📚شعر🎼🎵موسیقی
385
Subscribers
No data24 hours
No data7 days
+130 days
- Subscribers
- Post coverage
- ER - engagement ratio
Data loading in progress...
Subscriber growth rate
Data loading in progress...
یامان داریخیرام
پریشان سمادا اولدوزلار آخیر
من آیا باخیرام، آی منه باخیر
حسرتین قلبیمی یاندیریر، یاخیر
گئجهلر تکلییی آندیران زمان-
یامان داریخیرام من سنسیز، یامان
یادیمدان چیخماییر او ایلک گؤروشون
باخیشین، صحبتین، شیرین گۆلوشون
نه بو حیاتیما یوخدو دؤنوشون
نه ده اونوتماغا وئرمیرسن آمان
یامان داریخیرام من سنسیز، یامان
کاشکی گلیشینه اولایدی اومود
بو سینیق کؤنلومه دولایدی اومود
ایچیمده سؤنمهییب قالایدی اومود
منی اووودایدی بیر ذرّه گومان
یامان داریخیرام من سنسیز یامان...
آفاق_شیخلی
@turkmilleti
👍 1
#اوخولون_ایلک_گۆنو
ساعتین چالارینین سسی ایله گؤزومو سیْخیب آچاراق یوخودان اویاندیم.
ال آتیب ساعتین سسینی کسدیم.
گئجه یاریسینا کیمی یاتا بیلمهمیشدیک، آللاه بیلیر نه زمان یوخو توتوب.
جانیمین هر یئری زوققولداییر، ائله بیل گئجه سحره کیمی داش داشیمیشام.
خزل آییندا اسن یئلین کۆشولتو سسی پنجرهدن اوتاغا گیریردی.
باشیمی ساغا چئویریب آیدین-ا باخدیم، گئنه یوخودا دیغیرلانیب یئریندن آرالی دۆشموشدو، یورقان-دؤشک بیر یاندا، اؤزو بیر یاندا ایدی. قوللارین چارپاز ووراراق قارنینا چکمیش، دیزلری دؤشونه کیمی یوخارییا گلمیشدی.
سولمازین خیریلتی سسی هلهده گلیردی، اون ایل اورتاق یاشامیمیزدا هلهده بو خیریلتییا آلیشمامیشدیم، سول الیمله اونو ترپهدیب " سولماز دو " دئدیم.
یئردن بالاجا یورقانی گؤتوروب آیدین-ین اۆستونه چکیب آیاغا قالخدیم.
" من گئدیرم چؤرک آلام سن ده دو چای قوی "
سولمازین گؤزلری قیپ-قیرمیز ایدی، اونوندا گئجهنی یاتا بیلمهدیگی بللی ایدی.
سسیمه آیدین گؤزلرینی آچدی.
سحر یئمهگینی یئییب ائودن چیخدیق.
اؤزومون ایلک گۆن اوخولا گئتدیگیم گؤزوم اؤنونده جانلانیردی. دۆز ۳۰ ایل اؤنجه، ۱۳۶۷ .
هاوا سرینلهمیشدی، آناملا ساغ اوللاشیب، تک باشیما ائودن چیخدیم.
قونشوموزون اوغلو بایرام قاپیدا منی گؤزلهییردی، او مندن ایکی یاش بؤیوک ایدی، اوخولداش ایدیک. کۆچهلردن کسدیرمه سالاراق خییاوانلاردان ایراق، اؤزوموزو اوخولا چاتدیردیق.
آیدین ماشیندا قاباق قولتوقدا اوتورموشدو، سولمازسا آرخا قولتوقدا. هئچ بیلمیرم نئجه گلدیک سادهجه بیر آن اؤزومو اوخولون اؤنونده گؤردوم. یول بویو اوخولومون ایلک گۆنو بئینیمدن چیخمیردی.
بایرام الیمی سیخاراق منی اؤزونه ساری چکیب " حسن، هوشون باشیندا اولسون آ ناظم اوّللر دئینده گؤر هارا دئییر گئت اورا ". ناظم-ی بورا کیمی کۆچهمیزده گؤرمهمیشدیم، بایرامین اۆزونه گۆلوب باشیمی ترپتدیم.
دوداقلاریمدا گۆلوش اولسایدی دا اۆرهگیم یامان دؤیونوردو، ایچیم تیترهییردی. هردن بیر بوینومدان قاوزانان ایستی یاناقلاریمی قیزیشدیریردی.
آیدین، اۆزومه باخیب گۆلومسهییردی.
آغزیمی آچیب " آیدین اوغلوم... " دئدیم، سؤزون قالانینی گتیره بیلمهدیم؛ سؤزلر بوغازیمدا قالمیشدی، نه دئیه بیلیردیم نه اوُدا بیلیردیم.
