Historyja

20 верасня 1939 года пачалася славутая абарона Горадні. Баі цягнуліся ажно 3 дні.

20 верасня 1810 года нарадзіўся Плакід Янкоўскі - беларускі пісьменнік і перакладчык, уніяцкі святар. Аўтар аповесцей, апавяданняў, гумарэсак (вядомы больш за 20 твораў) і краязнаўчых, біяграфічных і інш. нарысаў, якія былі папулярнымі ў Беларусі і Літве.

20 верасня 1903 года нарадзілася Наталля Арсеннева - беларуская паэтэса, перакладчык, драматург. Аўтар верша "Магутны Божа".

20 жніўня 1991 года было стоваране Беларускае згуртаванне вайскоўцаў – арганізацыі, якая між іншым ставіла за мэту правесці рэформы ў войску, ажыццявіць беларусізацыю і выхаваць вайскоўцаў у нацыянальным патрыятычным духу. Адной з першых акцый БЗВ стала прыняцце вайскоўцамі прысягі на вернасць Беларусі 8 верасня 1992 года, у гадавіну Аршанскай бітвы, Дзень беларускай вайсковай славы.

Францішак Аляхновіч пра саветаў у кантэксце 1939 года і акупацыі Вільні: "Лепш у голым полі спаткацца са зграяй галодных ваўкоў, чымся неспадзявана пабачыць гэтыя шапкі, гэтыя зоркі, гэтыя скуластыя мангольскія твары, зь якімі, здавалася, ужо ніколі не сустрэнешся…"

Час ад часу паўтараецца міф, нібыта ўсе або большасць беларусаў змешаныя з расейцамі. Але гэта не так. Зразумела, што асабліва пры саветах праводзілася палітыка скрыжавання беларусаў з расейцамі ў рамках стварэння інтэрнацыянальнага homo sovieitcus з расейскім зместам, што збольшага атрымалася. Але калі такія выпадкі здараліся ў той ці іншай сям'і, не азначае, што такі "кэйс" трэба пераносіць на ўвесь народ. Для прыкладу ў паўночна-заходняй Беларусі (Панямонне) шмат мешаных беларуска-польска-літоўскім семяў, аднак нешта не чулася, каб тыя прыклады пераносіліся на ўсю Беларусь як у выпадку вышэй.

У фондах Нацыяальнага архіва захоўваецца шэраг заканаўчых актаў, на падставе якіх стваралася незалежная Беларусь. Як вядома, з 19 верасня 1991 года наша дзяржава стала называцца Рэспублікай Беларусь. У той жа дзень Вярхоўны Савет 12-га склікання зацвердзіў новыя дзяржаўныя сімвалы — герб "Пагоня" і бел-чырвона-белы сцяг. Крыніца

19 верасня 1810 года нарадзіўся Раймунд Зямацкі – ксёндз, удзельнік вызвольнага антырасійскага паўстання 1830-31. За абвяшчэнне маніфесту паўстання 1863-64 гг. быў арыштаваны царскай адміністрацыяй і таксама як іншыя каталіцкія святары расстраляны.

19 верасня 1991 года Вярхоўны Савет прыняў новую назву нашай дзяржавы — Рэспубліка Беларусь, а таксама зацвердзіў нацыянальныя і гістарычныя сімвалы ў якасці дзяржаўнай сімволікі — старажытны герб Пагоня і бел-чырвона-белы сцяг.

Бітва пад Воршай Мастак: Андрэй Халаменюк