Tech Lead – навука і тэхналёгіі

Навукоўцы адкрылі амаладжальны эфэкт распаўсюджанага прэпарату Экспэрымэнты кітайскіх навукоўцаў над малпамі паказалі, што прэпарат мэтфармін, які выкарыстоўваюць у лекаваньні цукроўкі, можа зьнізіць біялягічны ўзрост малпаў на 6 гадоў, што адпавядае 18 гадам чалавека, піша Daily Mail. Падчас дасьледаваньня малпы ва ўзросьце ад 13 да 16 гадоў, што адпавядае 40-50 гадам чалавека, атрымлівалі дозу мэтфарміну, аналягічную чалавечай. Эксперымэнт працягваўся тры з паловаю года, што эквівалентна 10 гадам жыцьця чалавека. Вынікі паказалі запаволеньне старэньня мазгоў на 6 гадоў (эквівалентна 18 чалавечым гадам), паляпшэньне памяці і здольнасьці да навучаньня. Аўтары адзначаюць, што, нягледзячы на тое, што ў адной з малпаў падчас экспэрымэнту разьвілася хвароба нырак, сур’ёзных пабочных эфэктаў у большасьці не было. Адкрыцьцё можа стаць значным прарывам на фоне павелічэньня колькасьці пажылога насельніцтва і росту хваробаў, зьвязаных з старэньнем.

AirPods Pro 2 афіцыйна прызнаныя слыхавым апаратам Apple атрымала сэртыфікат слыхавога апарата ад FDA (амэрыканскае кіраўніцтва кантролю харчовых прадуктаў і лекавых сродкаў) на свае слухаўкі дзякуючы штучнаму інтэлекту, які дыягнастуе ўспрыманьне гуку карыстальнікамі. Афіцыйны кошт AirPods Pro 2 складае $249, што ўтрая таньней за аналягічныя паводле якасьці прылады.

У Берасьці пабудавалі нестандартны дом. Меркаваньні аб ім падзяліліся Sikorsky House вылучаецца цёмным фасадам з керамічнае цэглы і разнастайнасьцю вокнаў, піша Onliner. Аўтар праекту – архітэктурная студыя Majsterni. Перад камандаю стаяла няпростая задача: прыдумаць унікальны і эстэтычна прывабны аб’ект, які не каштаваў бы касьмічных грошай, бо забудоўнік “Міленіум Сіці” усё ж хацеў зрабіць дом з даступным жыльлём. Усяго за паўгода ўсе кватэры знайшлі сваіх пакупнікоў. Цана за “квадрат” складала ад 2540 да 2740 рублёў. У інтэрнэце меркаваньні аб новым будынку падзяліліся. Хтосьці захапляецца і просіць рабіць больш такіх праектаў у Берасьці. Хтосьці лічыць комплекс занадта змрочным. Але абыякавых людзей мала.

Проста космас: пераможцы конкурсу астранамічных фота Грынвіцкая каралеўская абсэрваторыя абвясьціла пераможцаў конкурсу астранамічных фотаздымкаў Astronomy Photographer of the Year 2024. Да вашае ўвагі – некаторыя працы пераможцаў. Усе фота можна паглядзець тут.

На Зямлю вярнуўся экіпаж зь першым касьмічным турыстам, які выйшаў у адкрыты космас Касьмічны карабель прыватнае кампаніі SpaceX раніцаю ў нядзелю пасьпяхова сеў на ваду ля берагоў амэрыканскага штату Флорыда пасьля пяцідзённага арбітальнага палёту. На яго борце былі чацьвёра астранаўтаў. Місія Polaris Dawn была камэрцыйнаю. Упершыню ў гісторыі прыватная асоба выйшла ў адкрыты космас.

Маск заклікаў замяніць дэмакратыю ўрадам з высакастатусных мужчын Ілан Маск падтрымаў у сацсетцы Х тэорыю аб тым, што “рэспубліка” з вальнадумствам магчымая толькі ў выпадку, калі рашэньні прымаюць “высакастатусныя мужчыны”, а людзі, якія ня могуць абараніць сябе фізычна (жанчыны і “мужчыны зь нізкім узроўнем тэстастэрону”) у працэсе вітацца ня будуць, расказвае The Independent. Паводле тэорыі, якая зьявілася ў 2021 годзе, адзіныя людзі, здольныя думаць вольна, — гэта “альфа-самцы з высокім узроўнем тэстастэрону” і “анэўратыпічныя людзі”. Гэтыя “высакастатусныя мужчыны” маюць кіраваць “рэспублікаю”, створанай “толькі для тых, хто можа вольна думаць”. “Цікавае назіраньне”, — напісаў Маск, робячы рэпост гэтае тэорыі, якая была апублікаваная на старонцы AutismCapital, дзе часта падтрымліваюць задумы Маска і посьцяць мэмы, што імпануюць правым.

🔴SpaceX адправіла першых турыстаў у адкрыты космас Асноўная мэта палёту – зьдзейсьніць першы ў гісторыі прыватны выхад у адкрыты космас. Экіпаж карабля Crew Dragon правядзе ў космасе 5 поўных дзён, выконваючы навуковыя экспэрымэнты. Карабель дасягнуў рэкорднае вышыні 1400 км над Зямлёю. Для параўнаньня, арбіта МКС знаходзіцца на вышыні 400 км. Двое з чатырох членаў экіпажу ўжо выйшлі у адкрыты космас – упершыню ў гісторыі касьмічнага турызму.

Huawei прэзэнтавала першы складаны смартфон з двума лініямі згіну Смартфон Mate XT мае экран дыяганальлю 10,2 цалі і згінаецца ў тры пласты. Таўшчыня прылады ў цалкам складзеным стане – 12,8 мм, а ў раскладзеным – рэкордныя 3,6 мм. Заяўлены кошт базавае вэрсіі на 16/256 ГБ складае $2800.

📱 Apple прэзэнтавала новыя айфоны, гадзіньнікі і слухаўкі Apple правяла галоўную прэзэнтацыю 2024 года і паказала новыя лінейкі iPhone, Apple Watch і AirPods. Apple Watch Series 10 атрымалі самы вялікі дысплэй і самы тонкі (9,7 мм) корпус у гісторыі сэрыі. Форму AirPods зьмянілі, каб яны лепш сядзелі ў вушах, корпус зрабілі танчэйшы, а таксама дадалі функцыю актыўнага шумападаўленьня. Слухаўкі цяпер будуць сачыць за здароўем вушэй. Галоўнаю фішкаю новых “айфонаў” стаў убудаваны штучны інтэлект. Мадэлі 16 і 16 Plus маюць экраны з дыяганальлю 6,1 і 6,7 цалі, Pro і Pro Max – 6,3 і 6,9 цалі. Акрамя таго, на iPhone зьявілася новая кнопка Camera Control, націсканьнем якое можна кіраваць камэраю.

У WhatsApp зьявіцца магчымасьць пісаць карыстальнікам Telegram і іншых мэсэнджараў 📱 Новаўвядзеньне зьвязанае з новым законам Эўразьвязу, які патрабуе ад буйных інтэрнэт-сэрвісаў забясьпечыць сумяшчальнасьць паміж плятформамі. Функцыя будзе ўкараняцца паступова. Карыстальнікі атрымаюць апавяшчэньні ў аплікацыях аб даступнасьці аб’яднаньня чатаў з розных сэрвісаў.