BlogerUz | ортга йўл йўқ!

#ҳайдовчилар_диққатига ❗️1 октябрдан бошлаб жарималар миқдори ошади Видео лавҳа орқали янги миқдорлари билан танишиб олинг! @blogeruzofficial

Самарқандда қизларни Уммон давлатига фоҳишаликка жўнатиб келган 2 аёлга суд ҳукми ўқилди Жабрланувчи қизлар орасида судланувчининг овсини ҳам бўлиб, уни официантликка юборишини айтиб, алдаган. @blogeruzofficial

Автомобиль транспортида ёнилғи иқтисоди Автомобил транспорт бошқармасида ишлаб чиқариш таннархини тушириш мақсадида юк кўтариш қуввати 20 тоннага эга “Камаз” технологик транспорт воситалари дизел ёнилғисидан метан газига ўтказилди. АТБ режа-иқтисодиёт бўлими бошлиғи Шерали Эргашев маълумотига кўра, ҳозирда 4 дона техникага метан ускуналари ўрнатилган. Масалан, битта “Камаз” 3000 км масофани босиб ўтиш учун 1500 литр дизел ёнилғиси сарфлайди ва бу 17 250 000 сўмга тушади. Метанда эса шу масофага 6 900 000 сўм сарфланади, яъни битта транспорт воситаси ўртача 10 350 000 сўм маблағни тежайди. Келгусида технопаркдаги барча техникалар метанга ўтказилиши режалаштирилган. Шунингдек, конлардаги “БелАЗ” автогигантларини ҳам метанга ўтказиш бўйича илмий изланишлар олиб борилмоқда. @blogeruzofficial

⚡️ Айрим товарлар ва хизматлар бўйича ҚҚС имтиёзлари бекор қилинади Президент Фармонига кўра, 2025 йил 1 январдан: 🔵 йўловчиларни ягона тарифлар бўйича ташиш хизматларини кўрсатиш айланмаси ҳамда ногиронлиги бўлган шахсларнинг жамоат бирлашмалари ягона иштирокчиси ҳисобланган юридик шахслар томонидан реализация қилинадиган товарлар ва хизматлар учун қўшилган қиймат солиғи бўйича имтиёзлар бекор қилинади; 🔵 янги барпо этилаётган боғлар, токзорлар ва тутзорлар эгаллаган ерлар учун юридик шахслардан олинадиган ер солиғини тўлашдан озод қилиш тарзидаги имтиёзни бекор қилган ҳолда, мазкур ер участкалари бўйича солиқ ставкаси 50 фоизга камайтирилади. @blogeruzofficial

#тезкор 🏠Уй-жой учун субсидияга ариза бериш 23 сентябрдан бошланади Субсидия олиш учун ариза берувчилар ўз даромадларига яқин қариндошларининг даромадларини ҳам қўшиши мумкин. Ўртача даромад миқдори қуйидаги даражада бўлиши лозим: 🔸Тошкент шаҳрида: 2,8-9,66 млн сўм; 🔸Қорақалпоғистон Республикаси ва вилоятларда: 2,8-8,4 млн сўм. Аризаларни Давлат хизматлари марказлари ёки my.gov.uz портали орқали топшириш мумкин. @blogeruzofficial

🇹🇷Туристик мақсадларда Туркияга сафар қилган ўзбекистонликлар қанча бўлгани айтилди 2024 йилнинг январь-июль ойларида 123 минг нафар Ўзбекистон фуқаролари туристик мақсадларда Туркияга кетган. Бу кўрсаткич ўтган йилнинг мос даври билан солиштирилганда 20,2 минг нафарга ёки 19,7 % га ошган. @blogeruzofficial

Тошкентда фуқаронинг жинсий аъзосини кесиб, унга 21 маротаба пичоқ санчганлар 18 йилга қамалди Жиноят ишлари бўйича Мирзо Улуғбек туман судида танишининг жинсий аъзосини аввалига ўтмас пичоқ, сўнгра темир кесувчи арра билан кесиб ташлаб, 21 маротаба пичоқ санчганлар иши кўриб чиқилди. Қотилликка марҳумнинг онадан сўкингани сабаб бўлган. Ушбу қотилликни содир этишда айбли деб топилган 2 нафар судланувчининг ҳар бири 18 йил муддатга озодликдан маҳрум қилинди. @blogeruzofficial

#Ана_холос Буханка Нон маҳсулотларининг ичига дори солиб ўтмоқчи бўлган шахс қўлга олинди. Тошкент халқаро аэропортида божхона ходимлари Деҳлидан келган йўловчи нон орасига, ширинликлар ва совун қутилари ичига дори воситаларини яширганини фош қилди. 8 номдаги 59 та ампула, 97 та флакон ва 142 та конвалютадаги дори воситаларининг умумий қиймати дастлабки ҳисоб-китобларга кўра 40 млн сўмни ташкил қилмоқда. @blogeruzofficial

Руминияда 5,3 магнитудали зилзила содир бўлди Кучли силкинишлар Болгария, Молдова ва Украинада ҳам сезилган. Зилзила вақтида Молдова президенти Майя Санду маҳаллий телевидениеда эфирда бўлган. @blogeruzofficial

Ўзбекистон фуқароларининг Германияга бориб ишлаши учун виза олиш тартиби осонлаштирилади Мазкур келишув Германия канцлери Олаф Шольцнинг Самарқандга ташрифи доирасида имзоланди. «Deutsche Welle» нашри хабарига кўра, ҳужжатлар орасида малакали ўзбек ишчиларининг (айниқса, соғлиқни сақлаш соҳасидаги) Германияга кўчиб ўтишини осонлаштирадиган, шунингдек, ўзбеклар кетишга мажбур бўлса, ўз ватанига қайтишини осонлаштирувчи келишув ҳам бор. Бир неча ой давомида тайёрланаётган янги келишув Ўзбекистон фуқароларининг Германияга қонуний миграциясини соддалаштириши ҳам кутилмоқда. @blogeruzofficial