ህጉ ምን ይላል? ፉዓድ መሀመድ (Fuad Mohammed)_ጠበቃ፣ የህግ አማካሪና መምህር

የህግ አስከባሪነት መነሻው ህግን ማክበር እንጂ ባለጌ*ነት አይደለም❗ የፖሊስ ግዴታዎችና ሰብዓዊ መብትን ፍፁም የማይለያዩ ናቸው። ህዝብ ማገልገል ሰብአዊ በሆነ መልኩ እንዲሆን ህገመንግስታዊ ግዴታና የህግ የማስከበር መርህ ነው። ከስር የሚታዩት የፖሊስ አባል ድርጊት ከሰብአዊነትም፣ ከህገመንግስትም፣ ከሞራልም ፍፁም የሚፃረር የባለ*ጌነት ድርጊት ነው። በዚህ መልኩ በሚደረግ ህግ ማስከበር የህግ የቀላይነትን ማረጋገጥ ከቶ አይቻልም። ህዝቡ በህግና በህግ አስከባሪ ተቋማት ያለውን እምነት የሚሸረሽርና ለፍትህ የህግ ተቋማትን ተስፈ ከማድረግ ይልቅ ህዝቡ ማህበራዊ ፍትህን እንዲጠቀም የሚያስገድዱ በመሆናቸው የሚመለከተው አካል ፈጣን እርምጃ ሊወስድ ይገባል። የዚህችን ምስኪን ሴት ህጋዊ መብት የሚፃረር እርምጃ በወሰደው የፖሊስ አባል ፈጣን ህጋዊ እርምጃ ሊወሰድበት ይገባል። ድርጊቱ አስተዳደራዊ፣ የወንጀልና የፍትሐብሔር ተጠያቂነትን የሚያስከትል ሲሆን በፖሊስ አባሉ አስተማሪ ቅጣት ተጥሎ ሰብአዊ መብቷን በሚፃረር መልኩ የተደበደዘቿ እህታችን የጉዳት ካሳ ሊሰጣት ይገባል❗ የድብ*ደባ ቪዲዮውን ለመመልከት የቴሌግራም ቻናሌ👉https://t.me/attorneyfuad

በድጋሚ የተለጠፈ👇 ➡ቼክ ለማስከፈል ስለሚቀርብ ክስ  💦                                                                                  ✴አንድ ሰው በሂሳቡ ውስጥ በቂ ገንዘብ ሳይኖር ቼክ የጻፈ ከሆነ በወንጀል ሕግ ቁጥር 693 መሠረት በቼክ ማጭበርበር ወንጀል የሚቀጣ ሲሆን ድርጊቱ ሆን ተብሎ ወይም በሂሳቡ ውስጥ በቂ ገንዘብ እንደሌለው እያወቀ የተፈጸመ ከሆነ ቅጣቱ ከአስር አመት የማይበልጥ እስራት ሲሆን ድርጊቱ በቸልተኝነት ከተፈጸመ ደግሞ ከአንድ አመት የማይበልጥ ቀላል እስራት ነው፡፡ ✴በመሆኑም ክፍያ ቼኩን የሰጠው ሰው በወንጀል የሚቀጣ ሲሆን ነገር ግን ቼክ የተሰጠው ሰው በቼኩ ላይ የተገለጸውን ገንዘብ እንዲከፈለው ለመጠየቅ ስልጣን ላለው ፍርድ ቤት የፍትሐ ብሔር ክስ ማቅረብ ይኖርበታል፡፡ ✴ቼክ ለማስከፈል የሚቀርብ ክስ እንደ ሌሌች መደበኛ ክሶች የመቀርብ ሳይሆን በፍትሐ ብሔር ሥነ-ሥርአት ሕጉ መሠረት በአጭር ሥነ-ሥርአት የሚታይ ነው፡፡ ✴ስለዚህ ቼክ ይከፈለኝ በማለት በአጭር ሥነ-ሥርአት የሚቀርብ ሰው ተከሳሹ የተለየ መከራከሪያ እስካላቀረበ ድረስ ቼኩን ባለ ሂሳቡ መጻፉ ተረጋግጦ እንዲከፈለው የሚወሰን ነው። አለኝ የሚላቸውን ማስረጃዎች የማያያዝ ግዴታ እንደለበት እንደተጠበቀ ሆኖ። ➡ይርጋ💦 እንዲከፈል ==== ቼክ የወጣበት ቀን ከግምት ሳይገባ በቼክ ላይ ከተፃፈው ቀን አንስቶ በሚከተሉት 6 (ስድስት) ወራት ውስጥ እንዲከፈል ባንክ መቅረብ እንዳለበት ህጉ ያስገድዳል። በደረቅ ቼክ ምክንያት ለፍትሐብሄር ክስ ===== በቼክ የሚገደዱ ሰዎች ላይ ቼኩን የተቀበለው ሰው ክስ ማቅረብ የሚችለው ቼኩን ለክፍያ ባንክ ለማቅረብ የተወሰነው ጊዜ ካለፈ ጀምሮ እስከ (6) ስድስት ወር ድረስ ነው፡፡ በመሆኑም ቼክ የተቀበለ ሰው፣ ቼክ ሰጪው ላይ የፍትሀ-ብሄር ክስ ማቅረብ የሚችለው ቼኩ ላይ ከተፃፈው ቀን አንስቶ በ 1 (አንድ) ዓመት ጊዜ ውስጥ ነው፡፡ ለወንጀል ክስ === ስድስት ወር ብቻ

