AboHmeed

استودعكم الله 🫡

1⃣

2⃣

3⃣

4⃣

5⃣

نشوفكم على خير 🤍

بسم الله.. القناة دي انشأتها بعد ما ربنا رزقني بتقفيل القدرات، أنشأتها في شهر اكتوبر سنة 2022 يعني من سنتين الا شهر تقريبا.. فضلت تكبر وتكبر وتكبر خلال الفترة دي، سميتها "ابو حميد" لاني كنت بحب اللقب ده وان الناس تناديني بيه، القناة دي شهدت شخصيتين مني.. شخصية في تانيه ثانوي، وشخصية في تالته ثانوي.. الاولى لم تكن مهتمة بما تنشره سواء هيجيبلها حسنات او سيئات، مكانش الموضوع شاغل بالها والناس القديمة اوي عارفين الكلام ده، كنت بنشر اغاني وتفاهات وكلام فاضي.. باختصار مكنتش مهتم بالأثر اللي انا هسيبه، لغاية اجازة تانيه ثانوي كنت ناوي احذف القناة تماما ولكن قررت اني احذف كل الرسايل اللي فيها وابداها من جديد، بدات الشخصية التاينه اللي بفضل الله اولا واخيرا كانت مهتمة بكل رسالة وصورة وكلمة بتنشرها، شخصية بفضل الله بطلت الاغاني وتابت، شخصية كان كل تفكيرها انها تسيب أثر كويس للناس بعد ما تمشي، وبس. واتمنى اني نجحت في ده 🤍 خلال السنتين دول عرفت ناس كتير جدا، اتخدعت ببعضهم واتخذلت من بعضهم، لكن في كذا واحد فعلا فعلا سعيد بمعرفتهم واني خرجت بيهم من مجمتمع التلي. لكن لكل بداية نهاية، ومش كل حاجة بتدوم، عشان كده قررت أحذف القناة وده قرار نهائي لا رجعة فيه، عارف انه قرار مفاجئ ولكني فكرت في القرار ده كتير جدا ووصلت للنتيجة دي في الآخر. سبب من الاسباب ان مجتمع التليجرام مبقاش احسن حاجة بصراحة وكل فترة بيزيد سوءًا وحواراته بتكتر، مش قاصد حد بعينه انا بتكلم في العموم، وانا شايف ان المكان ده معدش مناسب ليا. ثانيا انا داخل مرحلة جديدة من حياتي وهي الجامعة ومش عايز حاجة تشغلني وتاخد من وقتي وعايز اركز في حياتي ومستقبلي، وبرضو مش عايز حد يكون عارفني.. واسباب تانية خاصة بيا مش هقدر اقولها. عايز اقول ان الفترة دي كانت من اجمل الفترات بمعرفتكم كلكم وانتو بصراحة معزتكم عندي كبيرة جدا، شاركتكم اجزاء كتيرة من حياتي واحداث ومواقف حصلتلي لاني باختصار بعتبركم زي عيلتي بالظبط 🤍 بتمنى منكم في النهاية انكم لما تذكروني، تذكروني بالخير، تدعولي وتدعو للي ربوني، واتمنى اني نجحت اسيب عني أثر كويس في قلوبكم. بتمنى كلكم تسامحوني لو زعلت او ضايقت حد، ولو حد عايز حقه مني في حاجه ده اليوزر بتاعي @ab7med6 اتفضل، وانا مسامحكم كلكم بلا استثناء، اتمنى اني كنت خفيف ولطيف على قلوبكم. هحذف القناة بعد يوم ان شاء الله، وهتبقى قناة الأجر بتاعتي @zekr06 هي بس اللي موجودة. أخيرًا، اللهم اني أبرأ وأتوب إليك من كل ذنب ومعصية نشرتها ونُشِرت بسببي، اللهم اني أسألك أن توفق أعضاء هذه القناة جميعهم وان تسددهم وتسعدهم وتجعل مثواهم الفردوس الأعلى 🤲 سعيد بمعرفتكم جميعا وانكم كنتم عيلتي 🫶 أستودعكم الله الذي لا تضيع ودائعه، والسلام عليكم ورحمة الله وبركاته. أحمد (ابو حميد)

مش هيحصل