Fenomena | Mira

Teatr videoları uchun ochdim)

​​Qil. Ol. Gapir. Ayt. Sev! Ortiqcha sermulozamat va ezmalik, uyatchang va boʻsh-bayov boʻlish sen-u menga emas, doʻstginam! Inson ochiq, dadil, dangal boʻlsa, koʻp hollarda yutadi. Shaxsiy hayot deysanmi, oila yoki ishmi, barchasida soʻzing ham harakating oʻtkir boʻlsin. "Qila olarmikinman?", "voy, oʻxshamasachi?", "ustimdan kulishsachi?", "siz aytgandek sharoitim yoʻq-da!", "eplolmaymanov" deb oʻzining potensiali va Yaratganning unga bergan aql, farosat va boshqa ne'matlariga ishonmaslik qayerda-yu?! "Qila olaman", "albatta", "shu ish uchun yaratilganman-ku", "oʻz sohamni sevaman" deb aytgan va amalda koʻrsatgan qayerda?! Ikkilanma! Gaziga bosish kerak. Xato qilishdan ham qoʻrqma! Betakrorligingi his qil. Oʻzingga, qobiliyatingga toʻgʻri baho ber. Atrofingdagilar aytaveradi. Ular doim oʻzlaridan oʻzib ketishingni istashmaydi. Shunday ekan, shahdam boʻl. Nimani xohlayapsan, qil oʻshani. Vaqt oʻtkazib yurgandan foyda yoʻq. Natijasiga koʻzing yetyaptimi, ikkilanishlarsiz boshla. Yetmayapti, yetgunicha ishla. Moliyaviy erkin boʻlmoqchimisan, boʻl. Hamma qobiliyatingni emas, naf beradiganidanini ishlat. Karyerada gullamoqchimisan, gulla. Izlan, oʻqi, ma'lumot almash. "Olma pish, ogʻzimga tush", deb yotma! Hayotning senga munosabatini aytaymi? Oʻzingga qanday qarasang, u ham senga oʻshani ravo koʻradi. Ha, deganda oʻzgalar oyogʻi ostida pol latta boʻlma! Oʻsha gap, qadringni bil. Tabbasum qil. Katta ketvorma! Oʻzingni bosib ol! Uzoqni koʻra bil! Diplomatiya qil! Hamma ochiq gapirganni xush koʻradi. Chaynalib, ezmalanganni emas. Sizniki boʻlishi kerakligini anglayapsizmi, demak, oʻsha sizniki boʻlsin. Maksimal sababiyatni qiling. Shunda ham oʻxshamasa, Alloh siz uchun atamagan ekan. Rozi boʻling. Lekin yoʻlingizda hozirgidan-da dadilroq davom eting! @mira_blogi

Kanalimiz maxfiylandi. Endi reaction ham komment ham yoʻq. Aloqa uchun manzil shu: @MikrokosmBot

Shaxsiy xonam – olamimga qoʻshilmoqchi boʻlsangiz! Pastdagi havolani bosing) https://t.me/+O6PXlMRZRvI4ZjAy