#ቢያስፈልግዎ ሰ_መ_ቁ_96309_ቅጽ_17 አንድ የባንክ ደንበኛ ከባንኩ ጋር በገባው ውል መሰረት የቁጠባ ሂሳቡን በኤቲኤም ካርድ ሲያንቀሳቅስ ቆይቶ ነገር ግን በአጋጣሚ ካርዱ ቢጠፋ እና ይሄንኑ በጽሁፍ ለባንኩ ካሳወቀ ከዚያ ቡሃላ በሂሳቡ ላይ ለሚደርስ ጉድለት ባንኩ ሀላፊነት አለበት።

#ጥያቄ:- አንድ አባት በሶስት ሚስት 10 ልጆች አሉት። ነገር ግን ሌሎች ሚስቶችና ልጆች ሳያውቁ ለአንዱ ልጁ ብቻ ከ 2 ሚሊዮን በላይ የሚገመት ንብረት ሰጥቶታል። በዚህ ሁኔታ በሌሎች ልጆች ጋር ውርስ አብሮ ይካፈላል? ህጉ ምን ይላል? #መልስ ሲጀመር የጋብቻን ንብረት በስጦታ ለማስተላለፍ የተጋቢዎች/ የሚስቶች ስምምነት ያስፈልጋል። ሲቀጥል ልጆችን ወይም ወራሾችን በተመለከተ በፍ/ብ/ህ/ቁ 1065 መሰረት በውርስ ሃብት ክፍፍል ወቅት ውርሱን የሚቀበለው የሟቹ ወደታች የሚቆጠር ተወላጅ የሆነ ሰው መመለስ የለበትም ተብሎ ከሟቹ ያገኘው ችሮታ ከሌለ በስተቀር በስጦታ ተቀብሎት የነበረውን ንብረት ከጠቅላላ የሟች ውርስ ውስጥ መልሶ ማስገባት አለበት። በዚህ መሠረት የሟችን የውርስ ሃብት ሁሉም ወራሾች እኩል ይካፈላሉ። በሌላ በኩል በፍ/ብ/ህ/ቁ 1073 መሰረት አንድ ወራሽ ሌሎች ንብረቶች መውረስ አልፈልግም ወይም ውርሱን አልቀበልም ያለ እንደሆነ ከሟች አስቀድሞ በስጦታ የወሰደውን ንብረት ወደ ጠቅላላ ውርሱ እንዲመልስ አይገደድም። ነገር ግን ሌሎች ንብረቶችን ለመውረስ አይችልም።