بایرام دئدی " گؤزله کیف-ین نیمکت لرین تیمینه ایلیشمهسین چکیب جیْرار "
نیمکت-ین نه اولدوغونو بیلمیردیم، هلهلیک گؤزوم اوخولون حیاطینا ساییسیزجا دولان اوشاقلاردا ایدی، بو یاشیما کیمی بیر بئله اوشاغی بیر یئرده گؤرمهمیشدیم. اوشاقلاردا باشدان-باشا تَزه پالتار باشماق گئین ده وار ایدی، ییرتیق-یاماقلی گئییننده، آرا بیر اؤزومه تای تَزه باشماق، یاماقلی شالوار، تمیز کؤینک گئین ده گؤروردوم. سس یۆکسلدیجدیسی (بلندگو) سسلندی " اوّللر گلین بویانا " اۆزو بیزه ساری اولان اوجا بوی، بیْغلی بیر کیشی سول الینی گؤیه قالدیریب سول یانا ترپهدیردی، اؤز-اؤزومه " ائله بیل بو ناظم دیر " دئدیم. بایرام مندن بیراز آرالی ایدی " حسن، حســــــن اده گئت " دئیه منه باغیریردی. هلهده بایرامین سسی قولاغیمدا جینگیلدهییردی.
آیدین-ین الیندن یاپیشیب اوخولونا ساری آپاردیق. سولمازین اۆزو گۆلوردو. گئجه دئدیکلری یادیما دۆشدو؛
" حسن، گؤرهسن نهجور اولاجاق؟ بو ائله چوخ فارسی باشارمیر، قورخورام کلاس دا دانیشا بیلمهیه، آخی دئییرلر ایندی بۆتون کلاس لاردا فارسی دانیشیلیر. بلکه هئچ اؤیرتمنلرین دئدیکلرین بیلمهیه. "
" اححح دئمه سن آللاه، اؤز اوشاقلیغیم یادیما دۆشور، بیز هئچ نه بیلمزدیک، نه دئسهیدیلر دوروب اۆزلرینه باخاردیق، سونوندا آنا دیلیمیزده دئیردیلر باشا دۆشردیک؛ ایندی رادیو، تلویزیون اوشاغین بئینینی دولدوروب، ائشیکده فارس دانیشان اوشاقدا آز دئییل "
سولماز درین بیر آه چکیب آیدین-ا باخدی.
اوخول اولدوقجا تر-تمیز ایدی، حیاط دا بئش-اون اوشاق آتا-آناسیله بیرگه وار ایدی. اوُشاقلار هامیسی بیر سایاقدا گئیینمیشدی، گئییملری تَزه ایدی. اوخوللار آچیلمامیشدان ایکی هفته اؤنجه هانسی اوشاغین هانسی درس اوتاغیندا اولدوغونو بیزه دئییب، اؤرتوشلرین ( یونیفورم) وئرمیشدیلر. آیدین ائله ایلک گۆندن " من قاباق صندل ده اوتوراجاغام " دئییردی. اؤن قولتوقدا اوتورماغا آلیشقان ایدی.
ناظم-ین چیغیر-باغیریله سیْرایا دۆزولوب درس اوتاغینا گئتدیک، کۆله قاراشین بیر قادین درس اوتاغینا گیردی، قاپیدان ایچهری کئچدیکده درس اوتاغینین دیبینده اوتورانلاردان " دوساله " دئییلن بیریسی " بَرپا " دئدی. بو قدر دو ساله آداش-ین بیر یئرده اولدوغو منی شاشیرتمیشدی.
" دو ساله " آدلی اوخوجولار آیاغا قالخاراق بیری بیزه ده " دورون، آیاغا دورون " دئدی.
" برپا "نین نه اولدوغونو بیلمیردیم؛ آنجاق من ده او بیری اؤیرنجیلر کیمی داوراندیم، برپا سؤزو ایله آیاغا قالخیب " بَرجا "سؤزو ایله یئریمیزه اوتوردوق. من هئچ برجا
سؤزونون آنلامین دا بیلمه
❤ 2👏 1
دیم.
آیدینـی درس اوتاغینا بوراخیب اؤزوم ده اوخولون حیاطیندا دایاندیم، بوگۆن آیدین-ا آرخا دوروم دئیه ایش یئریندن قویو ( اجازه) آلمیشدیم.
اۆرهگیم یامان سیخیلیردی اوخولون بیتیب ائویمیزه دؤنمهگینی ایستهییردیم. اؤیرتمن بیر-بیر آدلاریمیزی، هابئله آتالاریمیزین نه ایش گؤردوگونو سوروشوب " کتابلاریزی آلیب آپارارسیز ائوده جلد توتارسیز و... " دئییردی.
