#خربشات_نونا فتحى

{دوام الحال من المحال} بيجيلنا وقت بنتمني لو تحصل حاجة تاخدنا من وسط التعب والخنقة والروتين الممل اللي احنا فيه ..نغمض و نفتح عنينا نلاقي كل حاجة بقت احسن .. نلاقي تعبنا خلاص انتهي .. نلاقي نهاية لوجعنا .. يحصلنا تغيير جذري في حياتنا للأجمل يجدد روحنا و شغفنا تاني للحياة بعد ما الواحد خلاص انطفي من جواه و بقي بيلف في دايرة ايام هي اللي عايشاه مش هو اللي عايشها .. نونا فتحى

{ليست قوية ولكنها صامتة} هي قوية جدا ظاهرها سلام تكاد أن تجزم أنها في أوج النعيم .. ولكن عندما تختلسُ النظر من عينيها إلى داخلها ترى حروبا أبت أن تهدأ .. قوية جدا لدرجة أنها تستطيع أن تسند الجميع عليها بقوتها ليست بحاجة ماسة لأحدهم و لا تعتمد على أحد فإنها تملك المقدرة على التعافي في حين غرة .. تملك القوى الخارقة على أن تبدأ من جديد .. تبدوا الأمور اعتيادية عندما يتعلق الأمر بها كاتمة .. تظهر ضعفها على هيئة قوة .. بارعة في إظهار إحتياجها على هيئة برود حتى حزنها تخبئه خلف ضحكة لكن ضحكتها مليئة بالبكاء .. ليست قوية ولا حادة لكنها كاتمة ما لا يحكى ولا يقال .. فاقدة لمن تأمن إليه فتسكن وتطمئن وتحتوي إنها خَائفة قوية كالحرب ناعمة كالسلام .. من يواجهة الصعوبات فهو الفائز .. ومن يتغلب على حزنه في أصعب الأوقات فهو القوي .. ومن يعلم انه يستطيع على التغلب فإنه بإرادته وعزيمته ناحج .. نونا فتحى

{مجرد حياة} وها هي تمضي بنا الحياة ولا نستيقظ إلا عندما نجد قطار العمر قد مر بنا وأخذ معه أجمل واحلى سنين أعمارنا .. فلا نحن حققنا أحلامنا ولا عشنا حياتنا ورضينا بواقعنا وبقدرنا الذي كتب لنا .. كنا دائما نقول إن بكره أجمل وادينا كبرنا واكتشفنا ان الجمال كان في الأمس وبكره ده مجهول ننتظره ومجاش لسه .. إنما بحاضرنا يوجد قليلون هم من يلمسون في أرواحنا وترا ويعزفون لحنا خالدا .. وقليلون منهم من يغرق في تفاصيلنا فنغرق في احترامهم .. هؤلاء نبقى ممتنين لهم حتى آخر نبضة .. نونا فتحى

{إليك فقط اكتب} يا من علمتني كيف أنقش على كفي صورا وكلمات .. تلك كلماتى وإليك فقط أكتب ومنك أستلهم صورا وحكايات .. أنت وأنا ثنائي تعجز الدنيا عنه لإيجاد نظريات .. وتدفعني مشاعري إليك للتواصل مع أنفاسك المعطره وأنغامك العذبه فتأخذني أشواقي إلي واحاتك الخضراء .. فأنت وحدك من تستحق الحب والوفاء .. سأرتمي إلي أحضانك وأروي لك قصه حبي وأخبرك عن عشقي الذي أستوحيه منك إليك .. فأنت حياتي وشمسي التي لا تغيب عني في كل صباحا وبكل مساء .. تلك كلماتي إليك لا تحتاج أسئله بل تحتاج إلي إجابات .. نونا فتحى

{وجع بأااالف آااااه} ممكن تتوجع من أمور كتير في حياتك بس فيه وجع بيعلم جواك .. بيكسرك وجع بيغير فيك كتير يحولك لشخص تاني متعرفوش .. لما تتوجع من اقرب ناس ليك .. وجع بيقتل فيك الحياة وانت حي ..و ها هي أخيرا بكيت عندما أرادت أن تكتب وجعها .. وفي آخر كلمة .. #اكتشف .. أنه لم يكن هناك حبر في الدواه .. فسطرت بدمع عينيها قصيدة حروفها من وجع وألف آااااه .. نونا فتحى ٢٠١٩

{أم قلب أبيض} الجزء الثاني ممكن الكل بيجي عليها ويحملها فوق طاقتها لانهم عارفين انها مهما شالت مبتعرفش تشتكي .. محترفه في الكتمان واظهار عكس اللي هي حاسه بيه .. ممكن تكون بتموت من جواها بس تظهر للناس انها فرحانه مش عاوزه تكون عبء علي حد او تشوف نظره الشفقه منهم علي حالها .. بتفضل التظاهر بالقوه رغم انها من جوه هشه واقل حاجه تكسرها .. بيقولوا ان عندها جبروت يهد جبال لانها بتظهر عكس اللي هي حاسه بيه .. خايفه من ان حد يقرب منها ويكون سند ليها ويعرف كل مشاكلها وفي الاخر يسيبها بتواجه مشاكلها لوحدها وتعاني من تاني .. فبتختار الوحده وانها توجع نفسها بنفسها احسن من وجع حد لقلبها في نص الطريق وتكمل تاني بمفردها .. مميزه بين صحابها تعرف تفرحهم وتسعدهم بكلامها الحلو .. بتعرف الجدعنه وممكن تكون بميه راجل مع صحباتها وتقف جنبهم في الشده محدش بيقصدها في حاجه وتتخلي عنه حتي لو الحد ده بيكرها وهي عارفه كده انه مش بيحب ليها الخير .. بتساعد على أد ما تقدر لأنها طيبه وقلبها ابيض .. نونا فتحى .. ٢٠١٩