በአስገድዶ ደፋሪዎች ላይ ከስቅላት እስከ ብልት ማኮላሸት የሚደርስ እርምጃ የሚወስዱ የዓለማችን ሀገራት August 19, 2024 አሜሪካንን ጨምሮ ስድስት የዓለማችን ሀገራት በአስገድዶ መድፈር ወንጀል ጥፋተኛ የተባሉ ወንጀለኞችን ብልት እንዲኮላሽ የሚፈቅድ ህግ አላቸው በአስገድዶ ደፋሪዎች ላይ ከስቅላት እስከ ብልት ማኮላሸት የሚደርስ እርምጃ የሚወስዱ የዓለማችን ሀገራት እንደ ዓለም አቀፉ የስነ ህዝብ ትናት ከሆነ በዓለም ላይ ካሉ ጠቅላላ ሴቶች መካከል 35 በመቶ ያህሉ ለጾታዊ ጥቃት የተጋለጡ ናቸው፡፡ ይሁንና ጥቃቱን ከሚፈጽሙት ውስጥ 10 በመቶዎቹ ብቻ ህግ ፊት ቀርበው ውሳኔ ሲሰጣቸው ቀሪዎቹ በብዙ ምክንያቶች ተገቢውን ፍትህ አያገኙም፡፡ የአስገድዶ መድፈር ወንጀል በመላው ዓለም ያለ ክስተት ቢሆንም የተወሰኑ ሀገራት ወንጀሉን ፈጽመዋል በተባሉ ጥፋተኞች ላይ ከባድ ቅጣት እንዲጥሉ የሚፈቅድ ህግ አዘጋጅተዋል፡፡ በሕፃን ሔቨን ጉዳይ የተጀመረው የሚዲያ ዘመቻ እንዲቆም የአማራ ክልል ዳኞች ማህበር ጠየቀ በርካታ ዓለማችን ሀገራት የአስገድዶ መደፈር ወንጀልን ለመከላከል ወንጀለኛ መቅጫ ህጎችን ያዘጋጁ ቢሆንም የተወሰኑ ሀገራት ግን ጥፋተኞች ላይ ከባድ ቅጣትን በመጣል ይታወቃሉ፡፡ ለአብነትም ቻይና፣ ሳውዲ አረቢያ፣ ግብጽ፣ ደቡብ ኮሪያ እና ፓኪስታን የአስገድዶ መድፈር ወንጀል በፈጸሙ ጥፋተኞች ላይ የወንድ ብልትን ከማምከን ጀምሮ በስቅላት እና በእሳት በማቃጠል እንዲገድሉ የሚፈቅድ ህግ አላቸው፡፡ አሜሪካ ካሏት ጠቅላላ ግዛቶች መካከል ሰባቱ በአስገድዶ መድፈር ወንጀል ጥፋተኛ የተባሉ ወንጀለኞችን ብልት ማምከን የሚያስችል ህግ ያላቸው ሲሆን በዚሁ ወንጀል እድሜ ልክ የተፈረደባቸው ወንጀለኞች ቶሎ ከእስር መለቀቅ ከፈለጉ ብልታቸው እንዲመክን መፍቀድ ይጠበቅባቸዋል፡፡ ሰሜን ኮሪያ በዚሁ ወንጀል ጥፋተኛ የተባሉ ወንጀለኞችን በእሳት በማቃጠል ህይወታቸው እንዲያልፍ የምታደርግ ሲሆን ግብጽ አንቆ በመግደል እንዲሁም ሳውዲ አረቢያ ደግሞ አንገታቸውን በሰይፍ በመቅላት የሞት ፍርድ ትፈጽማለች፡፡ ፓኪስታን፣ ደቡብ ኮሪያ፣ ዩክሬን፣ ቸክ ሪፐብሊክ እና ሌሎችም ሀገራት ዜጎቻቸውን ከወንጀል ለመጠበቅ ጥፋተኛ በተባሉ ዜጎች ላይ ጥብቅ ህግ ካላቸው ሀገራት መካከል ተጠቃሽ ናቸው፡፡ ©አል አይን

በህፃን #ፌቨን ጉዳይ ፍ/ቤቱ የሰነው ውሳኔ

አክሲዮን ድርሻ የሌለው ሰው የቦርድ አባል መሆን ይችላል❓ ➖➖➖➖➖ 🔥 የአክሲዮን ማህበር አባል ያልሆኑ ሰዎች የአክሲዮን ማህበሩ የዳይሬክተሮች ቦርድ አባል ሆነው ሊመረጡ እንደሚችሉ አዲሱ የንግድ ህግ አዋጅ ቁጥር 1243/2013 በአንቀፅ 196/2 ፈቅዷል ። ነገር ግን ባለአክሲዮን ያልሆኑት የቦርድ አባላት ቁጥር ከጠቅላላው የቦርድ አባላት ቁጥር 1/3ኛ መብለጥ የለበትም። እንዲሁም ባለአክሲዮን ያልሆነ ሰው የቦርድ አባል መሆን ቢችልም የቦርዱ ሰብሳቢ መሆን አይችልም።

የሀገሪቱ ባንኪንግ ህጎች ከእስላማዊ ባንክ መርሆዎችና ልዩ ባህሪያች የሚጣጣሙ መሆን አለባቸው።