“Chaqirilmagan mehmon!”
Birovni dardini qalbdan his qilish uchun o’sha dardni o’zimiz yashab ko’rishimiz kerak, bo’lmasa hech qachon u odamni his qila olmaymiz deb o’ylab qolaman…
Sofiya 10 kuncha oldin judayam injiqlashib qoldi. Tinmay qo’lini og’ziga solaverdi, tishlarini ushlayverdi. Tushundim, tishi chiqayotkan bo’lsa kerak… keyin negadur burni oqib yo’talishni boshladi. Virus yuqdimikin deb o’yladik. O’sha kecha tuni bilan yig’lab chiqdi, hech narsaga ko’nmadi. Hatto ko’krak taklif qilsam ham olmadi, og’ziga qo’lini solib yig’layverdi. O’ynagisi ham kelmadi (kechasi 2-3da uyg’onib o’ynayman degan odat chiqargandi, qaniydi o’ynayman desa devordim boshqa payt o’zimni uhlaganga solib turardim😅). Nafas olishga burni to’lib qiynalar, ba’zida yo’talar, keyin yana qo’lini og’ziga solardi. Ertalab biroz yaxshilanib qoldi. Ko’chada ishlarimiz bor edi, turmush o’rtog’im bilan bitirdik. Avtokreslosida uxlab qoldi. 30 daqiqalardan keyin yana uyg’onib ketdi (odatda kamida 1 soat uxlaydi). Tinmasdan yig’layverdi. Shifokorga olib borishga kelishdik. Shunaqa yig’lasa quloq infeksiyasi, o’pkasi va tomog’ini tekshirtirish kerak deb o’ylayman, chunki quloq infeksiyasida antibiotik yozadi (o’zi Amerikada uncha bunchaga yozmaydi antibiotik). Tekshirib bo’lgach hammasi joyidaligini, qulog’i va o’pkasi tozaligini aytdi. Tishi chiqayotkan bo’lishi mumkin deganimga, shunaqa ham ekan dedi. O’zimizni davo usulimizni aytdi.
Xullas, kechqurun yana yig’lab chiqdi. Umuman ovutib bo’lmadi. Istma ham kirdi. Oxiri tylenol berdim (odatda ahvoli yomon bo’lmasa bermayman). Birozdan keyin ovundi, tinchlanib tiniqib uxladi. Shunaqa paytlar Onaga juda qiyin bo’ladi. Asablarim mingga chiqib ketmasligi uchun o’zimni zo’rga ovutdim… o’zimni bosa olishimga Alloh kuch bergani uchun Alhamdulillah
Xullas, endi gapni qaymog’iga o’tsam, hayotimga kutilmagan, umuman chaqirilmagan mehmon - Aql tishi kelyapti🥲🥲 bitta sen yetishmay turganding hurmatli tish🥲 aqli ko’payib, zerikmay tursin degandirdaaa🫠 shu tish ishonasizmi shunaqa yomon og’riq berdi. Uxlay olmadim, hech narsa tayinli yeya olmadim, og’zimni tepadagisi tirnab, stomatit qilib yubordi. Ikkinchi kuni og’rig’iga chiday olmay gel sotib oldik. Shu sal yengilladi og’riqni. Shu kuni Sofiyani biroz bo’lsada tushundim… hech qachon tish bo’lmagan joylardan yorib chiqayotkan tishlar shunaqa og’riq berarkan… shunaqa odamni behuzur qilarkan. Yaxshiyam farzandimga jahl qilib zahar sochmaganim. O’zimda aql tishi chiqmaganda hech qachon undagi behuzurlikni va og’riqni his qila olmasdim… hech qachon…
Hayotda ham shunday. Kimlarnidur sirtidan qarab baholaymiz, go’yoki ularga barchasi osondek tutamiz… aslidachi? Aslida hammasi unday emas afsuski. Hech kimni og’rig’ini, u qalbida nimani his qilayotkanini, ichida qanday urishlar bo’layotkani-yu, oilaviy ahvolini hech qachon bilmaymiz. Bu avvallo o’zimga yana bir bora eslatma. Sirtiga qarab hech kimni muhokama qilmaslikka yana bir bora eslatma❤️ “hammaga mehribon bo’ling, siz u ichida qanday tofonlar bo’layotkanini bilmaysiz” derdi bir serialda. Huddi shunday… mehribon bo’laylik…
23-avgust yozilgan post endi tugatildu🥲🫠 procrastination queen🤓
Aytkancha bugun aniqlab keldik, rostan aql tishi ekan. Seni umuman kutmayotkandim hurmatli tish. Bunaqa og’ritishing yetti uxlasam ham tushimga kirmasdi🥲 odamlar aql tishga vahima qiladi, shunaqa og’riqlimikin degandim🫠 ha, shunaqa og’rirkan🥲❤️🩹
@bizningmontessoriuy