Ўликлар учун эмас, тириклар учун ўқишсин! Тажвидини эмас, ақлга хитобини ўрганишсин! Фақат ёдлашнинг ўзи билан тўхтаб қолишмасин! Мусулмонларнинг йўлбошчи ва намуналари бўлган зотнинг хулқлари Қуръон эди. Ҳақиқий муаммомиз ахлоқ бўлган бугунги кунда, у зот соллаллоҳу алайҳи ва салламнинг ахлоқларига эргашмаймизми?! Доктор Салоҳиддин Кофтаро

“Қачонки қорним тўйганини ҳис қилсам йиғлайман. Чунки, ҳазрати Муҳаммад Мустафо соллаллоҳу алайҳи ва саллам бу дунёдан қоринлари арпа нонига тўймаган ҳолатда ўтдилар” Ҳазрати Ойша розияллоҳу анҳо.

Мусулмонларнинг салб юришларидаги ғалабаларининг биринчи сабаби - ахлоқий қуролланишни янгилай олганларидир. Француз-яҳуд тарихчиси Клод Кохен

📌Бир хадис шархи 6-кисм 👤 Ортиқали домла © ➤ @Orifxoja_eshon ✅Каналга аъзо бўлинг📲⤵️

Унутма Facebook сенинг ҳақиқий исмингни, фамилиянгни, манзилинг ва суратингни яшириши мумкин. Лекин шуни билгинки, у сенинг ҳақиқий тарбиянг ва ахлоқингни яшира олмайди. Агар сен ўзини ҳурмат қилган инсон бўлсанг унутма, сенинг Facebook даги энг муҳим шахсий маълумотинг сенинг ахлоқингдир. Ахлоқинг қандай эканлиги унда бошқаларга қилаётган муомала услубингдан билинади.