Enat Bank

የእናት ባንክ አመራሮች እና ሠራተኞች፣ በአርቲስት ንዋይ ደበበ ልጅ ሠላም ንዋይ ህልፈተ ህይወት የተሰማንን ጥልቅ ሃዘን እየገለጽን ፣ለአርቲስት ንዋይ እና ለመላው ቤተሰብ መፅናናትን እንመኛለን።

ለመላው የእስልምና እምነት ተከታዮች በሙሉ እንኳን ለመውሊድ በዓል በሰላም አደረሳችሁ! በዓሉን ምክንያት በማድረግ "ኡሚ" ስለተሰኘው ከወለድ ነጻ የባንክ አገልግሎታችን እና ተያያዥ ርዕሰ ጉዳዮች ላይ፣ የባንካችን ከወለድ ነጻ የባንክ አገልግሎት መምሪያ ዳይሬክተር ከሆኑት ከአቶ ፋሪስ አህመድ ጋር በትርታ 97.6 ኤፍ ኤም ላይ የተደረገውን ቆይታ ታደምጡት ዘንድ እነሆ ብለናል፡፡ መልካም በዓል! https://drive.google.com/file/d/13sGj29UPiZ2LK4TDYuFD5dGqdlWIpWSl/view?usp=sharing

ኡሚ - በሸሪዓ መርህዎች በሚመራ የእናት ባንክ ከወለድ ነጻ የባንክ አገልግሎት ተጠቃሚ ይሁኑ! Ummi - A Shariah-compliant, Interest-free banking service provided by Enat Bank to meet your financial needs!

እናት ባንክ አዲስ ዓመትን ከመሰረት የበጎ አድራጎት ድርጅት ጋር አከበረ ጷጉሜ 05/2016 ዓ.ም እናት ባንክ አዲስ ዓመትን በማስመልከት ቃሊቲ በሚገኘው የእናቶችና ህፃናት መርጃ ማዕከል በመገኘት፣ ለመሰረት የበጎ አድራጎት ድርጅት የተለያዩ ድጋፎችን አድርጓል። መሰረት የበጎ አድራጎት ድርጅት ከነልጆቻቸው ጎዳና ላይ ያሉ እናቶችን በማንሳት ወደ ማዕከሉ ከወሰዳቸው በኋላ፣ አስፈላጊውን ህክምናና እንክብካቤ እያደረገላቸው፣ ወደ መደበኛው የአኗኗር ዘይቤ እንዲመለሱ ያግዛቸዋል። በተጨማሪም የስልጠናና የምክር አገልግሎት በመስጠት ራሳቸውን ችለው ህይወታቸውን እንዲመሩ፣ ለእያንዳንዳቸው ቤት በመከራየት፣ የስራ ማስጀመሪያ ካፒታል እና አስፈላጊውን እቃዎች በማሟላት፣ አቅመ-ደካማ እናቶችን በመርዳት ትልቅ አስተዋጽኦ እያበረከተ ይገኛል። ማህበራዊ ኃላፊነቱን በሚገባ እየተወጣ የሚገኘው እናት ባንክም፣ ይህን በጎ ተግባር ከግምት በማስገባት ነው ለመሰረት የበጎ አድራጎት ድርጅት የገንዘብ ድጋፍና የምሳ መርሀ ግብር ያዘጋጀው። በመርሀ ግብሩ ላይ የባንኩ የአመራር አባላትና ሠራተኞች የተገኙ ሲሆን፣ ወደ 400 ለሚጠጉ እናቶች እና ህፃናት ማዕድ በማካፈል፣ ለድርጅቱም የ150 ሺህ ብር ስጦታ አበርክተዋል። በመርሀ ግብሩ ላይ የተገኙት የባንኩ የግብይት ተግባቦትና የደንበኞች አገልግሎት መምሪያ ኃላፊ ወ/ሮ አክሊል ግርማ፣ ከመሰረት የበጎ አድራጎት ድርጅት ጋር የተጀመረው መልካም ግንኙነት ቀጣይነት የሚኖረው መሆኑንና፣ ባንኩ ወደፊትም ማህበራዊ ኃላፊነት የመወጣት ሥራውን አጠናክሮ እንደሚቀጥል ገልጸዋል።