МАЙА СОНУННАРА

Майинскай 19/2 аадырыска баар, норуокка биллэринэн Санта Барбара элбэх кыбартыыралаах дьиэ иннин сөргүттүлэр. Бүгүн эр дьон түмсэн күөх үүнээйи эргэ полисаднигын көтүрэн ылан, тупсаҕай тимир күрүөнү туруордулар. Санатан эттэххэ, таптал көлүччэтэ саҥалыы бырайыагынан сөргүтүллэр буолан, эргэ тимир күрүөтүн аҕалан субуотунньук бэрээдэгинэн көрүөх бэтэрээ өттүгэр оҥорон кэбистилэр. Бу дьиэҕэ оҕо поликлиниката баар буолан сырыы элбэҕинэн, массыына тохтуур былаһааккатын киэҥ-куоҥ гына кэҥэтэн биэрдилэр. Мантан иннэ массыына тохтууругар табыгастаах буолуоҕа. Майа киинигэр турар эргэ тутуулаах аатырбыт дьиэ, харахха быраҕыллар гына сырдыы түстэ. @mayasonun

Уважаемые руководители торговых предприятий всех форм собственности, индивидуальные предприниматели, жители и гости Мегино-Кангаласского улуса!   Административная комиссия МР «Мегино-Кангаласский улус» сообщает информацию о применении ст.2.9. КоАП РС(Я). Законом РС(Я) от 14.06.2022 2495-3 №901-VI на территории РС(Я) установлен запрет на продажи несовершеннолетним товаров для личных и бытовых нужд, содержащих сжиженный углеводородный газ, и вовлечения несовершеннолетних в процесс употребления сжиженного углеводородного газа‼️ Согласно ч.1 ст.2.9 КоАП РС(Я) за нарушение запрета продажи несовершеннолетним товаров для личных и бытовых нужд, содержащих сжиженный углеводородный газ предусмотрена ответственность в виде административного штрафа на граждан в размере от двух тысяч до трех тысяч рублей; на должностных лиц - от десяти тысяч до двадцати тысяч рублей; на юридических лиц - от тридцати тысяч до пятидесяти тысяч рублей. Подробнее⏬️⏬️⏬️ https://mr-megino-kangalasskij.sakha.gov.ru/news/front/view/id/3414610

Аркадий Алексеев үҥүүнү быраҕыыга уонна пятиборьеҕа муҥутуур көрдөрүүнү олохтообута 60 сылыгар аналлаах «КУС БЫҺЫЙ – АТ БӨҔӨ» биэс көрүҥүнэн күөн күрэс түгэннэриттэн 📽️

