Сахалыы ВЕСТИ

Павловскай орто оскуолата  Мэҥэ - Хаҥалас улууһун биир улахан итиэннэ үчүгэй үлэлээх үөрэҕин кыһатынан биллэр. Саха Сиригэр сүүһүнэн архитектордары бэлэмнээбит киһинэн оскуолаҕа уруһуй итиэннэ черчение учууталынан үлэлээбит РФ үөрэҕириитин туйгуна, СӨ үтүөлээх учуутала, айар куттаах педагог, новатор, черчение уруогун туһунан элбэх кинигэ автора Василий Николаевич Оконешников ааттанар. Сүдү учууталга анаммыт памятник-комплекс кини аатын сүгэр үөрэх кыһатын тиэргэнигэр тутуллубута итиэннэ бу бырайыак кини үөрэнээччитэ,  архитектор Сергей Иннокентьевич Лукин ааптарынан буолбута дириҥ ис суолталаах. Бу туһунан, 1972-1980 сылларга оскуола дириэктэринэн үлэлээбит, СӨ судаарыстыбаннай уонна уопсастыбаннай диэйэтэлэ Матвей Васильевич Мучин чулуу учуутал туһунан маннык сырдатар. Радио России Саха 104.9 Корреспондент: Альбина Павлова

ВЕСТИ САХА, [05.09.2024 17:26] Өрөспүүбүлүкэтээҕи социалынай көмөнү оҥорор Киин анал дьиэтигэр барыта 308 доруобуйаларын хааччахтаах дьон олорор.  Дьиэ олохтоохторо 2023 сылтан Светлана Архипченко салайааччылаах “Добровольцы”  волонтердар хамсааһын филиалын быһыытынан, күн аайы харысхал сиэккэтин өрөллөр. Барыта 314 харысхал сиэккэтин өрөн уолаттарбытыгар ыыттыбыт, дэһэллэр волонтердар. Маны таһынан, социалынай дьиэ олохтоохторо куорат 7 нүөмэрдээх оскуола үөрэнээччилэри кытта шефтэһэллэр. Бу туһунан Анал дьиэ сэбиэдиссэйин солбуйааччы Максимова Саргылана иһитиннэрэр. Радио России Саха 104.9 Корреспондент: Альбина Павлова

Бүгүн, балаҕан ыйын 5 күнүгэр ытыктыыр киһибит, саха биллииээх тренерэ, педагога, Саха АССР үтүөлээх учуутала, Саха АССР, РСФСР уонна ССРС үтүөлээх тренерэ, бочуот Знага итиэннэ Октябрьскай революция орденнар кавалера Дмитрий Петрович Коркин төрөөбүтэ 96 сыла буолла. Кини эрчийии бастыҥ ньымаларыгар олоҕурбут спортивнай уһаарыллыыны барбыт үөрэнээччилэрэ үрдүк чыпчааллары дабайбыттара. Үөрэнээччилэриттэн биирдэстэрэ СССР үтүөлээх успуорт маастара, хас да төгүллээх Аан Дойду чемпиона, 1976 сыллаахха Монреальга ыытыллыбыт олимпийскай оонньууларга кыайбыт, аатырбыт бары киэҥ туттар тустуукпут Павел Пинигин тренерын, ииппит-такайбыт киһитин туһунан маннык кэпсээтэ. Радио России Саха 104,9 Корреспондент: Виталий Буслаев

Бу күннэргэ Илиҥҥи экэнэмиичэскэй пуорум иитинэн Владивосток куораттан чугас сытар Русский диэн арыыга сыл аайы ыытыллар ГТО успуорт көрүҥүнэн Уһук Илин куубагар Саха сириттэн 27 бөҕөстөөх күүстээх хамаанда көхтөөх кыттыыны ыла сылдьар. Санатан эттэххэ, былырыын Саха сирин хамаандата манна иккис миэстэни ылар чиэскэ тиксибитэ. Бу күрэхтэһиигэ, Саха сирин хамаандатын чиэһин Алексей Терентьев көмүскүү сылдьар, кини бэйэтэ Ньурба улууһун Марха нэһилиэгиттэн төрүттээх, билигин Дьокуускайдааҕы суһал көмө киинигэр медбратынан таһаарыылаахтык үлэлиир, чөл олоҕу тутуһар, спордунан утумнаахтык дьарыктанар. Салгыы, кини Владивосток куораттан күрэх хаамыытын туһунан сиһилии кэпсиирин истэргитигэр. Радио России Саха 104,9 Корреспондент: Виталий Буслаев

