የኢትዮጵያ ወንጌል አማኞች አብያተ ክርስቲያናት ካውስንል ECGBC

#ማስታወቂያ

#የ2017_አዲስ_ዓመትን_አስመልክቶ_የእንኳን_አደረሳችሁ_መልዕክት....🌼🌼🌼🌼 የኢትዮዽያ ወንጌል አማኞች አብያተክርስቲያናት ካዉንስል ጠቅላይ ፀሃፊ ቄስ ደረጀ ጀምበሩ አዲሱን 2017ዓ/ም አስመልክቶ የእንኳን አደረሳችሁ መልዕክት በማስተላለፍ መግለጫ ሰጡ። ጠቅላይ ፀሃፊዉ በመግለጫቸዉ ለኢትዮዽያዉያን እና ትዉልደ ኢትዮዽያዉያን በሙሉ እንኳን ከዘመነ ዩሐንስ ወደ ዘመነ ማቴዎስ እግዚአብሔር አምላክ በሰላም አሸጋገራቹ ያሉ ሲሆን ምንም እንኳን ያሳለፍነዉ አመት እንደ ሃገር የገጠሙን ችግሮች ቢኖሩም ቀላል የማይባሉ ስኬቶች እንደተመዘገቡ ገልፀዋል። በዚህም ታላቁ የኢትዮዽያ ህዳሴ ግድብ ተጨማሪ ሃል በማመንጨቱና ከፍፃሜ በመቃረቡ ለመላዉ የኢትዮዽያ ህዝብ እንኳን ደስ አላቹ ብለዋል። በአዲሱ ዓመት እግዚአብሔርን መፍራት እና በእዉነት ማምለክ በቅድስና መመላለስ ቅድሚያ የሚሰጠዉ ብርቱ ጉዳይ ነዉ ሲሉ አሳስበዋል።ኢትዮዽያዉያን ባለፈ ታሪክ ከመነታረክ እዉነተኛ እርቅን በማድረግ ነገአችን ብሩ ይሆን ዘንድ ሰላማችንን ለመጠበቅ እንትጋ ብለዋል። እንዲሁም የጦር መሳሪያዎችን ልሳን በመዝጋት ልዩነቶችን በዉይይት እና በይቅርታ ለመፍታት እንነሳ ሲሊ ጥሪያቸዉን አቅርበዋል። የሃይማኖት መሪዎች እና የሃገር ሽማግሌዎች ከሌሎች አጋዥ ወገኖች ጋር በመቀናጀት ሰላም በምድሪቱ ላይ እንዲሰፍን ያለ እረፍት መስራት ይጠበቅብናል ብለዋል። የወንጌል አማኞች አብያተክርስቲያናት የምንታወቅባቸዉን የልማት ስራዎች ይበልጥ በማጠናከር ለሃገራችን ዕድገት መፋጠን እንረባረብ ሲሉ ጥሪ አቅርበዋል። በአሁኑ ወቅት በልዩ ልዩ ችግሮች ዉስጥ የሚገኙ ወገኖችን በመደገፍ አዲሱን ዓመት በደስታ እንዲያሳልፋ እጆቻችንን እንዘርጋ ሲሉ አሳስበዋል። እግዚአብሔር ሕዝባችንን ፣ ሀገራችንን ይባርክ ፣ ይጠብቅ ፣አሜን!! #ለበለጠ_መረጃ ፌስቡክ፡- https://www.facebook.com/EGBCC/ ዩትዩብ፡ - https://www.youtube.com/@ethiopiancouncilgospelbeli4732 ቴሌግራም፦ https://t.me/EGBCC ይከታተሉን፡፡ ዘወትር ከእኛ ጋር ስላሉ እናመሰግናለን!!!!!