"КУС БЫҺЫЙ-АТ БӨҔӨ" КҮӨН КҮРЭС КЫАЙЫЫЛААХТАРА ААТТАННЫЛАР Бүгүн, балаҕан ыйын 14 күнүгэр, Майа сэлиэнньэтин “Манчаары” стадионугар Саха биллиилээх композитора, Саха комсомолун бириэмийэтин лауреата, СӨ норуодунай артыыһа, Мэҥэ Хаҥалас, Кэбээйи, Үөһээ Бүлүү улуустарын, Дьокуускай куорат уонна Саха Өрөспүүбүлүкэтин бочуоттаах олохтооҕо, Арассыыйа суруналыыстарын сойууһун чилиэнэ, саха саарына, дэгиттэр талаан Аркадий Алексеев үҥүүнү быраҕыыга уонна пятиборьеҕа муҥутуур көрдөрүүнү олохтообута 60 сылыгар аналлаах «КУС БЫҺЫЙ – АТ БӨҔӨ» биэс көрүҥүнэн күөн күрэс ыытылынна. Өрөспүүбүлүкэ араас муннуктарыттан аҕыс чулуу спортсмен хапсаҕай, 400 миэтэрэҕэ сүүрүү, мас тардыһыы, ыараханы өрө тардыы, үҥүүнү быраҕыы көрүҥнэринэн илин-кэлин түһүстүлэр. Кыттыыны ыллылар: 🔷Горнай улууһуттан Дьулустан НОГОВИЦЫН–2024 сыллаах Дыгын оонньууларын чөмпүйүөнэ, мас-рестлиҥҥа Аан дойду икки төгүллээх чөмпүйүөнэ, Арассыыйа спордун маастара, хаамысканы көтөҕөн ыраах илдьиигэ Дыгын оонньууларын рекордсмена; 🔷Ньурба улууһуттан Владимир ФЕДОРОВ–национальнай многоборьеҕа Саха Өрөспүүбүлүкэтин чөмпүйүөнэ, 2023 сыллаах «Тоҕус томтор» турнир кыайыылааҕа, хапсаҕай, ыстаҥа, национальнай многоборье көрүҥнэригэр Саха Өрөспүүбүлүкэтин спордун маастара; 🔷Амма улууһуттан Гарри СДВИЖКОВ–мас-рестлинг көрүҥэр Арассыыйа спордун маастара, уол оҕолорго Арассыыйа чөмпүйүөнэ, 2022 сыллаах «Амма боотура» многоборье көрүҥүн чөмпүйүөнэ; 🔷Чурапчы улууһуттан Павел ДРУЗЬЯНОВ–«Тоҕус томтор» өрөспүүбүлүкэтээҕи многоборье турнирын икки төгүллээх чөмпүйүөнэ; 🔷Өлүөхүмэ улууһуттан Вениамин ПОПОВ–мас-рестлинг көрүҥэр спорт маастара, Саха Өрөспүүбүлүкэтин хас да төгүллээх чөмпүйүөнэ, ыччаттарга Арассыыйа чөмпүйүөнэ, Аан дойдутааҕы бойобуой ускуустубаҕа Евразия оонньууларын чөмпүйүөнэ; 🔷Уус Алдан улууһуттан Савва КОПЫРИН–пауэрлифтинг көрүҥэр өрөспүүбүлүкэ призера; 🔷Ньурба улууһуттан Данил МОИСЕЕВ-Федор Михайлович Дегтярев аатынан мас-рестлинг күрэҕин 2022 сыллаах муҥутуур кыайыылааҕа; 🔷Мэҥэ Хаҥалас улууһуттан Егор ТЕРЕНТЬЕВ-хотугу многоборьеҕа Арассыыйа спордун маастара, чөмпүйүөнэ, СӨ хас да төгүллээх чөмпүйүөнэ. Күрэс үөрүүлээх чааһыгар улуус баһылыга Дмитрий Тихонов, СӨ норуотун хаһаайыстыбатын үтүөлээх үлэһитэ Матвей Мучин, биир дойдулаахпыт Аркадий Алексеев бүгүҥҥү тэрээһин бары кыттыылаахтарын эҕэрдэлээн туран спортсменнарга кыайыыны-хотууну баҕардылар. Күрэхтэһии сүрүн судьуйатынан Иван Белолюбскай үлэлээтэ. Саха эстрадатын чаҕылхай сулустара Айса, Сиэйэ уола уонна Аркадий Алексеев айар бөлөҕүн кыттааччылара ылбаҕай ырыаларынан, "Кыталык" үҥкүү норуодунай ансаамбылын иитиллээччилэрэ кэрэ үҥкүүлэринэн күрэхтэһиини киэргэттилэр. Ыытааччы Аскалон Семенов. Көрүҥнэринэн түмүк: Хапсаҕайга 🥇Владимир Федоров 🥈Дьулустан Ноговицын 🥉Гарри Сдвижков 400 миэтирэҕэ сүүрүүгэ 🥇Егор Терентьев 🥈Дьулустан Ноговицын 🥉Павел Друзьянов Мас тардыһыытыгар 🥇Дьулустан Ноговицын 🥈Павел Друзьянов 🥉Вениамин Попов Ыараханы өрө тардыыга 🥇Дьулустан Ноговицын 🥈Владимир Федоров 🥉Павел Друзьянов Үҥүүнү быраҕыыга 🥇Дьулустан Ноговицын 🥈Павел Друзьянов 🥉Владимир Федоров буоллулар. Тыҥааһыннаах киирсии түмүгүнэн МУҤУТУУР КЫАЙЫЫЛААҔЫНАН Горнай улууһуттан Дьулустан Ноговицын буолла уонна 500 тыһыынча солкуобай уу харчынан наҕараадаланна🏆🏆🏆 Иккис миэстэни Ньурба улууһуттан сылдьар Владимир Федоров ылары ситистэ уонна 125 тыһыынча солкуобай уу харчы хаһаайына буолла🥈 Үһүс миэстэҕэ Чурапчы улууһуттан Павел Друзьянов таҕыста уонна 75 тыһыынча солкуобайы ылары ситистэ🥉 Дьон-сэргэ тоҕуоруһа мустан, күрэхтэһээччилэргэ ыалдьан, бэртээхэй күрэҕи көрөн сэргэхсийэн, астынан тарҕастылар. Мэҥэ Хаҥалас улууһун дьаһалтатын пресс-сулууспата

