Free Belarus Center 🇺🇦

У гэтым выпуску праекта PROSTYJA REČY Андрэй Стрыжак адказвае на пытанні пра салідарнасць і дапамогу. У якім стане знаходзіцца зараз беларускае грамадства, каму і якая дапамога патрэбна? У чым феномен беларускай салідарнасці? Пра гэта і іншае глядзіце ў відэа. "PROSTYJA REČY" — гэта кароткія відэа з экспертамі і эксперткамі, якія дапамогуць разабрацца ў складаных сацыяльна-палітычных з'явах. Простай мовай мы адказваем на пытанні, датычныя няпростых тэмаў, часам на наіўныя, ці стэрэатыпныя, але важныя — таму што базу трэба ведаць. Мы будзем удзячныя, калі вы падпішыцеся на наш канал, паставіце лайк і падзяліцеся гэтым ролікам, каб яго ўбачылі як мага больш людзей. BYSOL:

Над відэа працавалі: • Андрэй Стрыжак — кіраўнік BYSOL

• Арцём Ставер — мантаж, музыка, графіка, голас за кадрам

• Аляксей Скідан — аператар-пастаноўшчык

• Альберт Літвін — рэжысёрка, гук, мантаж

• Іван Марозька — галоўны рэдактар

• Марыя Таніна — прадзюсер

• Zlata Kami — візажыстка

#простыярэчы #freebelarus #freebelaruscenter

⚡️✨Які сюрпрыз ад sekktor мы маем на сённяшнюю сустрэчу? Прызнаемся: мы рыхтавалі яго ўсё лета і нарэшце раскрываем карты! 🎉Каманда sekktor запускае вэб-платформу для беларускіх дзеячаў і дзяячак культуры, актывістаў(-к) і крэатараў(-к). Зараз быць у курсе магчымасцяў, мерапрыемстваў, навінаў і імёнаў у беларускай культуры і сумежных сферах дзейнасці можна будзе і на сайце sekktor.online. Расказваем пра змест ідэі ў картках і адказах на верагодныя пытанні ніжэй. ⏺ Навошта? Мэта ў тым, каб прапанаваць на платформу на стыку медыя і асобных сервісаў для беларусак і беларусаў, якія маюць (пра-)актыўнае дачыненне да культурніцкіх і творчых галін і грамадскага актывізму. Іншымі словамі, рабіць больш зручным пошук магчымасцяў, івэнтаў, патэнцыйна — імёнаў і праектаў, якія складаюць беларускую культуру. На прыкладзе Магчымасцяў: наладзіць агрэгацыю і зручны фільтр оўпэнколаў, каб яны больш не губляліся ў стужцы канала ці Захаванага ў Тэлеграм, а былі пад рукой і адпавядалі менавіта вашым інтарэсам. Плюс збіраць дапаможны кантэнт, праз які можна дзяліцца досведам, падтрымліваць сувязі і самаадукоўвацца. ⏺ Soft Launch Мы запускаемся паступова, крок па кроку дадаючы і выпраўляючы асобныя функцыі. Пра кожны такі зрух будзем будзем расказваць асобна, але што важна зараз — развіццё платформы немагчыма без вашай зваротнай сувязі і ў пэўным сэнсе суаўтарства. ⏺ Як можна дапамагчы? Калі вам падабаецца ідэя, далучайцеся да супольнасці sekktor любым даступным вам спосабам: ⁃ Дайце фідбэк (альбо сваю абвестку) у @sekktor_chat (адкрыты чат) ці ў @sekktor_admin (прыват) ⁃ Зрабіце данат камандзе на Ko-Fi 🔥 ⁃ Прапануйце свой артыкул у будучыя Блогі ⁃ Далучыцеся да анлайн-інтэрв’ю, калі вы аматар(-ка) наведваць і/альбо арганізаваць культурніцкую імпрэзу. 👌Больш падрабязна пра ідэю і планы ад sekktor.online ініцыятарка праекта Каця Раманчык распавядзе сёння ў 16:00 СЕТ (17:00 Мінск/Вільнюс), падчас дыскусіі з менеджарамі самых буйных праграмам мабільнасці для беларусаў. Далучайцеся! Рэгістрацыя скончыцца за гадзіну да мерапрыемства! Ілюстрацыя: ©Lesia Pcholka — Heimat.