GEOLOGYUZBEKISTAN

#lirik_chekinish ХАЛҚИМ Бир ажиб халқим бор, содда жуда ҳам, Дунёни мусаффо кўраверади. Энг оғир ҳолда ҳам ўйланиб бир дам: “Худога солдим!..” деб қўяверади. Ҳаққин ўғирлашар куппа-кундузи, Ўғрилар молини сўяверади. Унинг-чи билгани, энг ёмон сўзи: “Худога солдим!..” деб қўяверади. Ризқини қийсалар, бошини қашлаб, Қотган нон, сув билан тўяверади. Қўлида яроғи бўлса ҳам... ташлаб: “Худога солдим!..” деб қўяверади. Соддадил, ширинтил, шумликдан йироқ, Бот-бот алдашади, кўнаверади. Нафрати кўкларга етса ҳам, бироқ, “Худога солдим!..” деб қўяверади. Хиёнат қилса ҳам яқинлар бир кун, Ўзи ёниб, ўзи куяверади. Энг ёмон қарғиши ёмонлар учун: “Худога солдим!..” деб қўяверади. Онасидан сўк-чи, муштларин тугиб, Миянг ёрилса ҳам туяверади, “Нима қилиб қўйдинг?”– десалар, кулиб: “Худога солдим!...” деб қўяверади. ✍️ Баҳрилло ИХТИЁРОВ @GeologyUzbekistan

#tavsiya ТЕЛЕФОН ОДОБЛАРИДАН ... Тунда ёки тонг сахарда ёки одатда одамлар дам оладиган пайтларда бирор зарурат бўлмаса, қўнғироқ қилишдан сақланиш лозим. Бемаврид қилинган телефон овози баъзи кишиларни чўчитиб юбориши, ухлаётган кишини уйғотиши, дам олаётган беморларнинг тинчини бузиши, ёш болалар ва қарияларни безовта қилиб қўйиши мумкин. Телефон қилувчи шу нарсаларни мулохаза қилиши, имкон қадар муносиб вақтларда қўнғироқ қилишга эътиборли бўлиши лозим... Баъзан зарурат сабабли кишилар бемаврид телефон қилишга хам мажбур бўлишади. Ана шундай пайтларда телефонни кўтарувчи киши телефон қилган шахсни хижолатга қўймаслик учун иложи борича ухлаётганини билинтирмай гаплашса яхши бўлади. Унинг уйқусираб гаплашиши бемаврид телефон қилганидан шундоқ хам хижолат чекиб турган кишини яна бир карра хижолат чекишига сабаб бўлади... Агар бу холат одатда кишилар ухламайдиган пайтларда бўлса, унда ўзи хақида ўзга инсонлар ёмон фикрга - уйқучи ёки дангаса деган гумонларга - боришларига сабаб  бўлиб қолади... @GeologyUzbekistan

Ҳодисанинг такрорланиши қудуқ жойлашган жойнинг географик хусусияти билан боғлиқ – энергетика вазири Бойсундаги М-25 конидан газ сизиб чиқиш ҳолатига доир очиқланган расмий маълумотлар: ⚫️15 сентябрда водород сулфид газининг сизиб чиқиши тўхтатилди ва қудуқ беркитилди; ⚫️17 сентябрь куни соат 16:00 да 604-сонли қудуқда юқори босимли водород сулфид газининг сизиб чиқиши қайд этилди; ⚫️воқеа жойида бўлган 4 нафар мутахассис ҳалок бўлди, 11 киши тан жароҳати олди ва касалхонага ётқизилди – улардан 9 нафари аллақачон уйига жўнатилган, яна 2 нафари яқин кунларда чиқарилади; ⚫️кон 1975 йилда очилган бўлиб, оғир кон-геологик шароит туфайли ўзлаштирилиши энг қийин конлардан бири ҳисобланади. Мураккаб геологик тузилиш кўп сонли структуравий бузилишларнинг мавжудлиги, филтрация-сиғим хусусиятларининг катта хилма-хиллиги билан боғлиқ. ⚫️кондаги ишлар мамлакатда газ қазиб олишнинг камайиши ва аҳоли ўртасида истеъмолнинг кўпайиши муносабати билан қайта тикланди, чунки М-25 ҳозирда Ўзбекистондаги энг йирик ўзлаштирилмаган газ кони бўлиб қолмоқда. @GeologyUzbekistan