Саха сирин бастыҥ архитектордара Майа сэлиэнньэтигэр үлэлээтилэр. Майаҕа федеральнай программанан олоххо киирбит бырайыактары илэ харахтарынан көрдүлэр, итиэннэ тутулла турар "Таптал көлүччэтэ", "Кыайыы аартыга" монумент тутуута хайдах баран иһэрин билистилэр. Күн түмүгүнэн, дьон олороругар табыгастаах эйгэни тэрийиигэ саҥа бырайыактары олоххо киллэрэргэ сөбүлэстилэр, кэскиллээх былааннары торумнаатылар. Видеоҕа Зоя Герасимова бэлэмнээбит матырыйаала. @mayasonun

"Майа сэлиэнньэтэ" тыа сирин түөлбэтин дьаһалтата сир учаастагын атыытыгар АУКЦИОНУ биллэрэр. 14:15:150007:202 кадастровай нүөмэрдээх Майа сэлиэнньэтин сирэ, Сир категорията: нэһилиэнньэлээх пуун, Сири туттуу көҥүллэнэр көрүҥэ: бэйэ дьыалатын тэринии (предпринимательство) Иэнэ: 2068 кв.м. Начальнай сыаната: 2 700 000 солк. Сайаапкалары тутуу алтынньы ый 1 күнүгэр 09:00 чааска түмүктэнэр. Аукцион алтынньы ый 3 күнүгэр 10:00 чаастан электроннай былаһааккаҕа ыытыллан саҕаланар. Аукциоҥҥа кыттарга электроннай цифровой подпись (ЭЦП) ирдэнэр, сайаапкалары электроннай былаһааккаҕа www.rts-tender.ru ыытаҕыт. Сиһилии билсэр нүөмэргит: 📲 +79141049109 📲+79141198823

Бу күннэргэ Дьокуускай куоракка "Түмэн" уопсастыбаннай холбоһук иһинэн үлэлиир иистэнэр сыах салайааччыта Наумова Федора Ивановна, волонтер иистэнньэҥнэр Петрова Антонина Николаевна, Куприянова Антонина Петровна, Семенова Евдокия Петровна, Филиппова Ариадна Абрамовна "Байыаннай дьайыыга кытта сылдьар дьоҥҥо баҕа өттүнэн көмөлөрүн иһин" диэн анал түөскэ кэтиллэр мэтээлинэн наҕараадаланнылар. Тэрээһин киин куорат мэриятын дьиэтигэр добровольческай анал ресурснай киин көҕүлээһининэн тэрилиннэ. Ис сүрэхтэн кыһаллан үлэлиир бастыҥ үлэһит дьоммутун үрдүк наҕарааданы ылбыккытынан истиҥник эҕэрдэлиибит. Түгэнинэн туһанан бэйэ баҕатынан, байыаннай дьайыы кыттыылааҕар уонна кинилэр дьиэ кэргэннэригэр көмөлөһө сылдьар дьоммутугар, волонтердарбытыгар махтал истиҥ тылларын аныыбыт. Майа олохтоох дьаһалтата