Dr.Suzan El-Shaf3y...د.سوزان الشافعي

★ إيَّاكُم و الفضائح ★ ------------------ ـ في حد باعت بوست عن الفتن و القصص اللي بنسمعها الأيام دي على حكاية التَّحرش و الاغتصاب.. ـ فأنا بأقولكم " أمانة عليكم احفظوا لسانكم..إيَّاكُم و أعراض النَّاس..إيَّاكُم و أعراض المسلمين "..🤐 ـ إيَّاكُم وأعراض النَّاس بالأسماء..أو تقولوا دي بنت فلان أو ده خطيب فلانة..🤫 ـ افتكروا قول رسُول اللَّه ﷺ:- "مَنْ تَتَبَعْ عَورَةَ أَخِيهِ تَتَبَعْ اللَّهُ عَورَتَهُ، وَمَنْ تَتَبَع اللَّهُ عَورَتَهُ يَفْضَحْهُ وَلَو فِي جَوفِ بَيتِهِ". ـ واوعي إنتِ كأم أو إنتَ كأب تثق أوي في تربيتك و تقول:- " أنا مربي ابني كويس أو مربي بنتي كويس".. ⚠️اوعوا تأمنوا لكده..الفتن صعبة جدًا..الفتن ما بتسيبش حد دلوقتي .. ـ فتن بتخلِّي الواحد يبيع دينه بعرض الدُّنيا في لحظة...فتن كقطع الليل المظلمة..يُصبح الرجل مؤمنًا و يُمسي كافرًا...أرجوكم خلُّوا بالكم.. ـ في واحد في أحد البلاد العربية كان باعت يسأل شيخ فبيقوله:- "أنا ربيت ابني كويس جدًا .. حفظته القرآن و هو ١٢ سنة..بيصلي الخمس صلوات في المسجد..علمته الأحاديث..وديته دروس علم..حج ٣ مرات..و بعدين سافر بعد الثانوية أمريكا يكمل تعليمه..رجعلي بعد سنة واحدة بس" مُلحد" ..‼️😔 ـ الأب مش باعت يسأل الشيخ أعمل معاه إيه ؟!..لا..باعت يسأله:- " أنا قصرت في إيه ؟".‼️ ـ اوعي تثقي أبدًا في تربيتك..احنا بنربي و بنعلم و بنقول الصَّح فين و الغلط فين ..و الحلال فين و الحرام فين..لكن" كون إنُّه يسمع الكلام أو إنُّه يتهدي دي مش بتاعتك دي بتاعت ربِّنا سُبحانه وتعالى".. ـ فباللَّه عليكم آباء وأمهات الحكاية مش إنِّي ربيته و صرفت عليه و دخلته مدارس انترناشيونال و لبسته براندات..أو بتكلِم معاه و خليت ابني صاحبي أو بنتي صاحبتي ..لا مش كفاية أبدًا..لازم تدعولهم.. ـ اوعوا تنسوا أو تبطلوا تدعوا لأولادكم دائمًا لإن الفتن صعبة صعبة أوي..ولإن " حرقة الضنى صعبة و خيبة الضنى صعبة ..😔 ـ ادعولهم " إن ربِّنا ما يسؤكم فيهم ..و يغنيهم بحلاله عن حرامه..وأن يُريهم الحق حقًا و يرزقهم اتباعه ..و يُريهم الباطل باطلًا و يرزقهم اجتنابه.." #دكتورة_سوزان_علمتني

لما حد بيتفضح على السوشيال ميديا .. خدي بالك لما بتعيدي نشر فضايحه ..

*أحلى كارت مُعايدة* ------------------- في ذكرى مولد رسُول اللَّه الحبيب-صلَّى اللَّه عليه وسلَّم- عايزينه يبقى مبسوط مننا.. *طيب إزاي؟ -يوم ميلاد حد بحبُّه؛ بجيب له هدية وكارت مُعايدة.. كارت المُعايدة هيبقى⬅️كثرة الصَّلاة والسَّلام على رسُول اللَّه (صلَّى اللَّه عليه وسلَّم).. أمَّا الهدية فهتبقى⬅️ إنِّي أحاول أعمل كل حاجة ممكن تفرَّح رسُول اللَّه (صلَّى اللَّه عليه وسلَّم) مِنِّي.. *زي إيه؟ ١. بر الوالدين. ٢. حُسن معاملة النَّاس. ٣. ⁠كظم الغيظ. ٤. ⁠نبعد عن الغَيْبة والنَّميمة. ٥. ⁠زيارة مريض. ٦. ⁠صلة رحم. ٧. ⁠أتصدَّق. ٨. ⁠إتقان المُذاكرة وإتقان العمل. ٩. ⁠إطعام مساكين. ١٠. ⁠إدخال الفرحة والسرور على قلب مسلم. ١١. ⁠كف الأذى عن النَّاس. #دكتورة_سوزان_علمتني

لما بتحب تحتفل بعيد ميلاد حد .. بتجيبله كارت أو هدية .. إيه أحلى هدية ممكن نقدمها للحبيب صلى الله عليه وسلم في عيدميلاده ؟؟

كل عام وأنتم أقرب إلى الله طاعة في ذكرى مولد الحبيب صلى الله عليه وسلم https://youtube.com/playlist?list=PL5Xk7Vsi_wgXrMEHEfQPHS3PplxqJfcMu&si=BXLZhCKuyjKluBut

★ أعظم نعمة ★ --------------------------- ـ من أعظم نعم ربِّنا على بني آدم ⬅️ إنُّه يوفقه لطاعته..🤍 ـ التَّوفيق للطَّاعة هيَّ إنِّك تعملي الحاجة و تيجي في مكانها..👌🏻 ـ قال رسُول اللَّهﷺ: ﴿ سَدِدُوا (نَشِنُوا)🎯🏹 وَ قَارِبُوا (شوفي أقرب الطُّرق اللي توصلك إيه )﴾.. ـ يعني مثلاً مرة واحدة جاية تقول لي:ـ " دكتورة سوزان احنا بنوزع بطاطين كتير ".. ـ قولتلها :- "ما شاء اللَّه وهتوزعوها فين إن شاء اللَّه ؟".. ـ قالتلي:- " في أسوان "..🙄😎 لا ده إنتوا رايحين تتفسحوا في أسوان بقى 🫤 ـ طيب والنَّاس اللي هنا حوالينا ما بتفكروش في النَّاس اللي هنا ... ـ دلوقتي حوالين كل حي راقي في منطقة عشوائية مش شعبية.. ـ في المناطق العشوائية دي النَّاس ساكنة في عشش صفيح مش في بيوت ..🥺 #دكتورة_سوزان_علمتني

النعمة دي هي من أعظم نعم ربنا سبحان وتعالى علينا