Cinciva Books | Elektron Kitablar

Sözügedən kitablar : Viktor Hüqo - "Paris Notr Dam kilsəsi" Gaston Leroux - "Operadaki Hayalet" Hər iki əsər bir çox nəşriyyat tərəfindən türk, rus, ingilis, alman dillərinə tərcümə edilib. Hüqonun kitabı azərbaycanca da bütün kitab mağazalarında mövcuddur. "Operadakı Hayalet" isə niyə bilmirəm, heç tərcümə olunmayıb. Əlavə qeyd : Bakıda Hüqonun bu əsəri əsasında Azərbaycan Dövlət Musiqili Teatrda "Paris Notr Dama İthaf" tamaşası səhnələşdirilir iki ayda bir. Musiqilər, geyim və dekorlar, rəqslər ilə ölkədəki ən yaxşı tamaşa olduğunu düşünürəm, mütləq bir dəfə baxmağa gedin. Həmçinin, Akademik Dram Teatrında da (əslində bir neçə fərqli məkanda səhnələşdirilib, dəqiqləşdirmək lazımdır) "Edama Məhkumun Son Günü" tamaşası göstərilir. Emosiyanı insana ötürməyi əla bacaran tamaşadır, tövsiyə edirəm.☆ #parisnotrdamkilsəsi #viktorhüqo #gastonleroux #operadakihayalet #victorhugo #notredame #klassika

"The Powerless Trilogy" : 1. Powerless 1.5 Powerful (novella) 2. Reckless 3. Fearless Bu arada, videoda heç kim "The Hunger Games" bənzərliyindən danışmır demişəm, amma sonradan araşdıranda bəzi xarici saytlarda seriyanın elə "THG ilə fantastikanın harmanı" kimi təqdim olunduğunu gördüm. Ancaq bookstagramlar bu oxşarlığa heç toxunmur və sanki çox orijinal, özünəməxsus bir seriya oxuyubmuşlar kimi danışırlar. P. S. : Seriya yazıçının debüt (çıxış) romanı imiş. İlk ciddi qələm təcrübəsi kimi pis deyil demək olar, amma bu qədər "ilhamlanılmaq" və belə fantastik PR çalışması aparılması məni çox qıcıqlandırdı və obyektiv yanaşmaqdan uzaqlaşdırdı açığı. Bəlkə də, sıfır bilgi, sıfır önyarğı ilə, həmçinin, bənzədilən heç bir kitabı heç bir seriyanı tanımadan oxusanız, daha xoş bir romantasy təcrübəsi olar, idk. #laurenroberts #powerless #powerlesstrilogy #paedyngray #kaiazer

Robert Luis Stivenson (1850 - 1894) : Şotlandiyalı yazıçı, şair, səyyah. 2018-ci ildə hazırlanmış statistikaya əsasən bütün dünyada əsərləri ən çox tərcümə olunmuş 49 yazıçı arasında 26-cı yerdədir. Ailəsinin mühafizəkar dini dəyərlərini və Viktoriya dönəminin qoyduğu tələbləri rədd etmiş, heç vaxt təhsil və iş karyerasına ciddi məsuliyyətlə yanaşmamış, romantik bir xarakterlər bohem stildə yaşamışdır. Uşaqlıqdan etibarən bütün həyatını xəstəliklərlə boğuşaraq, öz səhhəti üçün daha ideal məkanı və həyat tərzini axtararaq keçirmiş, nəhayət, 44 yaşında beyin qanaxmasından vəfat etmişdir. Ən önəmli və ona sağlığında və ölümündən sonra ciddi reputasiya qazandıran əsəri bir uşaq romanı olaraq qələmə aldığı "Dəfinə Adası"dır. (Treasure Island) Yazıçı üslubu hər romanında dəyişsə də, fikrən hər zaman "Dr. Jekyll and Mr. Hyde" hekayəsindəki təməl düşüncəsinə sadiq qaldı, hər insanın yaxşı və pisin bir kəsişməsi olduğuna inandı, əsərlərindəki xarakter inkişafları həmişə bu istiqamətdə oldu. Bəs siz bu yazıçının qələmini bəyənirsiniz ? #robertlouisstevenson #robertluisstivenson #treasureisland #dəfinəadası #drjekyllandmrhyde