Саҥа үөрэх дьыла саҕаламмытынан! Ил Дархан Айсен Николаев Саха сирин олохтоохторун Билии күнүнэн эҕэрдэлээтэ. “Бу күнтэн саҥа үөрэх дьыла саҕаланар, саҥа арыйыылар, саҥа билиилэр, саҥа кыахтар аһыллаллар.  Арассыыйаҕа Дьиэ кэргэн, өрөспүүбүлүкэҕэ Оҕо саас сылларыгар 15 тыһыынчаттан тахса оҕо бастакы кылааска киирэр. 9 тыһыынча кэриҥэ 11 кылаас үөрэнээччилэригэр эксээмэҥҥэ бэлэмнэнэр тыҥааһыннаах  кэмнэрэ саҕаланар”, – диэн телеграм-ханаалыгар суруйда. Быйылгы үөрэх дьылыгар киин куорат бэһис нүөмэрдээх Кривошапкин аатынан орто оскуолатыгар маҥнайгы кылааска 105 оҕо үөрэх үтүө суолугар үктэннэ. Салгыы алын кылаас салайааччыта Василий Макаров Билии үөрүүлээх, долгутуулаах күнүнэн эҕэрдэлиир. Радио России Саха 104,9 Корреспондент: Виталий Буслаев

Владивосток куоракка балаҕан ыйын саҕатыгар ыытыллар Илиҥҥи экэнэмиичэскэй пуорумҥа (ВЭФ) экэниэмикэ сайдыытын эрэ дьүүллэһиэ суохтара. Пуорум элбэх хайысханы хабыаҕа. Манна пуорум иитинэн Владивостоктан чугас сытар Русский диэн арыыга ГТО многоборьетынан улахан, үһүс төгүлүн ыытыллар Уһук Илин куубага ыытыллыаҕа. Бу күрэххэ Саха сириттэн күүстээх, 27 бөҕөстөөх хамаанда кыттыыны ылаары бэлэмнэнэ сылдьар. Бу туһунан сиһилии Саха сиригэр ГТО бэдэрээссийэтин вице-бэрэсидьиэнэ, идэлээх спортсмен Игнатий Чомчоев иһитиннэрдэ. Радио России Саха 104,9 Корреспондент: Виталий Буслаев

"Манчаары оонньууларын" маскоттара - ростовой 3D фигуралар оҥоһуллан бүтэн бүгүн Ытык Күөлгэ тиэллэн кэллилэр, сотору кэминэн улуустааҕы норуот айымньытын киинин эр дьонун көмөтүнэн олохтоохтук туруоруллуохтара.

Саха сиригэр хаарбах дьиэлэртэн көһөрүү бырагырааматын иккис түһүмэҕэ үлэлиир🏗️ Хаарбах дьиэлэртэн көһөрүү бырагырааматын быйылгы сыллааҕы былаана. 140 тыһ. кв.м. көтүрүллүөхтээх, 8 тыһ. кэриҥэ киһи саҥа дьиэлэниэхтээх. Маныаха, олохтоох муниципальнай тэриллии  уонна эрэгийиэн биир тэтимнээх, киэҥ хабааннаах  үлэтин түмүгэр сыал-сорук ситиһиллэр. Былааннаммыт үлэ күн бүгүн болдьох быһыытынан ыытыллар. Сиһилии⤵️⤵️⤵️ https://gtrksakha.ru/news/2024/08/30/saha-siriger-haarbah-dielerten-koehoerueue-byragyraamatyn-ikkis-tuehuemee-ueleliir/ @sakhavesti✅