چالار سسی گلدی، بیر آن اوخولون بیتدیگینی دۆشونوب اؤیرتمهنین آرخاسیجا سئوینجک چانتامی گؤتوروب ائشیگه قاچدیم. آزجا قالیردیم قاپییا چاتام "حسن هارا؟؟؟؟ " آرخاما دؤنوب بایرام-ی گؤردوم
" من دئدیم بس مدرسه قوتاردی " دئدیم.
بایرام گۆلوب " هـــن هله هاراسی دی، ایکی زنگ ده هله قالیر. " سانکی باشیما بوزلو سو تؤکدولر، دونوخوب یئریمده قالدیم.
بایرام " توالئته گئتسن اورا توالئت دی. " دئدی.
" یوخ، یوخوم " دئدیم.
یئنی دن درس اوتاغینا دؤندوک. اورتالاردا بیر نیمکتده اؤزومه یئر سئچمیشدیم، بونو بایرام منه اؤیرتمیشدی. بیراز اوتوردوقدان سونرا همان قاراشین قادین یئنه گلدی. " برپا.... برجا. " بیزسه دوروب، اوتوردوق. اؤیرتمن بیراز دانیشدیقدان سونرا " دو ساله " اؤیرنجیلرین بیرینی " مبصر "لیک اۆچون سئچدی. او اوغلان هامیمیزدان بویلو-بوخونلو ایدی. داراق بویو ووردورولموش ساچلاری، چاتما قاشلاری
، گؤبود دیشلری اونا قورخونج بیر گؤرۆنۆم وئرمیشدی. اونا باخدیقجا قارنیم سانجیلانیردی.
توالئته گئتمک ایستهییردیم، اۆزومدن گلمیردی اؤیرتمهنه دئیم. نئچه دقیقه بئله سانجی چکهرک کئچدی. ایکی دؤنه ایستهدیم دوروب ائشیگه گئدم، " بایرامین کلاسدان ایستهسن چیخاسان گرک خانم معلم دن اجازه آلاسان، اجازه وئرسه گئده بیلرسن " دئدیکلری یادیما دۆشدۆ.
ایکی-اۆچ دؤنه اؤیرتمهنین اؤنونده اولان ماسانین اۆستونه باخدیم هئچ نه یوخ ایدی، اجازهنین اولمادیغینی دۆشوندوم.
آیاغیمی تیترهدیب، اؤزومو آرتیق ساخلاماق اۆچون دیشلریمله دوداغیمین اتینی دیشلهییردیم. قارنیمین آلتی جیریلیردی، کئشکه اؤیرتمهنین الینده اجازه اولسایدی، او زمان دئیردیم بیرینی منه وئرردی گئدردیم توالئته. داها دایانا بیلمیردیم بیر آن ایلیق بیر سویون قیچیمدان آخیب آیاق قابیما دولدوغونو باشا دۆشدوم. سویون یئرده آخماسی ایله، سۆدوک ایگی درس اوتاغینی بۆرۆدۆ. یاناقلاریم پؤرتموشدو، اۆرهگیم قولاقلاریمین دیبینده دؤیونوردو. اؤیرتمن اوجا سسله " دو چیخ ائشیگه، بیشعور " دئدی، اوشاقلار گۆلوشمهیه باشلادیلار، باشیمی آشاغی تیکیب ائشیگه چیخیب تک باشیما ائوه ساری قاچدیم. یولون تئز بیتیب ائویمیزه چاتدیغینی ایستهییردیم.
اوخولون اؤنونده سولمازلا دانیشارکن بیر بالاجا اوغلانین ایسلانمیش شالوارلا اوخولدان ائشیگه چیخیب قاچدیغینی گؤردوک.
سولماز تلهسیک دئدی " آیدین ایدی " .
دایانمادان آیدین-ین دالیسیجا قاچیب، اوخولدان بیراز آرالی اونو توتدوم. سولماز اؤزونو بیزه چاتدیردی، اۆرهیی آغزینا گلمیشدی.
جیب تلفن-وم زنگ چالدی
" سلام آقای علیزاده، آیدین مدرسه ده اؤزونو باتیریب چیخیب ائشیگه قاچیب... "
" من ایندی آیدین-ین یانیندایام، یاشایین. " دئییب تلفن-و باغلادیم. آیدین بیر سؤز دئیه بیلمیردی، دوداقلاری تیترهییردی، گؤزلریندن یاش الهنیردی.
سولماز، آیدین-ین اۆستو باشینا باخمایاراق قوجاقلاییب باغرینا باسدی.
دیله توتوب ماشینا میندیریب ائوه ساری گلدیک. یول بویو آیدین تئز-تئز آرخا پنجرهدن بویلانیب یولا باخیردی، او یولون تئز قورتاریب ائوه چاتماغیمیزی ایستهییردی.