{أم قلب أبيض} الجزء الأول لان قلبها زي الورده البيضه المفتحه لا يعرف خبث ولا كره بتساعدهم وتقف جنبهم عشان دي طبيعتها .. مش عشان يتقال عليها جدعه او بنت اصول .. مش عاوزه تعمل حاجه لحد او تساعده ويردلها جميلها بس بتتمني انه على الاقل مينكرش ده .. دي التربيه اللي اتربت عليها في بيت اهلها .. انها تكون في الشده سند وضهر لاي حد يسند عليها .. عندها قناعه رهيبه عينها مليانه بترضي باللي ربنا كاتبه ليها ومبتبصش للي في ايد غيرها .. بتتمني الخير للناس رغم انهم بيستكتروا عليها الفرحه ويقولولها انها مش شايله هم حاجه وعايشه حياتها لانها بتظهر ليهم كده .. رغم ان جواها هم ما يتلم بس ربنا رازقها قدره الكتمان والتحمل وانها تيجي على نفسها عشان تسعد اللي حوليها .. جواها حاجات محدش بيحس بيها غيرها ولا هي بتعرف تحكيها حتي لاقرب الناس ليها .. تعبانه نفسيا وجسديا ومبتعرفش هي فيها ايه ولا ايه السبب فده .. بتصدع من اقل حاجه مدمنه في التفكير على طول الصداع ملازمها على طول مزاجيه جدا متقلبه .. بتتحول من الفرح الهستيري للحزن والبوئس في ثواني لدرجه ان ممكن صحابها يقولولها يا مجنونه .. محدش عارف يفهما بمزاجيتها دي .. حساسه زي الاطفال ممكن تطير من الفرحه بكلمه حلوه او شات جميل مع صحباتها .. وممكن بكلمه بايخه تعيط وتنهار ومتبينش برضو .. رفقا بالنوع ده من الأشخاص لأنهم طيبين جدا .. نونا فتحى جمهورية مصر العربية .. ٢٠١٩

{الوقت كفيل بكشف حقيقه كل من حولك} مع الأيام هتعرف إن مش كل حد حبيته كان صح ومع الوقت هتعرف إن في ناس أهملتها ومديتهاش حقها وهتعرف إنهم مكنوش يستاهلوا ده .. مع الوقت هتقدر تشوف كل حاجه بوضوح ومع الوقت ممكن تضيع حاجات وتخسرها للأبد لأنك بس محسبتش الوقت الصح .. الوقت كفيل إنه يعرفك حاجات كتير أوي .. كفيل إنه يعرفك حقايق وحاجات مكنتش تتخيلها وأولها كفيل إنه يعرفك على نفسك الوقت كفيل إنه يغير مفاهيمك وقناعتك بكل حاجه حواليك وجواك .. الوقت دايما بيثبتلك إن مفيش حاجه هتفضل على حالها .. نونا فتحى

{أغبياء ولكن} يحدث أن يجعلنا الحب اغبياء جدا فنغفر أخطاء لا تغتفر .. ونتجاوز هفوات كثيره نتنازل عن كبرياء حافظنا عليه لسنين من أجل علاقه فاشله من البدايه .. نغمض أعيننا عن أشياء واضحه لنرضي ضعف قلوبنا .. نتقبل قله الإهتمام وانعدام الطمأنينه والأمان لنعيش مشاعرنا ولا ينتهي بنا المطاف نصارع الأوجاع .. نتبني الجروح ونتحمل احيانا الاستغفال والاعذار الكاذبه لأننا نحب بعمق وصدق .. يحدث أن يجعلنا الحب نتخلى عن كل شيء ونصبر لكل مر وبالاخير نحصد الخيبه والألم والخذلان فقط .. نونا فتحى

{اخترت نفسي} كان عليك أن تشعر بكلماتك قبل أن تقال .. أن تدرك أفعالك قبل أن تفعلها .. كان عليك أن تدرك قبل أن تصنع وجعا لا ينسيه حتى إعتذار .. لم اتغير على احد لكنني أصبحت أوظف مشاعري في مكانها الصحيح .. فلا أقدم لطفا وكلمات عاطفيه الا لأشخاص يبادلوني ويقدمون لي نفس اللطف والود لا أضحي إلا حين أجد الطرف الآخر يمكنه التضحيه لأجلي ولا أبالغ في وصف مشاعر الاشتياق إلا مع شخص يعبر عن اشتياقه‏ .. لم اتغير ولكنني أصبحت أرى الناس بأفعالهم وتصرفاتهم بعيدا عن نظرتي العاطفيه لهم فبعد أن كنت أغفر وأتجاوز الأخطاء التي أرتكبت في حقي حفاظا على مكانه الشخص في قلبي أصبحت الآن أكثر عقلانيه وحفاظا على نفسي لم تعد مكانه الناس مؤثره على قرراتي .. لم يعد أحد فوق الاعتبارات .‏. المكانه المميزه للشخص الذي يضعني في مكانه مميزه والخيار الأول لمن يختارني أولا والحب لمن يقدم الحب .. علاقتي بالأشخاص أصبحت مرتبطه بأفعالهم وتصرفاتهم معي لم أتغير على أحد .. لكنني قررت أن أنظر الأشياء بصورتها الحقيقه الود بالود واللين باللين والتضحيه لمن يضحي والعطاء لمن يقدم التضحيات‏ قررت أن أجمع ما تبقى مني وأختار نفسي في كل مره .. نونا فتحى