ائوه چاتیب بیرگه چیمدیک.
اؤزوم سؤزون اۆستون آچمیردیم، دئییردیم قوی اؤزو دئسین.
چیمیب چیخاندان سونرا گئدیب بیراز اوزاندی.
آخشام باشی گلیب اؤنومده اوتوروب دئدی " آتا بیلیرسن نییه شالواریما ایشهمیشدیم؟ "
دئدیم " یوخ، دئ گؤروم نولوب "
" اؤیرتمن درس اوتاغینا گیریب باشلادی دانیشماغا، سلام زاد دئییب کئفیمیزی سوروشدو، اما بۆتون دانیشیغی آلاهی دیلدهیدی من ائله باش تاپمیردیم، هر کیم بیر سؤز ایستیردی دئیه دئییردی ' مگر سیزه مهد ده فارسجا اؤیرتمهییبلر؟ ' من ده مهد ده هر نه اؤیرنمیشدیم هامیسی یادیمدان چیخمیشدی. دئییردی فارسجا دانیشین. نه قدر فکرلشدیم توالئته گئتمهیین فارسیسین بیلمهدیم اونا گؤره اجازه آلانمادیم. اؤزومو ساخلایانمادیم شالواریما ایشهدیم. "
سولماز کئچه-کئچه گۆلومسویهرک دئدی " هله رادیو تلویزیون نم نه قد ائتگیلهییب هااا. "
فرخ جرایدی، یورغون
👏 4😢 1
ائتمیسن نازه هدف ای بت طناز منی
بسدی ناز ائیلهدین، اینجیتمهمیسن آز منی
طاقتیم یوْخ بوُ قدر نازیْنا، چوْخ ناز ائلهمه
آز قالیب اؤلدۆره، آز ائیلهدیگین ناز منی
ای کؤنۆل ملکۆنه حاکم کسیلَن نازلی صنم
نولا چاکرلرینین جرگهسینه یاز منی
قامتیم محنت هجرینده خم اوْلدوقجا گۆلۆم
سایهء مرحمتین ائتدی سرافراز منی
یانمادی حالیما بیر کیمسه اؤزۆمدن غیری
تانری ائتمیش دئیهسن، تک منه همراز منی
چوْخ شیرین گلدی منه، نالهمه اوْخشاتدیم اوْنو
اوْل سببدن ده اوْ دور اوْخشادی شهناز منی
من یازاردیم؛ قلم عاجزدی سنی وصف ائلهسین
" ماهر "م هر کسه تای ائیلهمک اوْلماز منی.
ماهر
@turkmilleti
اگر چه ناز و غمزه او بت طنازه لازیمدیر
ولی ناز ائتمه گه بیر حد و بیر اندازه لازیمدیر
گؤتور مرحم طبیبیم توتما زخم سینه سوراخین
بو دارالملک عشقه بیر آچیق دروازه لازیمدیر
کؤنول مشاطه قانین شیشه یه گر توتسا قوی توتسون
رخ جانانه چون زینت زمانی قاره لازیمدیر
اگر سلطان ملک عشق سن، وئر ساخلاما باشین
خیال منصب سردارلیق سربازه لازیمدیر
منی صباغ درد و غم بویار هر گۆنده بیر رنگه
یقین معشوقه ی عشقه لباس تازه لازیمدیر
چیخیب ترتیب دن اوراق اولوب مجموعه ی جسمیم
محبت رشته سیندن جلدیمه شیرازه لازیمدیر
نهفته رازدیر آغزین اونو اغیاره بیلدیرمه
او گیزلین سره همراز اولماق اهل رازه لازیمدیر
دییل لازیم کؤنول گنجشکینی پابند زلف ائتمک
او محکم پاچه بند ای نازنین شهبازه لازیمدیر
چمنده باغبان شمشاد و سروین ریشه دن کسدی
گؤروب چون شانه شمشاد او سرو نازه لازیمدیر
دئیین صرافه چوخ لاف محبت وورما آرام اول
بساط عشقی گؤرمک صاحب اعجازه لازیمدیر
#صراف_تبریزی
@turkmilleti
دل چکر جانی سر کویونا ذبح ائتمک اۆچون
سان کی حجّاج منا داغینا قوربان آپاریر
#شیروانلی_سید_عظیم
@sahbeyt
https://t.me/turkmilleti/6155
📚شعر🎼🎵موسیقی
@turkmilleti دل چکر جانی سر کویونا ذبح ائتمک اۆچون سان کی حجّاج منا داغینا قوربان آپاریر #شیروانلی_سید_عظیم @sahbeyt
Choose a Different Plan
Your current plan allows analytics for only 5 channels. To get more, please choose a different plan.